ആറ്റുതേക്ക്

ഇംഗ്ലീഷ് വിലാസം

https://ml.wikipedia.org/wiki/Neolamarckia_cadamba

ആറ്റുതേക്ക്
കടമ്പിന്റെ പൂവ്
ശാസ്ത്രീയ വർഗ്ഗീകരണം
സാമ്രാജ്യം:	സസ്യം
(unranked):	പുഷ്പിക്കുന്ന സസ്യങ്ങൾ
(unranked):	യൂഡികോട്സ്
(unranked):	ആസ്റ്റെറൈഡ്സ്
നിര:	ജെന്റ്യനെയിൽസ്
കുടുംബം:	റുബിയേസി
ജനുസ്സ്:	Neolamarckia
വർഗ്ഗം:	N. cadamba
ശാസ്ത്രീയ നാമം
Neolamarckia cadamba (Roxb.) Bosser
പര്യായങ്ങൾ
Anthocephalus cadamba (Roxb.) Miq. Anthocephalus indicus var. glabrescens H.L.Li Anthocephalus morindifolius Korth. Nauclea cadamba Roxb. Nauclea megaphylla S.Moore Neonauclea megaphylla (S.Moore) S.Moore Samama cadamba (Roxb.) Kuntze Sarcocephalus cadamba (Roxb.) Kurz

റൂബിയേസി (Rubiaceae) സസ്യകുടുംബത്തിൽ സിങ്കൊണോയ്ഡേ (Cinchonoidae) വിഭാഗത്തിൽ ഉൾപ്പെടുന്നു ഒരിനം ഇലപൊഴിയും മരമാണ് ആറ്റുതേക്ക് (ശാസ്ത്രനാമം: Neolamarckia cadamba). കദംബ, കടമ്പ് എന്നീ പേരുകളിലും ഇവ അറിയപ്പെടുന്നു. ആറ്റിൻ കരയിൽ സമൃദ്ധമായി വളരുന്നതിനാലാണ് ആറ്റുതേക്ക് എന്ന് ഇതിനു പേരുണ്ടായത്. ഇന്ത്യ, ശ്രീലങ്ക, മലയ എന്നിവിടങ്ങളിൽ ഇവ വളരുന്നു.

വിവരണം

ജലാശയങ്ങളുടെ തീരത്തും നനവാർന്ന നിത്യഹരിതവനങ്ങളിലുമാണ് ഇവ വളരുന്നത്. ഇലപൊഴിയും മരമെങ്കിലും ഈർപ്പം കൂടുതലുള്ള പ്രദേശങ്ങളിൽ ഇവ ഒരുമിച്ച് ഇല പൊഴിക്കുന്നില്ല. അണ്ഡാകൃതിയിലുള്ള ഇലകൾ സമ്മുഖമായാണ് വിന്യസിച്ചിരിക്കുന്നത്. ഇലകൾക്ക് ഏകദേശം 25 സെന്റീമീറ്റർ നീളവും 8 സെന്റീമീറ്റർ വീതിയുമുണ്ട്. മഴക്കാലാത്താണ് മരം പുഷ്പിക്കുന്നത്. വൃക്ഷത്തിന്റെ മിക്കവാറും എല്ലാ ഭാഗങ്ങളിലും പൂക്കൾ കുലകളായി ഉണ്ടാകുന്നു. പൂക്കൾക്ക് ഓറഞ്ച് നിറമാണ്. ചെറുസുഗന്ധമുള്ള പൂക്കളിൽ അഞ്ചു ദളങ്ങൾ ഉണ്ട്. കർണങ്ങളും കേസരങ്ങളും അഞ്ചു വീതം കാണപ്പെടുന്നു. പുഷ്പങ്ങൾ ദ്വിലിംഗികളാണ്.

ഒക്ടോബർ മാസത്തിലാണ് ഫലങ്ങൾ മൂപ്പെത്തുന്നത്. വേഗത്തിൽ വളരുന്ന മരത്തിന് അതിശൈത്യം ദോഷകരമാണ്. ജലത്തിലൂടെയും ജന്തുക്കളിലൂടെയും വനത്തിൽ സ്വാഭാവിക പുനരുത്ഭവം നടക്കുന്നു. തടിക്ക് കാതലും വെള്ളയും ഉണ്ടെങ്കിലും അവ തിരിച്ചറിയാൻ വിഷമമാണ്. തേക്ക് എന്നു വിളിക്കപ്പെടുന്നുണ്ടെങ്കിലും ഇതിൻറെ തടിക്ക് ഉറപ്പില്ല. തടിക്ക് ബലക്കുറവുണ്ടെങ്കിലും ഫർണിച്ചർ നിർമ്മാണത്തിനായി അപൂർവ്വമായി ഉപയോഗിക്കുന്നുണ്ട്. കൂടുതലും തീപ്പെട്ടി നിർമ്മാണത്തിനാണ് ഉപയോഗിക്കുന്നത്.

ചിത്രശാല

• 

  തൃശ്ശൂരിൽ

• 

  ആറ്റുതേക്ക്

• 

  ആറ്റുതേക്കിന്റെയില

പുറത്തേക്കുള്ള കണ്ണികൾ

• കൂടുതൽ വിവരവും കാണുന്ന ഇടങ്ങളും
• http://www.biotik.org/india/species/n/neolcada/neolcada_en.html
• http://www.herbalcureindia.com/herbs/anthocephalus-indicus.htm

വിക്കിസ്പീഷിസിൽ ആറ്റുതേക്ക് എന്ന ജീവിയെക്കുറിച്ചുള്ള വിവരങ്ങൾ ഉണ്ട്.