എം.ബി. രാജേഷ്

ഇംഗ്ലീഷ് വിലാസം

https://ml.wikipedia.org/wiki/MB_Rajesh

എം.ബി. രാജേഷ്
എം.ബി. രാജേഷ്
എം.പി.
ഔദ്യോഗിക കാലം 2009–2019
മുൻഗാമി	എൻ.എൻ. കൃഷ്ണദാസ്
പിൻഗാമി	വി കെ ശ്രീകണ്ഠൻ
മണ്ഡലം	പാലക്കാട്
വ്യക്തിഗത വിവരണം
ജനനം	(1972-03-12) 12 മാർച്ച് 1972 ജലന്തർ, പഞ്ചാബ്
രാഷ്ട്രീയ പാർട്ടി	സി.പി.ഐ.(എം.)
പങ്കാളി	നിനിത കണിച്ചേരി
വസതി	പാലക്കാട്
വെബ്സൈറ്റ്	http://www.mbrajesh.in/
As of മേയ് 16, 2014 ഉറവിടം: [1]

പതിനഞ്ചാം ലോകസഭയിൽ പാലക്കാട് ലോകസഭാമണ്ഡലത്തെ പ്രതിനിധീകരിച്ചിരുന്ന അംഗവും ഡിവൈഎഫ്ഐ അഖിലേന്ത്യ പ്രസിഡന്റുമാണ്‌ എം.ബി. രാജേഷ് (മാർച്ച് 12, 1971).

ജീവിതരേഖ

കേരളത്തിലെ പാലക്കാട്ജില്ലയിലെ ഷൊർണൂർ ചളവറയിൽ റിട്ട. ഹവിൽദാർ ബാലകൃഷ്ണൻനായരുടെയും എം കെ രമണിയുടെയും മകനായി പഞ്ചാബിലെ ജലന്തറിൽ ജനിച്ചു.പാർട്ടി ഗ്രാാമമായ ചളവറയിലെ ഹൈസ്കൂൾ പഠനമാണ് രാജേേഷിനെ ഇടതുപക്ഷത്തേേക്ക് കൊണ്ടുവന്നത് .SFI യിലൂടെ നേതാവായി വളർന്നു. ബിരുദാനന്തരബിരുദവും നിയമബിരുദവുമുണ്ട് രാജേഷിന്‌. ഒരു എഴുത്തുകാരൻ കൂടിയായ രാജേഷ് ഡി.വൈ.എഫ്.ഐ.യുടെ മുഖപത്രം "യുവധാര' യുടെ മുഖ്യ പത്രാധിപരായിരുന്നു. ഡി.വൈ.എഫ്.ഐ. സംസ്ഥാന പ്രസിഡണ്ടായും പ്രവർത്തിച്ചിട്ടുണ്ട്. 2009-ലെ തെരഞ്ഞെടുപ്പിൽ 1820 വോട്ടിന്റെ ഭൂരിപക്ഷത്തോടെ പാലക്കാട്‌ ലോക്സഭാ മണ്ഡലത്തിൽ നിന്നാണ് വിജയിച്ചാണ് ലോകസഭയിലെത്തുന്നത്.

സാമ്പത്തിക ശാസ്ത്രത്തിൽ ബിരുദാനന്തര ബിരുദം, തിരുവനന്തപുരം ലോ അക്കാദമിയിൽനിന്ന് എൽഎൽബി ബിരുദം എന്നിവ നേടി. സി.പി.ഐ.എം. കേരള സംസ്ഥാന കമ്മിറ്റി അംഗമായ ഇദ്ദേഹം എസ്.എഫ്.ഐ സംസ്ഥാന സെക്രട്ടറി, എസ്.എഫ്.ഐ. കേന്ദ്ര ജോയന്റ് സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്.SFI നേതാവായിരിക്കേ നിരവധി സമരങ്ങളിൽ പങ്കെടുത്തു.

