പി. അയിഷ പോറ്റി
പി. അയിഷാ പോറ്റി | |
|---|---|
 | |
| കേരള നിയമസഭ അംഗം | |
| പദവിയിൽ മേയ് 13 2006 – മേയ് 3 2021 | |
| മുൻഗാമി | ആർ. ബാലകൃഷ്ണപിള്ള |
| പിൻഗാമി | കെ.എൻ. ബാലഗോപാൽ |
| മണ്ഡലം | കൊട്ടാരക്കര |
| വ്യക്തിഗത വിവരങ്ങൾ | |
| ജനനം | മേയ് 31, 1958 വയസ്സ്) കിടങ്ങൂർ |
| രാഷ്ട്രീയ കക്ഷി | കോൺഗ്രസ് - 2026 സി.പി.എം. 1991-2026 |
| പങ്കാളി | ഇ. ശങ്കരൻ പോറ്റി |
| കുട്ടികൾ | ഒരു മകൾ ഒരു മകൻ |
| മാതാപിതാക്കൾ |
|
| വസതി | കൊട്ടാരക്കര |
As of സെപ്റ്റംബർ 16, 2020 ഉറവിടം: നിയമസഭ | |
കേരളത്തിലെ ഒരു രാഷ്ട്രീയപ്രവർത്തകയും കൊട്ടാരക്കര നിയോജകമണ്ഡലത്തിലെ നിലവിലെ[1] നിയമസഭാ സാമാജികയുമാണ് പി. അയിഷാ പോറ്റി (ജനനം:31 മേയ് 1958). എൻ. വാസുദേവൻ പോറ്റിയുടെയും, എം.ജെ. പാർവതി അന്തർജനത്തിന്റേയും മകളായി 1958 മേയ് 31ന് കിടങ്ങൂരാണ് അയിഷാ പോറ്റി ജനിച്ചത്. കുട്ടിക്കാലം മുതൽക്കു തന്നെ കമ്മ്യൂണിസ്റ്റ് അനുഭാവിയായിരുന്ന അയിഷാ പോറ്റി 1991-ൽ സി.പി.എം-ൽ അംഗമായി. ആർ. ബാലകൃഷ്ണപിള്ളയെ പരാജയപ്പെടുത്തിക്കൊണ്ടാണ് അയിഷാ പോറ്റി പന്ത്രണ്ടാം നിയമസഭയിൽ കൊട്ടാരക്കര മണ്ഡലത്തിൽ നിന്നും കേരളാനിയമസഭയിലേക്കെത്തിയത്[2].
കൊല്ലം ജില്ലാപഞ്ചായത്തിലേക്ക് കൊട്ടാരക്കരയിൽ നിന്ന് 2000-ൽ തിരഞ്ഞെടുക്കപ്പെട്ടിരുന്നു, പിന്നീട് കൊല്ലം ജില്ലാപഞ്ചായത്തിന്റെ പ്രസിഡന്റ് സ്ഥാനത്ത് 2005 വരെ പ്രവർത്തിച്ചു. 2005-ൽ നടന്ന തിരഞ്ഞെടുപ്പിലും ജില്ലാപഞ്ചായത്തിലേക്ക് തിരഞ്ഞെടുക്കപെട്ടെങ്കിലും 2006-ൽ നിയമസഭാ തിരഞ്ഞെടുപ്പിൽ വിജയിച്ചതിനേ തുടർന്ന് ഈ സ്ഥാനം രാജിവച്ചു. സി.പി.ഐ.എം കൊട്ടാരക്കര ഏരിയകമ്മിറ്റിയംഗം, ഓൾ ഇന്ത്യ ലോയേഴ്സ് യൂണിയൻ ദേശീയസമിതിയംഗം, അഖിലേന്ത്യ ജനാധിപത്യ മഹിളാ അസോസിയേഷൻ സംസ്ഥാന കമ്മിറ്റി അംഗം[3], വനിതാ സബ് കമ്മിറ്റി കൺവീനർ, കൊല്ലം ജില്ല ലോയേഴ്സ് യൂണിയൻ വൈസ് പ്രസിഡന്റ് എന്നീ നിലകളിൽ ഇപ്പോൾ പ്രവർത്തിച്ചു. 2026 ജനുവരി 13ന് കോൺഗ്രസിൽ അംഗമായി.
