പി. ശ്രീരാമകൃഷ്ണൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(പി ശ്രീരാമകൃഷ്ണൻ എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
പി. ശ്രീരാമകൃഷ്ണൻ

പി. ശ്രീരാമകൃഷ്ണൻ

കേരളനിയമസഭ സ്പീക്കർ
നിലവിൽ
പദവിയിൽ 
03 ജൂൺ 2016 മുതൽ
മുൻ‌ഗാമി എൻ. ശക്തൻ

കേരളനിയമസഭാംഗം
നിലവിൽ
പദവിയിൽ 
2011 മുതൽ
മുൻ‌ഗാമി പാലോളി മുഹമ്മദ് കുട്ടി
നിയോജക മണ്ഡലം പൊന്നാനി, മലപ്പുറം
ജനനം (1967-11-14) 14 നവംബർ 1967 (പ്രായം 51 വയസ്സ്)
പെരിന്തൽമണ്ണ, മലപ്പുറം, കേരളം, ഇന്ത്യ
ദേശീയതഇന്ത്യാക്കാരൻ
രാഷ്ട്രീയപ്പാർട്ടി
സി.പി.ഐ.(എം) South Asian Communist Banner.svg
ജീവിത പങ്കാളി(കൾ)എം. ദിവ്യ

പതിനാലാം നിയമസഭയുടെ സ്പീക്കറാണ് പി. ശ്രീരാമകൃഷ്ണൻ. സി.പി.എം പാനലിൽ ഇതു രണ്ടാം തവണയാണ് അദ്ദേഹം പൊന്നാനി നിയമസഭാമണ്ഡലത്തിൽ നിന്ന് തിരഞ്ഞെടുക്കപ്പെടുന്നത്. 2011-ലെ നിയമസഭാ തിരഞ്ഞെടുപ്പിൽ മലപ്പുറം ജില്ലയിലെ പൊന്നാനി മണ്ഡലത്തിൽ നിന്നും മൽസരിക്കുകയും വിജയിക്കുകയുമുണ്ടായി.[1][2]

ജീവിതചരിത്രം[തിരുത്തുക]

മലപ്പുറം ജില്ലയിലെ പെരിന്തൽമണ്ണയിൽ 1967 നവംബർ 14-ന് പി. ഗോവിന്ദൻ നായരുടെയും സീതാ ലക്ഷ്മിയുടെയും മകനായിട്ടാണ് പി. രാമകൃഷ്ണൻ ജനിച്ചത്. ഒറ്റപ്പാലം എൻ.എസ്.എസ്. കോളേജിലാണ് വിദ്യാഭ്യാസം പൂർത്തിയാക്കിയത്. ബി.എ., ബി.എഡ്. എന്നീ ബിരുദങ്ങളുണ്ട്. അദ്ധ്യാപകനായിട്ടാണ് ജോലി ചെയ്തിരുന്നത്. എം. ദിവ്യയാണ് ഭാര്യ. ഒരു മകനും മകളുമുണ്ട്.[2][3]

രാഷ്ട്രീയ ചരിത്രം[തിരുത്തുക]

1980-ൽ കീഴാറ്റൂർ പഞ്ചായത്തിലെ ദേശാഭിമാനി ബാലസംഘത്തിന്റെ സെക്രട്ടറി ആയിരുന്നു. 1981-ൽ പട്ടിക്കാട് ഗവൺമെന്റ് ഹൈസ്കൂളിലെ എസ്.എഫ്.ഐ. യൂണിറ്റ് സെക്രട്ടറി ആയി. 1983 മുതൽ 1988 വരെയുള്ള കാലയളവിൽ ഒറ്റപ്പാലം എൻ.എസ്.എസ്. കോളേജിലെ പഠനത്തിനിടയിൽ എസ്.എഫ്.ഐ.-യുടെ സജീവ പ്രവർത്തകനായിരുന്നു. പിന്നീട് എസ്.എഫ്.ഐ.-യുടെ യൂണിറ്റ് സെക്രട്ടറിയായും, എൻ.എസ്.എസ്. കോളേജ് യൂണിയൻ ഭാരവാഹിത്വവും വഹിക്കുകയുണ്ടായി. 1988-89 കാലഘട്ടത്തിൽ കാലിക്കറ്റ് യൂണിവേഴ്സിറ്റി യൂണിയൻ ചെയർമാനും സെനറ്റ് അംഗവും ആയിരുന്നു. പിന്നീട് 1990-ൽ കാലിക്കറ്റ് യൂണിവേഴ്സിറ്റി സിൻഡിക്കേറ്റ് മെമ്പറായി.[2]

