പി. രാജീവ്
പി. രാജീവ് | |
|---|---|
 പി. രാജീവ് | |
| കേരളത്തിൻ്റെ വ്യവസായ, കയർ , നിയമ വകുപ്പ് മന്ത്രി | |
| പദവിയിൽ 2021 മേയ് 20- 2026 മേയ് 18 | |
| മുൻഗാമി | ഇ.പി. ജയരാജൻ |
| പിൻഗാമി |
|
| മണ്ഡലം | കളമശ്ശേരി |
| കേരള നിയമസഭാംഗം | |
| പദവിയിൽ 2021-2026 | |
| മുൻഗാമി | വി.കെ. ഇബ്രാഹിംകുഞ്ഞ് |
| പിൻഗാമി | വി.ഇ. അബ്ദുൽ ഗഫൂർ |
| മണ്ഡലം | കളമശ്ശേരി |
| വ്യക്തിഗത വിവരങ്ങൾ | |
| ജനനം | 1 ജനുവരി 1967 വയസ്സ്) മേലടൂർ, അന്നമനട, തൃശൂർ, കേരളം |
| രാഷ്ട്രീയ കക്ഷി | സി.പി.ഐ(എം) |
| കുട്ടികൾ | 2 |
| അൽമ മേറ്റർ | ഗവൺമെൻ്റ് ലോ കോളേജ്, എറണാകുളം (L.L.B.) |
2021 മുതൽ 2026 വരെ കേരളത്തിൻ്റെ വ്യവസായിക വകുപ്പ് മന്ത്രിയും 2021-ലെ പതിനഞ്ചാം കേരള നിയമസഭയിൽ കളമശേരിയിൽ നിന്നുള്ള നിയമസഭാംഗവുമായിരുന്ന എറണാകുളം ജില്ലയിൽ നിന്നുള്ള മുതിർന്ന സിപിഎം നേതാവാണ് പി.രാജീവ്. 2026-ലെ നിയമസഭ തിരഞ്ഞെടുപ്പിൽ കളമശേരിയിൽ നിന്ന് വീണ്ടും മത്സരിച്ചെങ്കിലും പരാജയപ്പെട്ടു. നിലവിൽ പാർട്ടി കേന്ദ്ര കമ്മിറ്റി അംഗവും സിപിഎമ്മിൻ്റെ മുൻ എറണാകുളം ജില്ലാ സെക്രട്ടറിയുമാണ്.[1][2]
ജീവിതരേഖ
[തിരുത്തുക]തൃശൂർ ജില്ലയിൽ തൃപ്രയാർ ശ്രീരാമക്ഷേത്രത്തിനു സമീപം പുന്നാടത്ത് വാസുദേവന്റെയും രാധയുടെയും മകനായി 1968ൽ ജനിച്ചു. വാസുദേവൻ റവന്യൂ ഉദ്യോഗസ്ഥനും സാംസ്കാരിക പ്രവർത്തകനും കർഷകനും സഹകാരിയും ആയിരുന്നു. കുടുംബം അമ്മയുടെ നാടായ മാള മേലഡുരിൽ സ്ഥിര താമസമാക്കി, സ്കൂൾ വിദ്യാഭ്യാസം നടത്തിയത് ഗവ.സമിതി ഹൈസ്കൂളിലാണ്. പിന്നീട് ഇരിഞ്ഞാലക്കുട ക്രൈസ്റ്റ് കോളേജിൽ പ്രീഡിഗ്രിക്കു പഠിച്ചു, കളമശ്ശേരി സെന്റ് പോൾസ് കോളേജിൽ നിന്നും എക്കണോമിക്സ് ബിരുദം നേടി. കളമശ്ശേരി ഗവ. പോളിടെൿനിക് (രസതന്ത്രം), എറണാകുളം ഗവ. ലോ കോളേജ് എന്നിവിടങ്ങളിൽ തുടർപഠനങ്ങൾ നടത്തി. പഠന കാലത്തെല്ലാം എസ് എഫ് ഐയിലൂടെ വിദ്യാർത്ഥിരാഷ്ട്രീയത്തിൽ സജീവമായിരുന്നു. നിരവധി സമരങ്ങളിൽ പങ്കെടുത്തു. പോളിടെക്നിക്കിൽ പഠിക്കുമ്പോൾ സംസ്ഥാന പോളി യൂണിയൻ ചെയർമാനായി. ഇക്കാലത്താണ് എറണാകുളത്തേക്ക് രാഷ്ട്രീയപ്രവർത്തനം മാറ്റുന്നത്. കേരളാ ഹൈക്കോടതിയിൽ വക്കീലായി പ്രാക്ടീസ് ചെയ്തിരുന്ന പി. രാജീവ് ക്രമേണ മുഴുവൻസമയ രാഷ്ട്രീയ പ്രവർത്തകനാവുകയായിരുന്നു.
