പി. ശ്രീരാമകൃഷ്ണൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പി. ശ്രീരാമകൃഷ്ണൻ
P sree ramakrishnan.jpg
പി. ശ്രീരാമകൃഷ്ണൻ
കേരളനിയമസഭ സ്പീക്കർ
ഔദ്യോഗിക കാലം
ജൂൺ 3 2016 – മേയ് 23 2021
മുൻഗാമിഎൻ. ശക്തൻ
പിൻഗാമിഎം.ബി. രാജേഷ്
മണ്ഡലംപൊന്നാനി
കേരള നിയമസഭാംഗം
ഔദ്യോഗിക കാലം
മേയ് 14 2011 – മേയ് 3 2021
മുൻഗാമിപാലോളി മുഹമ്മദ് കുട്ടി
പിൻഗാമിപി. നന്ദകുമാർ
മണ്ഡലംപൊന്നാനി
വ്യക്തിഗത വിവരണം
ജനനം (1967-11-14) 14 നവംബർ 1967  (53 വയസ്സ്)
പെരിന്തൽമണ്ണ
രാഷ്ട്രീയ പാർട്ടിസി.പി.ഐ.എം
പങ്കാളി(കൾ)എം. ദിവ്യ
മക്കൾഒരു മകൾ, ഒരു മകൻ
അമ്മപി. സീതാലക്ഷ്മി
അച്ഛൻപി. ഗോവിന്ദൻ നായർ
വസതിപെരിന്തൽമണ്ണ
As of ജൂലൈ 13, 2020
ഉറവിടം: നിയമസഭ

പതിനാലാം നിയമസഭയുടെ സ്പീക്കറാണ് പി. ശ്രീരാമകൃഷ്ണൻ. സി.പി.എം പാനലിൽ ഇതു രണ്ടാം തവണയാണ് അദ്ദേഹം പൊന്നാനി നിയമസഭാമണ്ഡലത്തിൽ നിന്ന് തിരഞ്ഞെടുക്കപ്പെടുന്നത്. 2011-ലെ നിയമസഭാ തിരഞ്ഞെടുപ്പിൽ മലപ്പുറം ജില്ലയിലെ പൊന്നാനി മണ്ഡലത്തിൽ നിന്നും മൽസരിക്കുകയും വിജയിക്കുകയുമുണ്ടായി.[1][2]

ജീവിതചരിത്രം[3][തിരുത്തുക]

മലപ്പുറം ജില്ലയിലെ പെരിന്തൽമണ്ണയിൽ 1967 നവംബർ 14-ന് പി. ഗോവിന്ദൻ നായരുടെയും സീതാ ലക്ഷ്മിയുടെയും മകനായിട്ടാണ് പി. രാമകൃഷ്ണൻ ജനിച്ചത്. ഒറ്റപ്പാലം എൻ.എസ്.എസ്. കോളേജിലാണ് വിദ്യാഭ്യാസം പൂർത്തിയാക്കിയത്. ബി.എ., ബി.എഡ്. എന്നീ ബിരുദങ്ങളുണ്ട്. അദ്ധ്യാപകനായിട്ടാണ് ജോലി ചെയ്തിരുന്നത്. എം. ദിവ്യയാണ് ഭാര്യ. ഒരു മകനും മകളുമുണ്ട്.[2][4]

രാഷ്ട്രീയ ചരിത്രം[തിരുത്തുക]

1980-ൽ കീഴാറ്റൂർ പഞ്ചായത്തിലെ ദേശാഭിമാനി ബാലസംഘത്തിന്റെ സെക്രട്ടറി ആയിരുന്നു. 1981-ൽ പട്ടിക്കാട് ഗവൺമെന്റ് ഹൈസ്കൂളിലെ എസ്.എഫ്.ഐ. യൂണിറ്റ് സെക്രട്ടറി ആയി. 1983 മുതൽ 1988 വരെയുള്ള കാലയളവിൽ ഒറ്റപ്പാലം എൻ.എസ്.എസ്. കോളേജിലെ പഠനത്തിനിടയിൽ എസ്.എഫ്.ഐ.-യുടെ സജീവ പ്രവർത്തകനായിരുന്നു. പിന്നീട് എസ്.എഫ്.ഐ.-യുടെ യൂണിറ്റ് സെക്രട്ടറിയായും, എൻ.എസ്.എസ്. കോളേജ് യൂണിയൻ ഭാരവാഹിത്വവും വഹിക്കുകയുണ്ടായി. 1988-89 കാലഘട്ടത്തിൽ കാലിക്കറ്റ് യൂണിവേഴ്സിറ്റി യൂണിയൻ ചെയർമാനും സെനറ്റ് അംഗവും ആയിരുന്നു. പിന്നീട് 1990-ൽ കാലിക്കറ്റ് യൂണിവേഴ്സിറ്റി സിൻഡിക്കേറ്റ് മെമ്പറായി.[2]

