ഹൈബി ഈഡൻ

ഇംഗ്ലീഷ് വിലാസം

https://ml.wikipedia.org/wiki/Hibi_Eden

ഹൈബി ഈഡൻ
ലോകസഭാംഗം
പദവിയിൽ
പദവിയിൽ വന്നത് മേയ് 24 2019
മുൻഗാമി	കെ.വി. തോമസ്
മണ്ഡലം	എറണാകുളം
കേരള നിയമസഭാംഗം
In office മേയ് 14 2011 – മേയ് 31 2019
മുൻഗാമി	ഡൊമനിക് പ്രസന്റേഷൻ
പിൻഗാമി	ടി.ജെ. വിനോദ്
മണ്ഡലം	എറണാകുളം
Personal details
Born	(1983-04-19) ഏപ്രിൽ 19, 1983 തോപ്പുംപടി
Political party	കോൺഗ്രസ്
Spouse(s)	അന്ന ലിൻഡ
Children	ഒരു മകൾ
Parents	ജോർജ് ഈഡൻ (father) റാണി ഈഡൻ (mother)
Residence(s)	കലൂർ
Website	http://hibieden.org/
As of ഓഗസ്റ്റ് 16, 2020 Source: നിയമസഭ

ഇന്ത്യൻ നാഷണൽ കോൺഗ്രസിന്റെ യുവനേതാവും 2019 മുതൽ എറണാകുളത്ത് നിന്നുള്ള ലോക്സഭാംഗവുമാണ് ഹൈബി ഈഡൻ (ജനനം: 19,ഏപ്രിൽ,1983)

ജീവിതരേഖ

കോൺഗ്രസ് നേതാവായിരുന്ന ജോർജ്ജ് ഈഡന്റെയും റാണിയുടേയും മകനായി 1983 ഏപ്രിൽ 19ന് എറണാകുളം ജില്ലയിലെ കലൂരിൽ ജനിച്ചു. പ്രാഥമിക വിദ്യാഭ്യാസത്തിനു ശേഷം തേവര എസ്.എച്ച്. കോളേജിൽ നിന്ന് ബിരുദവും എറണാകുളം ലോ കോളേജിൽ നിന്ന് നിയമബിരുദവും നേടി. ബി.കോം, എൽ.എൽ.ബിയാണ് വിദ്യാഭ്യാസ യോഗ്യത.

രാഷ്ട്രീയ ജീവിതം

കെ.എസ്.യു വഴിയാണ് രാഷ്ട്രീയ പ്രവേശനം. 2006-2007ൽ കെ.എസ്.യു എറണാകുളം ജില്ലാ പ്രസിഡൻറായും 2007-2009 വർഷങ്ങളിൽ സംഘടനയുടെ സംസ്ഥാന പ്രസിഡൻറായും പ്രവർത്തിച്ചു. 2001-2002 വർഷങ്ങളിൽ തേവര സേക്രഡ് ഹാർട്ട് കോളേജിലെ യൂണിയൻ സെക്രട്ടറിയായിരുന്നു. 2011 ഏപ്രിൽ മാസത്തിൽ നടന്ന നിയമസഭാ തെരെഞ്ഞെടുപ്പിൽ എറണാകുളം നിയോജക മണ്ഡലത്തിൽ സെബാസ്റ്റ്യൻ പോളിനെ പരാജയപ്പെടുത്തി നിയമസഭാംഗമായി.തുടർന്ന് കോൺഗ്രസിന്റെ വിദ്യാർഥി സംഘടനയായ NSUI യുടെ ദേശീയ അധ്യക്ഷനായി പ്രവർത്തിച്ചു. 2016ൽ എറണാകുളത്തു നിന്ന് രണ്ടാം തവണയും നിയമസഭയിലേക്ക് തിരഞ്ഞെടുക്കപ്പെട്ടു. 2019ലെ ലോക്സഭ തിരഞ്ഞെടുപ്പിൽ പാർലമെന്റിലേക്ക് മൽസരിച്ചു വിജയിച്ചു.

തിരഞ്ഞെടുപ്പുകൾ

തിരഞ്ഞെടുപ്പുകൾ

വർഷം	മണ്ഡലം	വിജയിച്ച സ്ഥാനാർത്ഥി	പാർട്ടിയും മുന്നണിയും	മുഖ്യ എതിരാളി	പാർട്ടിയും മുന്നണിയും	രണ്ടാമത്തെ മുഖ്യ എതിരാളി	പാർട്ടിയും മുന്നണിയും
2019	എറണാകുളം ലോകസഭാമണ്ഡലം	ഹൈബി ഈഡൻ	കോൺഗ്രസ് (ഐ.), യു.ഡി.എഫ്., 491263	പി. രാജീവ്	സി.പി.ഐ.എം., എൽ.ഡി.എഫ്. 322110	അൽഫോൺസ് കണ്ണന്താനം	ബി.ജെ.പി., എൻ.ഡി.എ. 137749