രാഷ്ട്രീയ പ്രവർത്തനം
[തിരുത്തുക]സി.പി.ഐ.എം എറണാകുളം മുൻ ജില്ലാ സെക്രട്ടറി, ദേശാഭിമാനി ദിനപത്രം റസിഡന്റ് എഡിറ്റർ, കേരള സർക്കാരിന്റെ പ്രസ് അക്രഡിറ്റേഷൻ കമ്മിറ്റി അംഗം, കോഴിക്കോട് സർവകലാശാല ജേർണലിസം വകുപ്പ് ബോർഡ് ഓഫ് സ്റ്റഡി അംഗം, എസ്.എഫ്.ഐ മുൻ സംസ്ഥാന സെക്രട്ടറി, റിസർച്ച് ചീഫ് എഡിറ്റർ, സ്റ്റുഡൻ്റ് മാസിക എഡിറ്റർ, സി.ഐ.ടി.യുവിൻ്റെ എറണാകുളം ജില്ലാ ജോയിന്റ് സെക്രട്ടറി, DYFI എറണാകുളം ജില്ലാ സെക്രട്ടറി എന്നീ സ്ഥാനങ്ങൾ വഹിച്ചു. പാർട്ടിയിൽ വിഭാഗീയയുണ്ടായിരുന്നപ്പോൾ വി.എസ്. പക്ഷക്കാരനായിരുന്നു. 1994 മുതൽ സിപിഐഎം ജില്ലാകമ്മറ്റി അംഗമായ രാജീവ് 2005 മുതൽ സംസ്ഥാന കമ്മറ്റിയംഗവും 2018 മുതൽ പാർട്ടി സംസ്ഥാന സെക്രട്ടറിയേറ്റ് അംഗവുമാണ്. 2015ലും 2018ലും എറണാകുളം ജില്ലാ സെക്രട്ടറിയായി തിരഞ്ഞെടുത്തു. 2009 ൽ രാജ്യസഭാ അംഗവും രാജ്യസഭാ അഷ്വറൻസ് കമ്മറ്റി ചെയർമാനും. രാജ്യസഭ നിയന്ത്രിക്കുന്ന പാനൽ ഓഫ് ചെയർമാനുമായിരുന്നു.
ഭാര്യ വാണി കേസരി കുസാറ്റ് ലീഗൽ സ്റ്റഡീസ് അസിസ്റ്റന്റ് പ്രൊഫസർ ആണ്. ഹൃദ്യ, ഹരിത എന്നിവർ മക്കളാണ്.
