പി.കെ. ശ്രീമതി

ഇംഗ്ലീഷ് വിലാസം

https://ml.wikipedia.org/wiki/P.K._Sreemathi

P. K. Sreemathy
Member of Parliament, Lok Sabha
ഓഫീസിൽ 2014–2019
മുൻഗാമി	കെ. സുധാകരൻ
പിൻഗാമി	K. Sudhakaran
മണ്ഡലം	കണ്ണൂർ
വ്യക്തിഗത വിവരങ്ങൾ
ജനനം	(1949-05-04) 4 മേയ് 1949 മയ്യിൽ, കണ്ണൂർ ജില്ല, കേരളം
രാഷ്ട്രീയ കക്ഷി	CPI(M)

കേരളത്തിലെ ഒരു രാഷ്ട്രീയ പ്രവർത്തകയാണ് പി.കെ. ശ്രീമതി . 2006-ൽ കേരളത്തിൽ അധികാരമേറ്റ വി.എസ്. അച്യുതാനന്ദൻ മന്ത്രിസഭയിലെ ആരോഗ്യമന്ത്രിയായിരുന്നു (ജനനം: മേയ് 4, 1949 - ). കണ്ണൂർ ജില്ലയിലെ മയ്യിൽ പഞ്ചായത്തിൽ ജനനം. പയ്യന്നൂർ നിയോജകമണ്ഡലത്തിൽ നിന്നും എം.എൽ.എ. ആയി തിരഞ്ഞെടുക്കപ്പെട്ടു.

ജീവിതരേഖ

1949 മേയ് 4-ന് ടി. കേളപ്പൻ നമ്പ്യാരുടെയും പി.കെ. മീനാക്ഷിയമ്മയുടെയും മകളായി ജനിച്ചു. സ്കൂൾ അദ്ധ്യാപികയായിരുന്നു. 30 വർഷത്തോളമായി പൊതുപ്രവർത്തനരംഗത്തു പ്രവർത്തിക്കുന്നു.

കണ്ണൂർ ജില്ലാ കൺസിലിൽ സ്റ്റാൻഡിംഗ് കമ്മിറ്റി ചെയർപെഴ്സണായുലം 1995 മുതൽ 1997 വരെ കണ്ണൂർ ജില്ലാ പഞ്ചായത്ത് പ്രസിഡണ്ടായും സേവനമനുഷ്ഠിച്ചിട്ടുണ്ട്. ഇപ്പോൾ അഖിലേന്ത്യാ ജനാധിപത്യ മഹിളാ അസോസിയേഷൻ സംസ്ഥാന സെക്രട്ടറിയും സി.പി.ഐ.(എം) കേന്ദ്ര കമ്മിറ്റി അംഗവുമാണ്. 2001-ലും 2006-ലും പയ്യന്നൂരിൽ നിന്നും കേരള നിയസഭയിലേക്ക് തിരഞ്ഞെടുക്കപ്പെട്ടു.

അലങ്കരിച്ച സ്ഥാനങ്ങൾ

• സ്റ്റാൻഡിംങ് കമ്മറ്റി ചെയർമാൻ, കണ്ണൂർ ജില്ലാ പഞ്ചായത്ത്.
• പ്രസിഡന്റ്, കണ്ണൂർ ജില്ലാ പഞ്ചായത്ത്.
• സംസ്ഥാന സെക്രട്ടറി, അഖിലേന്ത്യാ മഹിളാ അസോസിയേഷൻ
• സി.പി.ഐ.എം., ദേശീയ കമ്മറ്റി അംഗം.
• കേരള നിയമസഭയിൽ ആരോഗ്യവകുപ്പ്, കുടുംബക്ഷേമം എന്നിവയുടെ മന്ത്രിസ്ഥാനം

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും വോട്ടും	മുഖ്യ എതിരാളി	പാർട്ടിയും മുന്നണിയും വോട്ടും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും വോട്ടും
2019	കണ്ണൂർ ലോകസഭാമണ്ഡലം	കെ. സുധാകരൻ	കോൺഗ്രസ് (ഐ.), യു.ഡി.എഫ്., 529741	പി.കെ. ശ്രീമതി	സി.പി.എം., എൽ.ഡി.എഫ്, 435182	സി.കെ. പത്മനാഭൻ	ബി.ജെ.പി., എൻ.ഡി.എ. 68509
2014	കണ്ണൂർ ലോകസഭാമണ്ഡലം	പി.കെ. ശ്രീമതി	സി.പി.എം., എൽ.ഡി.എഫ്	കെ. സുധാകരൻ	കോൺഗ്രസ് (ഐ.), യു.ഡി.എഫ്.
2006	പയ്യന്നൂർ നിയമസഭാമണ്ഡലം	പി.കെ. ശ്രീമതി	സി.പി.ഐ.എം., എൽ.ഡി.എഫ്	കെ. സുരേന്ദ്രൻ (കോൺഗ്രസ്സ്)	കോൺഗ്രസ് (ഐ.), യു.ഡി.എഫ്.
2001	പയ്യന്നൂർ നിയമസഭാമണ്ഡലം	പി.കെ. ശ്രീമതി	സി.പി.ഐ.എം., എൽ.ഡി.എഫ്	എം. നാരായണൻകുട്ടി	കോൺഗ്രസ് (ഐ.), യു.ഡി.എഫ്.

കുടുംബം

ദാമോദരൻ നമ്പ്യാർ ഇ. ആണ് ഭർത്താവ്. ഒരു മകനുണ്ട്.