നെന്മേനിവാക

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

നെന്മേനിവാക
Starr 080531-4752 Albizia lebbeck.jpg
നെന്മേനിവാകയുടെ പൂക്കൾ, ഇല, കായ്കൾ
Not evaluated (IUCN 3.1)
Scientific classification
Kingdom: Plantae
Class: Eudicots
Order: Fabales
Family: Fabaceae
Genus: Albizia
Species: A. lebbeck
Binomial name
Albizia lebbeck
(L.) Benth.
Synonyms
  • Mimosa lebbek Blanco.
  • Mimosa sirissa Roxb.

ഉയരമുള്ള പർവ്വതപ്രദേശങ്ങളിലും സമതലങ്ങളിലും കണ്ടുവരുന്ന ഇലപൊഴിയും വൃക്ഷമാണ് നെന്മേനിവാക. അൽബീസിയ സസ്യ ജനുസ്സിലെ ഒരു ഔഷധസസ്യയിനമായ ഇതിന്റെ ശാസ്ത്രീയനാമം Albizia lebbeck എന്നാണ്. ഇന്ത്യയിൽ ഇതിനെ ശ്രേഷ്ഠ വൃക്ഷങ്ങളുടെ ഗണത്തിലാണ് ഉൾപെടുത്തിയിരിക്കുന്നത്. ശീതകാലത്ത് ഇലകൾ മുഴുവനായി പൊഴിയുകയും വസന്തത്തിൽ നിറയെ തളിരിലകളും, പൂക്കളുമായി അലങ്കാരവൃക്ഷമായി നിലകൊള്ളുന്നു.

നെന്മേനിവാകയുടെ പൂക്കൾ
നെന്മേനിവാകയുടെ മൂപ്പെത്താത്ത കായ
നെന്മേനിവാകയുടെ ഉണങ്ങിയ കായ
നെന്മേനിവാകയുടെ തൊലി

പേരുകൾ[തിരുത്തുക]

ഇതിന്റെ ഉണങ്ങിയ കായ്കൾ കാറ്റിൽ ഉലയുമ്പോൾ സ്ത്രീകൾ ചിലമ്പൽ ശബ്ദം ഉണ്ടാക്കുന്നതു പോലെയായതിനാൽ ഇംഗ്ലീഷിൽ വുമൺസ് ടംങ്ങ്ട്രീ എന്നു വിളിക്കുന്നു[1] . കൂടാതെ ഇംഗ്ലീഷിൽ ഇതിനെ ലെബെക്ക് ട്രീ, ഫ്ലീ ട്രീ, ഫ്രൈവുഡ് കൊക്കോ എന്നൊക്കെ വിളിപ്പേരുണ്ട്.

വിവരണം[തിരുത്തുക]

ഒരു ഇടത്തരം വൃക്ഷമായി വളരുന്ന ഈ മരം ഏകദേശം 25 മീറ്റർ വരെ പൊക്കത്തിൽ ശാഖോപശാഖകളായി വളരുന്നു. ശാഖാഗ്രങ്ങളിൽ ഇലത്തണ്ടുകളിൽ ഒന്നിലധികം ജോഡികളായി ഇലകൾ കാണപ്പെടുന്നു. ഇലഞെട്ടുകളിൽ സമ്മുഖമായി ഇലകൾ വിന്യസിച്ചിരിക്കുന്നു. പത്രകക്ഷങ്ങളിൽ നിന്നോ ശാഖാഗ്രങ്ങളിൽ നിന്നോ കുലകുലകളായി പൂക്കൾ ഉണ്ടാകുന്നു. മഞ്ഞ കലർന്ന വെള്ള നിറത്തിൽ കാണപ്പെടുന്ന പൂക്കൾക്ക് നേരിയ ദുർഗന്ധം ഉണ്ടാകാറുണ്ട്. ഈ പൂക്കൾ ബ്രഷിന്റെ നീണ്ട നാരുപോലുള്ള അനവധി കേസരങ്ങളാലാണ് സൃഷ്ടിക്കപ്പെട്ടിരിക്കുന്നത്. ഇവയുടെ കായ്കൾ മഞ്ഞ നിറത്തിൽ കാണപ്പെടുന്നു[2]. കായ്കൾക്ക് ഏകദേശം 10 സെന്റിമീറ്റർ വലിപ്പമുണ്ട്. വർഷകാലം മുഴുവൻ വൃക്ഷത്തിൽ കായ്കൾ കാണപ്പെടുന്നു. മഞ്ഞു കാലമാകുമ്പോൾ കായ്കൾ ഉണങ്ങി വിത്തുകൾ ഉള്ളിൽ വേർപെട്ടു കിടക്കും. ഈ കായ്കൾ കാറ്റിൽ ഉലയുമ്പോൾ ചിലമ്പൽ ശബ്ദം പുറപ്പെടുന്നു.