ഇക്കാലയളവിൽത്തന്നെ, അതായത് 1988-1991 കാലയളവിൽ, എസ്.എഫ്.ഐയുടെ പാലക്കാട് ജില്ലാ പ്രസിഡന്റായിരുന്നു. 1991 മുതൽ പെരിന്തൽമണ്ണ ബ്ലോക്ക് സെക്രട്ടറിയായും സേവനമനുഷ്ഠിച്ചിട്ടുണ്ട്. 1997 മുതൽ ഡി.വൈ.എഫ്.ഐ-യുടെ മലപ്പുറം ജില്ലാ സെക്രട്ടറി ആയിട്ടും, 2005-ൽ ഡി.വൈ.എഫ്.ഐ-യുടെ കേരള സംസ്ഥാന പ്രസിഡന്റ് ആയും പ്രവർത്തിച്ചു. 2007 മുതൽ ഡി.വൈ.എഫ്.ഐ-യുടെ അഖിലേന്ത്യാ പ്രസിഡന്റാണ് പി. ശ്രീരാമകൃഷ്ണൻ.[2]

' യുവധാരാ മാസികയുടെ' മാനേജിങ്ങ് ഡയറക്ടർ ആയി പ്രവർത്തിച്ചിട്ടുണ്ട്. 2006 മുതൽ 2011 വരെ യൂത്ത് വെൽഫെയർ ബോർഡിന്റെ വൈസ് ചെയർമാനയിരുന്നു. ഇപ്പോൾ പെരിന്തൽമണ്ണയിലെ ഇ.എം.എസ്. ഹോസ്പിറ്റൽ ആൻഡ് റിസർച്ച് സെന്ററിന്റെ ഡയറക്ടറാണ്. ഏഷ്യാ-പസഫിക് വേൾഡ് ഫെഡറേഷൻ ഓഫ് ഡെമോക്രാറ്റിക് യൂത്തിന്റെ കോർഡിനേറ്റർ കൂടിയാണ് പി. ശ്രീരാമകൃഷ്ണൻ.[2] സി.പി.എം ന്റെ സംസ്ഥാന സമിതി അംഗമാണ്.[5]

പൊന്നാനി നിയോജക മണ്ഡലത്തെ പ്രതിനിധീകരിച്ച് 2011-ൽ നിയമസഭാംഗമായി തിരഞ്ഞെടുക്കപ്പെട്ടു. ഇന്ത്യൻ നാഷണൽ കോൺഗ്രസ് (ഐ)-ലെ പി.ടി.അജയ മോഹനെ 4101 വോട്ടുകൾക്ക് പരാജയപ്പെടുത്തി കൊണ്ടായിരുന്നു പി. ശ്രീരാമകൃഷ്ണൻ തിരഞ്ഞെടുക്കപ്പെട്ടത്.[1][2] 2016ലെ തിരഞ്ഞെടുപ്പിൽ പൊന്നാനിയിൽ നിന്നും വീണ്ടും തിരഞ്ഞെടുക്കപ്പെട്ടു.

രാജ്യത്തെ നിയമസഭകളിലെ സ്പിപീക്കർമാരിൽ ഏറ്റവും മികച്ച സ്പീക്കറായി കേരള നിയമസഭാ സ്പീക്കറായി പി. ശ്രീരാമകൃഷ്ണനെ തിരഞ്ഞെടുത്തു. ഇന്ത്യൻ സ്റ്റുഡൻ്റ് പാർലമെൻ്റിൻ്റെ (ഭാരതിയാ ഛാത്ര സൻസദ് ) പുരസ്ക്കാരത്തിനാണ് അർഹനായത് ലോക്സഭാ മുൻ സ്പീക്കർ ശിവരാജ് പാട്ടിൽ അധ്യക്ഷനായ സമിതിയാണ് പി. ശ്രീരാമകൃഷ്ണനെ അവാർഡിയി തിരഞ്ഞെടുത്തത്. അടുത്ത മാസം 20 ന് ദില്ലിയിൽ നടക്കുന്ന ചടങ്ങിൽ ഉപരാഷ്ട്രപതി വെങ്കയ്യ നായിഡുവാണ് പി. ശ്രീരാമകൃഷ്ണന് അവാർഡ് സമ്മാനിക്കുക.[6]

അവലംബം[തിരുത്തുക]

  1. 1.0 1.1 "Elected members". Chief Electoral Officer, Kerala. ശേഖരിച്ചത് 27 December 2011.
  2. 2.0 2.1 2.2 2.3 2.4 2.5 "P. SREERAMAKRISHNAN". Information System Section, Kerala Legislative Assembly, Thiruvananthapuram. മൂലതാളിൽ നിന്നും 2012-05-12-ന് ആർക്കൈവ് ചെയ്തത്. ശേഖരിച്ചത് 27 December 2011.
  3. Empty citation (help)
  4. "പി ശ്രീരാമകൃഷ്ണൻ". LDF Keralam. മൂലതാളിൽ നിന്നും 2016-03-05-ന് ആർക്കൈവ് ചെയ്തത്. ശേഖരിച്ചത് 27 December 2011.
  5. "സംസ്ഥാന കമ്മിറ്റി അംഗങ്ങൾ". CPI(M) Kerala State Committee. മൂലതാളിൽ നിന്നും 2011-11-15-ന് ആർക്കൈവ് ചെയ്തത്. ശേഖരിച്ചത് 27 December 2011.
  6. . 18. 01.2020 https://www.asianetnews.com/kerala-news/p-sreeramakrishnan-wins-indian-student-parliament-best-speaker-award-q4axxg. |first= missing |last= (help); Cite journal requires |journal= (help); Check date values in: |date= (help); Missing or empty |title= (help)
"https://ml.wikipedia.org/w/index.php?title=പി._ശ്രീരാമകൃഷ്ണൻ&oldid=3636668" എന്ന താളിൽനിന്ന് ശേഖരിച്ചത്