ആനെക്കാട്ടിമരം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ആനെക്കാട്ടിമരം
Grewia laevigata
Grewia laevigata Vahl.jpg
പൂക്കൾ
ശാസ്ത്രീയ വർഗ്ഗീകരണം
സാമ്രാജ്യം: സസ്യം
(unranked): പുഷ്പിക്കുന്ന സസ്യങ്ങൾ
(unranked): യൂഡികോട്സ്
(unranked): റോസിഡ്സ്
നിര: മാൽവെയിൽസ്
കുടുംബം: Malvaceae
Tribe: Grewieae
ജനുസ്സ്: ഗ്രൂവിയ
വർഗ്ഗം: G. laevigata
ശാസ്ത്രീയ നാമം
Grewia laevigata
Vahl., Symb. Bot. 1 (1790)
പര്യായങ്ങൾ

കേരളത്തിലെ നിത്യഹരിതവനങ്ങളിലും അർദ്ധനിത്യഹരിതവനങ്ങളിലും കാണപ്പെടുന്ന ഒരിനം ഇടത്തരം വൃക്ഷമാണ് ആനെക്കാട്ടിമരം (ശാസ്ത്രീയനാമം: Grewia laevigata). വള്ളിച്ചടച്ചി എന്നും അറിയപ്പെടുന്നു. ടീലിയേസി സസ്യകുടുംബത്തിൽ ഉൾപ്പെടുന്ന ഈ വൃക്ഷം ഇന്ത്യ, ബർമ്മ, ശ്രീലങ്ക, ചില ആഫ്രിക്കൻ രാജ്യങ്ങൾ എന്നിവിടങ്ങളിൽ കാണപ്പെടുന്നു.

വിവരണം[തിരുത്തുക]

മിതമായ കാലവസ്ഥയിൽ വളരുന്ന ആനെക്കൊട്ടിമരം 7 മുതൽ 14 മീറ്റർ വരെ ഉയരം വയ്ക്കുന്നു[1]. ദീർഘവൃത്താകൃതിയിലുള്ള ഇലകൾ ഏകാന്തരമായി വിന്യസിച്ചിരിക്കുന്നു. 12 സെന്റീമീറ്റർ നീളവും 6 സെന്റീമീറ്റർ വരെ വീതിയുമുള്ള ഇലകളിലെ സിരകൾ തെളിഞ്ഞു കാണുന്നു. വേനലിലാണ് സസ്യം പുഷ്പിക്കുന്നത്. ദ്വിലിംഗമായ പൂക്കൾക്ക് മഞ്ഞ നിറമാണ്. അഞ്ചു വീതം ദളങ്ങളും ബാഹ്യദളങ്ങളും ഉണ്ട്. പൂവിൽ നിരവധി കേസരങ്ങളുണ്ട്. മഴക്കാലത്തിനു മുൻപായി തന്നെ ഫലങ്ങൾ മൂപ്പെത്തുന്നു. കായ്ക്കൾ ഉരുണ്ട രൂപമാണ്. വിത്തിനു ജീവനക്ഷമത കുറവാണെങ്കിലും വനത്തിൽ സ്വാഭാവിക പുനരുത്ഭവം നടക്കുന്നുണ്ട്. തടിക്ക് ഈടും ബലവുമില്ലാത്തതിനാൽ ഫർണിച്ചർ, കെട്ടിടനിർമ്മാണങ്ങൾക്ക് ഉപയോഗിക്കുന്നില്ല. മരത്തിന്റെ ഇലകൾ ഔഷധമായി ഉപയോഗിക്കുന്നു.

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=ആനെക്കാട്ടിമരം&oldid=2412725" എന്ന താളിൽനിന്നു ശേഖരിച്ചത്