ജീവിതരേഖ
[തിരുത്തുക]എൻ. വാസുദേവൻ പോറ്റിയുടെയും, എം.ജെ. പാർവതി അന്തർജനത്തിന്റേയും മകളായി 1958 മേയ് 31ന് കോട്ടയം ജില്ലയിൽ, പാലായ്ക്കു സമീപമുള്ള കിടങ്ങൂരിലാണ് അയിഷ എന്ന പേരിൽ ജനിച്ചത്. വയലാർ രാമവർമയുടെ ആയിഷ എന്ന പ്രശസ്ത ഖണ്ഡകാവ്യത്തിൽനിന്ന് പ്രചോദനം ഉൾക്കൊണ്ടാണ് പിതാവ് എൻ. വാസുദേവൻ പോറ്റി മകൾക്ക് പേരിട്ടത്.[4] ഉഴവൂർ സെന്റ് സ്റ്റീഫൻസ് കോളേജിൽനിന്ന് ബി.എസ്.സി. ബിരുദം നേടിയശേഷം 1982 ൽ തിരുവനന്തപുരം ഗവ. ലോ കോളേജിൽ നിന്നും എൽഎൽബി ബിരുദവും 1985 ൽ കൊച്ചിൻ യൂണിവേഴ്സിറ്റിയിൽ (കുസാറ്റ്) നിന്ന് എൽഎൽഎം ബിരുദവും നേടി. ഇ. ശങ്കരൻ പോറ്റിയാണ് ഭർത്താവ്.
തിരഞ്ഞെടുപ്പുകൾ
[തിരുത്തുക]| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും | പരാജയപ്പെട്ട മുഖ്യസ്ഥാനാർത്ഥി | പാർട്ടിയും മുന്നണിയും |
|---|---|---|---|---|---|
| 2016 | കൊട്ടാരക്കര നിയമസഭാമണ്ഡലം | പി. ഐഷ പോറ്റി | സി.പി.ഐ.എം., എൽ.ഡി.എഫ്. | സവിൻ സത്യൻ | ഇന്ത്യൻ നാഷണൽ കോൺഗ്രസ്, യു.ഡി.എഫ്. |
| 2011 | കൊട്ടാരക്കര നിയമസഭാമണ്ഡലം | പി. ഐഷ പോറ്റി | സി.പി.ഐ.എം., എൽ.ഡി.എഫ്. | എൻ.എൻ. മുരളി | കേരള കോൺഗ്രസ് (ബി), യു.ഡി.എഫ്. |
| 2006 | കൊട്ടാരക്കര നിയമസഭാമണ്ഡലം | പി. ഐഷ പോറ്റി | സി.പി.ഐ.എം., എൽ.ഡി.എഫ്. | ആർ. ബാലകൃഷ്ണപിള്ള | കേരള കോൺഗ്രസ് (ബി), യു.ഡി.എഫ്. |
അവലംബം
[തിരുത്തുക]- ↑ http://niyamasabha.org/codes/members.htm
- ↑ http://niyamasabha.org/codes/members/aishapottyp.pdf
- ↑ "ആർക്കൈവ് പകർപ്പ്". Archived from the original on 2016-03-05. Retrieved 2011-10-20.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "അച്ഛനിട്ട പേര് അയിഷ, 'പോറ്റി' കേറ്റിയത് പാർട്ടി; നല്ല വിശ്വാസിയാണ്, വിളക്ക് കൊളുത്തും: അയിഷ പോറ്റിയുടെ കമ്മ്യൂണിസ്റ്റ് ജീവിതം ഇങ്ങനെ".
- ↑ http://www.keralaassembly.org/1982/1982117.html