എസ്എഫ്ഐ പാലക്കാട് ജില്ലാ സെക്രട്ടറി, സംസ്ഥാന സെക്രട്ടറി, അഖിലേന്ത്യാ ജോയിന്റ് സെക്രട്ടറി എന്നീ നിലയിൽ പ്രവർത്തിച്ചു. ഡിവൈഎഫ്ഐ സംസ്ഥാന പ്രസിഡന്റായി. ഇപ്പോൾ അഖിലേന്ത്യാ പ്രസിഡന്റാണ്. സിപിഐ എം സംസ്ഥാനകമ്മിറ്റിയംഗമാണ്. ബ്,വർഗീയതക്കെതിരെയും പൊതുമേഖലയുടെ സംരക്ഷണത്തിനനുകൂലമായും പാർട്ടി യുടെ പ്രമുഖ വക്താവാണ് രാജേഷ്. ബ്രിജേഷ് (പ്രവാസി), സംഘമിത്ര (അധ്യാപിക) എന്നിവർ സഹോദരങ്ങളാണ്.. മുൻ SFl നേതാാവും അധ്യാപികയും ആയ ഡോ. നിനിത കണിച്ചേരി ആണ് ഭാര്യ. നിരഞ്ജന, പ്രിയദത്ത എന്നിവർ മക്കളാാണ്.

2014 ലെ ലോക്സഭാ തെരഞ്ഞെടുപ്പ്

2014 ലെ ലോക്സഭാ തെരഞ്ഞെടുപ്പിൽ പാലക്കാട് നിന്ന് രണ്ടാാമതും തെരഞ്ഞെടുക്കപ്പെട്ടു. പാലക്കാട് കോച്ച് ഫാക്ടറിക്കായി രാജേഷ് നടത്തിയ ശ്രമങ്ങൾ ജനപിന്തുണ വർദ്ധിപ്പിച്ചു എം.പി.വീരേന്ദ്രകുമാറിനെയാണ് 1 ലക്ഷത്തിൽ പരം വോട്ടിന്റെ ഭൂരിപക്ഷത്തിൽ പരാജയപ്പെടുത്തിയത്. മണ്ഡഡലത്തിലൂടനീളം എൽ ഡി എഫ് മുന്നേറ്റം കാഴ്ചവച്ചു.2019 ൽ മൂന്നാമതും മത്സരിച്ചെങ്കിലും രാഹുൽ ഗാന്ധി പ്രഭാവത്തിൽ കോൺഗ്രസ് സ്ഥാനാർത്ഥി വിജയിച്ചു.

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും വോട്ടും	മുഖ്യ എതിരാളി	പാർട്ടിയും മുന്നണിയും വോട്ടും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും വോട്ടും
2019	പാലക്കാട് ലോകസഭാമണ്ഡലം	വി.കെ. ശ്രീകണ്ഠൻ	കോൺഗ്രസ് (ഐ.), യു.ഡി.എഫ്. 399274	എം.ബി. രാജേഷ്	സി.പി.എം., എൽ.ഡി.എഫ് 387637	സി. കൃഷ്ണകുമാർ	ബി.ജെ.പി., എൻ.ഡി.എ. 218556
2014	പാലക്കാട് ലോകസഭാമണ്ഡലം	എം.ബി. രാജേഷ്	സി.പി.എം., എൽ.ഡി.എഫ് 412897	എം.പി. വീരേന്ദ്രകുമാർ	എസ്.ജെ.ഡി., യു.ഡി.എഫ്. 307597	ശോഭ സുരേന്ദ്രൻ	ബി.ജെ.പി., എൻ.ഡി.എ. 136587
2009	പാലക്കാട് ലോകസഭാമണ്ഡലം	എം.ബി. രാജേഷ്	സി.പി.എം., എൽ.ഡി.എഫ് 338070	സതീശൻ പാച്ചേനി	കോൺഗ്രസ് (ഐ.), യു.ഡി.എഫ്. 336250	സി.കെ. പത്മനാഭൻ	ബി.ജെ.പി., എൻ.ഡി.എ. 68804

കൃതികൾ

• "ചരിത്രം അവരെ കുറ്റക്കാരെന്ന് വിളിക്കും"
• "ആഗോളവൽക്കരണത്തിന്റെ വിരുദ്ധലോകങ്ങൾ"
• "മതം, മൂലധനം, രാഷ്ട്രീയം"
• "ആഗോള സാമ്പത്തിക പ്രതിസന്ധിയുടെ മാനങ്ങൾ" (എഡിറ്റർ)

പുരസ്കാരങ്ങൾ

• "ദ വീക്ക്" എന്ന ഇംഗ്ലീഷ് വാരിക 2010-11ൽ മികച്ച യുവ എംപിയായി തെരഞ്ഞെടുത്തു.
• ഗ്ലോബൽ മലയാളി കൗൺസിൽ കേരളത്തിലെ മികച്ച എംപിയായി 2011ൽ തെരഞ്ഞെടുത്തു.
• റിപ്പോർട്ടർ ചാനൽ 2013ലെ മികച്ച എംപിയായി രാജേഷിനെ തെരഞ്ഞെടുത്തു.