നെന്മേനിവാകയുടെ എല്ലാഭാഗങ്ങളിലും സാപ്പോണിൻ എന്ന ഘടകം അടങ്ങിയിരിക്കുന്നു. വർഷത്തിൽ 600 മില്ലിമീറ്റർ മുതൽ 2500 മില്ലിമീറ്റർ വരെ മഴ ലഭിക്കുന്ന നല്ല നീർവാർച്ചയുള്ള പ്രദേശങ്ങളിൽ വാക നന്നായി വലരുന്നു. വിത്തു വഴിയാണ് പ്രജനനം നടക്കുന്നത്.

രസഗുണങ്ങൾ[തിരുത്തുക]

ആയുർവ്വേദത്തിൽ ഇതിന്റെ രസഗുണങ്ങൾ;[3]

ഔഷധ ഉപയോഗം[തിരുത്തുക]

ഗിരീഷാരിഷ്ടത്തിലെ ഒരു പ്രധാന ചേരുവയായി നെന്മേനിവാകയുടെ വേര് ഉപയോഗിക്കുന്നു. ആയുർവേദ ഗ്രന്ഥങ്ങളിൽ വിഷസംഹാരിയുടെ ഗണത്തിലാണ് നെന്മേനിവാകയെ ഉൾപ്പെടുത്തിയിരിക്കുന്നത്. ഇല, പൂവ്, കായ്, വേര്, ഉണങ്ങിയതൊലി എന്നിവ ഔഷധങ്ങൾക്കായി ഉപയോഗിക്കുന്നു. വിഷം കലർന്ന ആഹാരസാധനങ്ങൾ ഭക്ഷിക്കുകയോ വിഷബാധ ഏൽക്കുകയോ ചെയ്യുന്ന വേളയിൽ വമനവിരേചന പ്രക്രിയകൾക്കു ശേഷം ഇല അരച്ചത് 10 ഗ്രാം സമം നെയ്യും ചേർത്ത് ഒരാഴ്ച രാവിലെയും വൈകീട്ടും സേവിക്കുന്നത് രോഗശമനമുണ്ടാക്കും.

ഉറാക്കമില്ലായ്മ അകറ്റാൻ വാകയുടെ ഇല അരച്ച് നെയ്യ് ചേർത്ത് ഭക്ഷിക്കുകയോ ഇല ഇടിച്ചു പിഴിഞ്ഞ നീര് അരിച്ച് കണ്ണിലൊഴിക്കുകയോ ചെയ്യാവുന്നതാണ്. കീടവിഷബാധ ഉണ്ടായാൽ വേര്, പൂവ്, ഇല, പൂമൊട്ട്, തൊലി, കുരു ഇവ സമം കഷായം വച്ച്, ചുക്കും കുരുമുളകും തിപ്പലിയും സമം പൊടിച്ചതും ഇന്തുപ്പും തേനും മേപ്പടി ചേർത്ത് സേവിക്കുന്നത് രോഗശമനത്തിനു നല്ലതാണ്.

മറ്റുപയോഗങ്ങൾ[തിരുത്തുക]

നെന്മേനിവാകയുടെ ഭാഗങ്ങൾ ശരീരത്തിലെ അഴുക്ക് നീക്കുവാൻ പ്രകൃതിദത്ത സോപ്പായി പണ്ടു മുതൽ ഉപയോഗിച്ചു വരുന്നു. നെന്മേനിവാകയുടെ ഇല കാലിത്തീറ്റക്കായി ഉപയോഗിക്കുന്നു. വരണ്ട മേഖലകളിൽ വനവൽക്കരണത്തിനായി നെന്മേനിവാക ഉപയോഗത്തിലുണ്ട്. കൂടാതെ തേയില, കാപ്പി, ഏലം തോട്ടങ്ങളിൽ തണലിനായി ഇത് നട്ടു പിടിപ്പിക്കാറുണ്ട്. മണ്ണൊലിപ്പ് തടയാൻ വാക ഒരു പ്രതിവിധിയാണ്. വാകയുടെ തയാറാക്കിയെടുത്ത തടി റെയിൽപ്പാളത്തിന്റെ അടിത്തട്ടിനായി ഉപയോഗിക്കുന്നു.

അവലംബം[തിരുത്തുക]

  1. davesgarden.com എന്ന സൈറ്റിൽ നിന്നും ശേഖരിച്ചത് 09-01-2012
  2. ഔഷധസസ്യങ്ങളുടെ അത്ഭുതലോകം, ഫെയ്മസ് ബുക്സ്. തിരുവനന്തപുരം. പുറം 218-219
  3. ayurvedicmedicinalplants എന്ന സൈറ്റിൽ നിന്നും ശേഖരിച്ച തീയ്യതി 9-01-2012

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=നെന്മേനിവാക&oldid=1989839" എന്ന താളിൽനിന്നു ശേഖരിച്ചത്