ഇക്കാലയളവിൽത്തന്നെ, അതായത് 1988-1991 കാലയളവിൽ, എസ്.എഫ്.ഐയുടെ പാലക്കാട് ജില്ലാ പ്രസിഡന്റായിരുന്നു. 1991 മുതൽ പെരിന്തൽമണ്ണ ബ്ലോക്ക് സെക്രട്ടറിയായും സേവനമനുഷ്ഠിച്ചിട്ടുണ്ട്. 1997 മുതൽ ഡി.വൈ.എഫ്.ഐ-യുടെ മലപ്പുറം ജില്ലാ സെക്രട്ടറി ആയിട്ടും, 2005-ൽ ഡി.വൈ.എഫ്.ഐ-യുടെ കേരള സംസ്ഥാന പ്രസിഡന്റ് ആയും പ്രവർത്തിച്ചു. 2007 മുതൽ ഡി.വൈ.എഫ്.ഐ-യുടെ അഖിലേന്ത്യാ പ്രസിഡന്റാണ് പി. ശ്രീരാമകൃഷ്ണൻ.[2]

' യുവധാരാ മാസികയുടെ' മാനേജിങ്ങ് ഡയറക്ടർ ആയി പ്രവർത്തിച്ചിട്ടുണ്ട്. 2006 മുതൽ 2011 വരെ യൂത്ത് വെൽഫെയർ ബോർഡിന്റെ വൈസ് ചെയർമാനയിരുന്നു. ഇപ്പോൾ പെരിന്തൽമണ്ണയിലെ ഇ.എം.എസ്. ഹോസ്പിറ്റൽ ആൻഡ് റിസർച്ച് സെന്ററിന്റെ ഡയറക്ടറാണ്. ഏഷ്യാ-പസഫിക് വേൾഡ് ഫെഡറേഷൻ ഓഫ് ഡെമോക്രാറ്റിക് യൂത്തിന്റെ കോർഡിനേറ്റർ കൂടിയാണ് പി. ശ്രീരാമകൃഷ്ണൻ.[2] സി.പി.എം ന്റെ സംസ്ഥാന സമിതി അംഗമാണ്.[4]

പൊന്നാനി നിയോജക മണ്ഡലത്തെ പ്രതിനിധീകരിച്ച് 2011-ൽ നിയമസഭാംഗമായി തിരഞ്ഞെടുക്കപ്പെട്ടു. ഇന്ത്യൻ നാഷണൽ കോൺഗ്രസ് (ഐ)-ലെ പി.ടി.അജയ മോഹനെ 4101 വോട്ടുകൾക്ക് പരാജയപ്പെടുത്തി കൊണ്ടായിരുന്നു പി. ശ്രീരാമകൃഷ്ണൻ തിരഞ്ഞെടുക്കപ്പെട്ടത്.[1][2] 2016ലെ തിരഞ്ഞെടുപ്പിൽ പൊന്നാനിയിൽ നിന്നും വീണ്ടും തിരഞ്ഞെടുക്കപ്പെട്ട അദ്ദേഹം കേരള നിയമസഭയുടെ പുതിയ സ്പീക്കറാകാൻ തയ്യാറെടുക്കുകയാണ് ഇപ്പോൾ.

അവലംബം[തിരുത്തുക]

  1. 1.0 1.1 "Elected members". Chief Electoral Officer, Kerala. ശേഖരിച്ചത് 27 December 2011.
  2. 2.0 2.1 2.2 2.3 2.4 2.5 "P. SREERAMAKRISHNAN". Information System Section, Kerala Legislative Assembly, Thiruvananthapuram. ശേഖരിച്ചത് 27 December 2011.
  3. "പി ശ്രീരാമകൃഷ്ണൻ". LDF Keralam. ശേഖരിച്ചത് 27 December 2011.
  4. "സംസ്ഥാന കമ്മിറ്റി അംഗങ്ങൾ". CPI(M) Kerala State Committee. ശേഖരിച്ചത് 27 December 2011.
"https://ml.wikipedia.org/w/index.php?title=പി._ശ്രീരാമകൃഷ്ണൻ&oldid=3123289" എന്ന താളിൽനിന്ന് ശേഖരിച്ചത്