വഹിച്ച പദവികൾ
[തിരുത്തുക]- എസ്.എഫ്.ഐ സംസ്ഥാന സെക്രട്ടറി, പ്രസിഡന്റ്
- ഡി.വൈ.എഫ്.ഐ സംസ്ഥാന കമ്മറ്റിയംഗം
- ദേശാഭിമാനി റസിഡന്റ് എഡിറ്റർ
- സി.പി.ഐ(എം) സംസ്ഥാന കമ്മറ്റിയംഗം
- രാജ്യസഭ അംഗം ആറു വർഷം
- സി.പി.ഐ(എം) എറണാകുളം ജില്ല സെക്രട്ടറി
- ദേശാഭിമാനി ചീഫ് എഡിറ്റർ
- സി.പി.ഐ(എം) സംസ്ഥാന സെക്രട്ടറിയേറ്റംഗം
- കേരള നിയമസഭാംഗം കളമശേരി സീറ്റ്
മത്സരിച്ച തെരഞ്ഞെടുപ്പുകൾ
[തിരുത്തുക]| വർഷം | മണ്ഡലം | വിജയിച്ച സ്ഥാനാർത്ഥി | പാർട്ടിയും മുന്നണിയും | മുഖ്യ എതിരാളി | പാർട്ടിയും മുന്നണിയും | രണ്ടാമത്തെ മുഖ്യ എതിരാളി | പാർട്ടിയും മുന്നണിയും |
|---|---|---|---|---|---|---|---|
| 2019 | എറണാകുളം ലോകസഭാമണ്ഡലം | ഹൈബി ഈഡൻ | കോൺഗ്രസ് (ഐ.), യു.ഡി.എഫ്., 491263 | പി. രാജീവ് | സി.പി.ഐ.എം., എൽ.ഡി.എഫ്. 322110 | അൽഫോൺസ് കണ്ണന്താനം | ബി.ജെ.പി., എൻ.ഡി.എ. 137749 |
| 2021 | കളമശ്ശേരി നിയമസഭാമണ്ഡലം | പി. രാജീവ് | സി.പി.ഐ.എം, എൽ.ഡി.എഫ്, 77141 | വി.ഇ. അബ്ദുൾ ഗഫൂർ | ഇന്ത്യൻ യൂണിയൻ മുസ്ലീം ലീഗ്, യു.ഡി.എഫ്. 61805 | പി.എസ്. ജയരാജ് | ബി.ഡി.ജെ.എസ്., എൻ.ഡി.എ. 11179 |
കൃതികൾ
[തിരുത്തുക]- ആഗോളവത്കരണകാലത്തെ ക്യാംപസ്
- വിവാദങ്ങളിലെ വ്യതിയാനങ്ങൾ
- കാഴ്ചവട്ടം
- പുരയ്ക്കു മേൽ ചാഞ്ഞ മരം
- 1957 ചരിത്രവും വർത്തമാനവും
- എന്തുകൊണ്ട് ഇടതുപക്ഷം
- സത്യാനന്തര കാലത്തെ പ്രതീതി നിർമ്മാണം
- ഭരണഘടന ചരിത്രവും വർത്തമാനവും
പുരസ്കാരങ്ങൾ
[തിരുത്തുക]- 2016 ലെ മികച്ച പാർലമെൻ്റ് അംഗത്തിനുള്ള സൻസദ് രത്ന പുരസ്കാരം.
- എം.പി.ഫണ്ട് ഉപയോഗിച്ച് നടപ്പിലാക്കിയ ശുചി അറ്റ് സ്കൂൾ പദ്ധതിക്ക് 2011 ലെ മുഖ്യമന്ത്രിയുടെ നവ വികസന പുരസ്കാരം
- 2014 ലെ മികച്ച രാഷ്ട്രീയ സാമൂഹ്യ പ്രവർത്തകനുള്ള മുൻ മുഖ്യമന്ത്രി പി.കെ വാസുദേവൻ നായർ സ്മാരക പുരസ്കാരം
- 2014 ലെ മികച്ച സാമൂഹ്യ പ്രവർത്തകനുള്ള എ.സി.ഷൺമുഖദാസ് പുരസ്കാരം
- 2010 ൽ സി.പി.മമ്മു സ്മാരക പുരസ്കാരം
- 2006ൽ മികച്ച എഡിറ്റോറിയനുള്ള പന്തളം കേരളവർമ്മ പുരസ്കാരം
- 2017 ലെ സഫ്ദർ ഹാഷ്മി പുരസ്കാരം
അവലംബം
[തിരുത്തുക]- ↑ "ആർക്കൈവ് പകർപ്പ്". Archived from the original on 2016-03-05. Retrieved 2013-04-01.
- ↑ "ആർക്കൈവ് പകർപ്പ്". Archived from the original on 2011-09-06. Retrieved 2011-06-16.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "ആർക്കൈവ് പകർപ്പ്". Archived from the original on 2021-11-11. Retrieved 2020-10-29.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help) - ↑ "ആർക്കൈവ് പകർപ്പ്". Archived from the original on 2021-05-10. Retrieved 2020-10-29.