ഇ.പി. ജയരാജൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇ. പി. ജയരാജൻ
ഇ. പി. ജയരാജൻ
കേരളത്തിലെ കായികം,വ്യവസായം, യുവജനകാര്യം വകുപ്പ് മന്ത്രി
ഓഫീസിൽ
ഓഗസ്റ്റ് 14 2018 – മേയ് 3 2021
മുൻഗാമിതിരുവഞ്ചൂർ, പി.കെ. കുഞ്ഞാലിക്കുട്ടി, പി.കെ. ജയലക്ഷ്മി
പിൻഗാമിവി. അബ്ദുൽറഹ്മാൻ, പി. രാജീവ്,
മണ്ഡലംമട്ടന്നൂർ
കേരള നിയമസഭയിലെ അംഗം.
ഓഫീസിൽ
മേയ് 14 2011 – മേയ് 3 2021
മുൻഗാമിഇല്ല
പിൻഗാമികെ.കെ. ശൈലജ
മണ്ഡലംമട്ടന്നൂർ
ഓഫീസിൽ
ജൂൺ 21 1991 – മേയ് 14 1996
മുൻഗാമിഎം.വി. രാഘവൻ
പിൻഗാമിടി.കെ. ബാലൻ
മണ്ഡലംഅഴീക്കോട്
വ്യക്തിഗത വിവരങ്ങൾ
ജനനം (1950-05-28) 28 മേയ് 1950  (73 വയസ്സ്)
Irinavu, കണ്ണൂർ
രാഷ്ട്രീയ കക്ഷിസി.പിഎം.
പങ്കാളിപി.കെ. ഇന്ദിര
കുട്ടികൾരണ്ട് പുത്രന്മാർ
മാതാപിതാക്കൾ
  • ബി.എം. കൃഷ്ണൻ നമ്പ്യാർ (അച്ഛൻ)
  • ഇ.പി. പാർവതിയമ്മ (അമ്മ)
വസതിപാപ്പിനിശ്ശേരി
As of ജൂൺ 29, 2020
ഉറവിടം: നിയമസഭ

കേരളത്തിലെ ഒരു രാഷ്ട്രീയ നേതാവാണ് സിപിഐ (എം) കേന്ദ്ര കമ്മറ്റി അംഗമായിട്ടുള്ള ഇ.പി. ജയരാജൻ. എസ്എഫ്ഐയിലൂടെ പൊതുരംഗത്ത് എത്തിയ ഇദ്ദേഹം ഡിവൈഎഫ്ഐയുടെ പ്രഥമ അഖിലേന്ത്യാ പ്രസിഡന്റ് ആയിരുന്നു. ദീർഘകാലം സിപിഐ (എം) കണ്ണൂർ ജില്ല സെക്രട്ടറിയായും തൃശ്ശൂർ ജില്ലാസെക്രട്ടറിയുടെ ചുമതലയിലും പ്രവർത്തിച്ചു. കർഷകസംഘം സംസ്ഥാന പ്രസിഡന്റ്, ദേശാഭിമാനി ജനറൽ മാനേജർ എന്നീ ചുമതലകളിലും ഇദ്ദേഹം പ്രവർത്തിച്ചിട്ടുണ്ട്. 1991-ൽ അഴീക്കോട് നിന്ന് നിയമസഭയിലേയ്ക്ക് തിരഞ്ഞെടുക്കപ്പെട്ടു. 2011-ലും 2016-ലും കണ്ണൂർ ജില്ലയിലെ മട്ടന്നൂരിൽ നിന്നും നിയമസഭയിലേക്ക് വീണ്ടും തിരഞ്ഞെടുക്കപ്പെട്ടു.[1] 2016 മേയ് 25-ന് പിണറായി വിജയൻ മന്ത്രിസഭയിൽ വ്യവസായം, കായികം എന്നീ വകുപ്പുകളുടെ ചുമതലയേറ്റു. എന്നാൽ ബന്ധുനിയമന വിവാദത്തേത്തുടർന്ന് 2016 ഒക്ടോബർ 14-ന് ഇദ്ദേഹം മന്ത്രിപദം രാജി വെച്ചു. എന്നാൽ ഇ.പി. ജയരാജനുൾപ്പെട്ട ബന്ധുനിയമനക്കേസ് നിലനിൽക്കില്ലെന്നു സർക്കാർ കഴിഞ്ഞവർഷം സെപ്റ്റംബർ 26നു.ഹൈക്കോടതിയിൽ ബോധിപ്പിച്ചു. ആർക്കും സാമ്പത്തിക നേട്ടമോ വിലപ്പെട്ട കാര്യസാധ്യമോ ഇല്ലാത്ത സാഹചര്യത്തിൽ അഴിമതി നിരോധന നിയമപ്രകാരം കേസ് നിലനിൽക്കില്ലെന്നാണു വിശദീകരണം. വിജിലൻസ് ക്ലീൻ ചിറ്റ് നൽകിയതോടെയാണു ജയരാജന്റെ തിരിച്ചുവരവിനു കളമൊരുങ്ങിയത്.

പ്രധാന പദവികൾ[തിരുത്തുക]

  • 2022 : എൽ.ഡി.എഫ് കൺവീനർ[2]
  • 2018-2021 : സംസ്ഥാന യുവജനകാര്യ, സ്പോർട്ട്സ് വകുപ്പ് മന്ത്രി
  • 2016 : സംസ്ഥാന വ്യവസായ വകുപ്പ് മന്ത്രി
  • 2016 : നിയമസഭാംഗം, മട്ടന്നൂർ
  • 2011 : നിയമസഭാംഗം, മട്ടന്നൂർ
  • 2005-2006 : സി.പി.എം, തൃശൂർ ജില്ലാ സെക്രട്ടറി
  • 2005 : സി.പി.എം, കേന്ദ്രക്കമ്മറ്റി അംഗം
  • 2002 : സി.പി.എം, സംസ്ഥാന സെക്രട്ടേറിയറ്റ് അംഗം
  • 1995-2002 : സി.പി.എം, കണ്ണൂർ ജില്ലാ സെക്രട്ടറി
  • 1992 : സി.പി.എം, സംസ്ഥാന സമിതി അംഗം
  • 1991 : നിയമസഭാംഗം, അഴീക്കോട്
  • 1980 : ഡി.വൈ.എഫ്.ഐ, അഖിലേന്ത്യ പ്രസിഡൻറ്

അവലംബം[തിരുത്തുക]

  1. "ആർക്കൈവ് പകർപ്പ്". Archived from the original on 2021-04-01. Retrieved 2011-08-15.
  2. https://www.manoramaonline.com/news/latest-news/2022/04/19/ep-jayarajan-set-to-become-ldf-convener-his-political-journey.html
"https://ml.wikipedia.org/w/index.php?title=ഇ.പി._ജയരാജൻ&oldid=4071850" എന്ന താളിൽനിന്ന് ശേഖരിച്ചത്