ചുവന്നകിൽ

വിക്കിപീഡിയ, ഒരു സ്വതന്ത്ര വിജ്ഞാനകോശം.
അകിൽ എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ അകിൽ (വിവക്ഷകൾ) എന്ന താൾ കാണുക. അകിൽ (വിവക്ഷകൾ)
ചുവന്നകിൽ
Chukrasia tabularis leaves.jpg
ചുവന്നകിലിന്റെ ഇലകൾ
ശാസ്ത്രീയ വർഗ്ഗീകരണം
സാമ്രാജ്യം: Plantae
(unranked): Angiosperms
(unranked): Eudicots
(unranked): Rosids
നിര: Sapindales
കുടുംബം: Meliaceae
ജനുസ്സ്: Chukrasia
വർഗ്ഗം: C. tabularis
ശാസ്ത്രീയ നാമം
Chukrasia tabularis
A.Juss.
പര്യായങ്ങൾ

പര്യായങ്ങൾ [ theplantlist.org - ൽ നിന്നും]

30 മീറ്ററോളം ഉയരം വയ്ക്കുന്ന ചുവന്നകിൽ ഇന്തോ-ബർമ്മയിലും പശ്ചിമഘട്ടത്തിലും നനവാർന്ന നിത്യഹരിത-അർദ്ധനിത്യഹരിതവനങ്ങളിൽ കാണുന്നു. (ശാസ്ത്രീയനാമം: Chukrasia tabularis). അകിൽ, ചന്ദനവേപ്പ്, കരടി, മലവേപ്പ് എന്നെല്ലാം പേരുകളുണ്ട്. ഇല പൊഴിക്കും വൃക്ഷമാണ്[1]. തായ്‌ലാന്റിലെ ഫ്രാ(Phrae) സംസ്ഥാനത്തെ ദേശീയവൃക്ഷമാണ് ചുവന്നകിൽ. വിത്തുവഴിയാണ് വംശവർദ്ധന. മുറിച്ചമരത്തിനു ചുവട്ടിൽനിന്നും പുതിയചെടിമുളച്ചുവരും. മുറിച്ചയുടനെയുള്ള മരത്തിന് ഒരു സുഗന്ധമുണ്ട്. തടിയിൽ നിന്നും ഒരു പശ ഊറിവരാറുണ്ട്[2]. മൂത്തകായ പൊട്ടുമ്പോൾ പുറത്തുവരുന്ന വിത്തുകൾക്ക് ചിറകുകളുണ്ട്[3].

ഗുണങ്ങൾ[തിരുത്തുക]

ചുവപ്പുരാശിയുള്ള തടി അറുക്കാനും പണിയാനും എല്ലാം നല്ലതാണ്. സംഗീതോപകരണങ്ങൾ ഉണ്ടാക്കാൻ നല്ല തടിയാണ്. വിറകായും ഉപയോഗിക്കുന്നു. ഇലയിലും തടിയിലും ടാനിൻ അടങ്ങിയിട്ടുണ്ട്. വാഴയുടെയും പേരയുടെയും നാരകത്തിന്റെയുമെല്ലാം ഇടവിളയായി നട്ടുപിടിപ്പിച്ചുവരുന്നു[4]. ഇലകൾക്കും തടിയ്ക്കും പൂക്കൾക്കുമെല്ലാം ഔഷധഗുണം കൂടാതെ ജൈവകീടനാശിനിയായും ഉപയോഗമുണ്ട്[5].

ഔഷധഗുണങ്ങൾ[തിരുത്തുക]

എല്ലുപൊട്ടലിനും വയറിളക്കത്തിനും ചുവന്നകിൽ ഔഷധമാണ്. ഇലകൾക്കും പലവിധ ഔഷധഗുണമുണ്ട്. തിളപ്പിച്ച ഇല രക്തശുദ്ധിക്ക് ഉപയോഗിക്കുന്നു[6].

മറ്റു ഭാഷകളിലെ പേരുകൾ[തിരുത്തുക]

Chittagong Wood, Indian Redwood • Hindi: चिकरासी Chikrasi • Manipuri: তাঈমৰেঙ Taimareng • Telugu: Kondavepa • Tamil: மலை வேப்பு Malei veppu • Kannada: Kalgarike • Malayalam: Suvannakil • Bengali: Chikrassi • Assamese: Boga-poma (ഇന്റർനെറ്റിലെ പലയിടത്തുനിന്നും ശേഖരിച്ച പേരുകളാണിവ, തെറ്റുകളുണ്ടായേക്കാം)

ചുവന്നകിലിന്റെ ഇലയിൽ തൂങ്ങിക്കിടക്കുന്ന തൊഴുകൈയ്യൻ പ്രാണിയും മുട്ടകളും

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]


"https://ml.wikipedia.org/w/index.php?title=ചുവന്നകിൽ&oldid=1787675" എന്ന താളിൽനിന്നു ശേഖരിച്ചത്