ഇടതുപക്ഷ ജനാധിപത്യ മുന്നണി

ഇടതുപക്ഷ ജനാധിപത്യ മുന്നണി LDF Keralam
LDF ലോഗോ
നേതാവ്	പിണറായി വിജയൻ
ചെയർപേഴ്സൺ	EP Jayarajan
രൂപീകരിക്കപ്പെട്ടത്	1979
മുഖ്യകാര്യാലയം	ഏ.കെ.ജി സെന്റർ, തിരുവനന്തപുരം
പ്രത്യയശാസ്‌ത്രം	Socialism Factions Marxism-Leninism Civic nationalism Indian nationalism Secularism Social democracy Social liberalism
ദേശീയ അംഗത്വം	I.N.D.I.A
നിറം(ങ്ങൾ)	ചുവപ്പ്
രാജ്യസഭ	6 / 9
ലോക്സഭ	1 / 20
കേരള നിയമസഭ	35 / 140
ഗ്രാമപഞ്ചായത്തുകൾ	338 / 941
ബ്ലോക്ക് പഞ്ചായത്ത്	64 / 152
ജില്ലാ പഞ്ചായത്ത്	7 / 14
മുനിസിപ്പാലിറ്റികൾ	28 / 86
മുനിസിപ്പൽ കോർപ്പറേഷൻ	1 / 6

കേരളത്തിലെ ഇടതുപക്ഷ-കമ്യൂണിസ്റ്റ് രാഷ്ട്രീയ പാർട്ടികളുടെ കൂട്ടായ്മയാണ് ഇടതുപക്ഷ ജനാധിപത്യ മുന്നണി അഥവാ എൽ.ഡി.എഫ്. മുന്നണിയിലെ ഏറ്റവും വലിയ പാർട്ടിയായ സി.പി.ഐ(എം) ആണ് മുന്നണിക്ക് നേതൃത്വം നൽകുന്നത്. സിപിഐ നേതാവായിരുന്ന പി കെ വാസുദേവൻ നായർ കോൺഗ്രസ് പിന്തുണയോട വഹിച്ചിരുന്ന മുഖ്യമന്ത്രി പദവി രാജി വെച്ച് കോൺഗ്രസ് ബന്ധം സിപിഐ അവസാനിപ്പിക്കുകയും പിന്നീട് സിപിഐഎമ്മുമായി ചേർന്ന് ഇടതുപക്ഷ ജനാധിപത്യ മുന്നണി രൂപീകരിക്കുകയുമായിരുന്നു. മുന്നണിയിലെ പാർട്ടികളുടെ കാര്യത്തിൽ ഓരോ തിരഞ്ഞെടുപ്പിലും ചെറിയ വ്യത്യാസം ഉണ്ടാവാം, എങ്കിലും മുഖ്യകക്ഷികൾ കഴിഞ്ഞ കുറെ തിരഞ്ഞെടുപ്പുകളായി ഇതേ മുന്നണിയിൽ തുടരുന്നു. ഐക്യ ജനാധിപത്യ മുന്നണി അഥവാ യു.ഡി.എഫ്. ആണ് കേരളത്തിൽ ഇടതുപക്ഷ ജനാധിപത്യ മുന്നണിക്ക് ബദൽ. വർഷങ്ങളായി മുന്നണി ഭരണം ഓരോ അഞ്ചുവർഷം കൂടുമ്പൊഴും മാറി വരുന്നു. പിണറായി വിജയൻ നയിച്ച ഇടതുപക്ഷ ജനാധിപത്യമുന്നണി 2016-ൽ 91 സീറ്റോടെ ഭരണത്തിൽ തിരിച്ചു കയറിയതിന് ശേഷം അതിനൊരു തുടർച്ച വന്നു. 2021-ലും ഇടതുപക്ഷം 99 സീറ്റുകളുടെ ഭൂരിപക്ഷത്തോടെ ഭരണ തുടർച്ച സംഭവിച്ചു. 2026-ലെ നിയമസഭ തിരഞ്ഞെടുപ്പിൽ ഇടതുപക്ഷത്തിന് വൻ തിരിച്ചടി നേരിട്ടു. 99 ൽ നിന്ന് 35 സീറ്റിലേക്ക് കുറഞ്ഞു.

മുന്നണി ഏകോപന സമിതി യോഗങ്ങൾ മാസത്തിൽ ഒരിക്കൽ എങ്കിലും ചേരുന്നു. മുന്നണിയുടെ നിലവിലെ കൺവീനറാണ്. ടി.പി. രാമകൃഷ്ണൻ

2026 കക്ഷി നില

കേരള നിയമസഭാ തിരഞ്ഞെടുപ്പ് (2026)

• സി.പി.എം  : 26
• സി.പി.ഐ  : 08
• ആർ.ജെ.ഡി : 01
• ആകെ 35

എൽ.ഡി.എഫ് കൺവീനർമാർ

• പി.വി. കുഞ്ഞിക്കണ്ണൻ 1980-1986
• ടി.കെ. രാമകൃഷ്ണൻ 1986-1987
• എം.എം. ലോറൻസ് 1987-1998
• വി.എസ്. അച്യുതാനന്ദൻ 1998-2001
• പാലൊളി മുഹമ്മദ്കുട്ടി 2001-2006
• വൈക്കം വിശ്വൻ 2006-2018
• എ. വിജയരാഘവൻ 2018-2022
• ഇ.പി. ജയരാജൻ 2022-2024
• ടി.പി. രാമകൃഷ്ണൻ 2024-തുടരുന്നു

ഇടതു പക്ഷ ജനാധിപത്യ മുന്നന്നി ഘടക കക്ഷികൾ

നമ്പർ	പാർട്ടി	അടയാളം	പതാക	കേരളത്തിലെ നേതാവ്
1	കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്)	അരിവാൾ ചുറ്റിക		എം.വി. ഗോവിന്ദൻ
2	കമ്യൂണിസ്റ്റ് പാർട്ടി ഓഫ് ഇന്ത്യ	അരിവാൾ നെൽക്കതിർ		ബിനോയ്‌ വിശ്വം
3	ജനതാദൾ (സെക്കുലർ) (ബിജെപി - വിരുദ്ധ ഘടകം )	നെല്ല് തലയിൽ ചുമക്കുന്ന സ്ത്രീ		മാത്യു ടി. തോമസ്
4	നാഷണലിസ്റ്റ് കോൺഗ്രസ് പാർട്ടി [൧]	ക്ലോക്ക്		പി.സി. ചാക്കോ
5	കേരള കോൺഗ്രസ് (എം.)	രണ്ടില		ജോസ് കെ. മാണി
6	കോൺഗ്രസ് (എസ്)	തെങ്ങ്‌		കടന്നപ്പള്ളി രാമചന്ദ്രൻ
7	ഇന്ത്യൻ നാഷണൽ ലീഗ്	ഗ്ലാസ്		അഹമ്മദ് ദേവർകോവിൽ
8	കേരള കോൺഗ്രസ് (ബി)	ഓട്ടോ		കെ.ബി. ഗണേഷ് കുമാർ
9	രാഷ്ട്രീയ ജനതാ ദൾ	റാന്തൽ വിളക്		എം.വി. ശ്രേയാംസ് കുമാർ
10	ജനാധിപത്യ കേരളാ കോൺഗ്രസ്			ആന്റണി രാജു
11	കേരളാ കോൺഗ്രസ് (സ്കറിയ തോമസ്)

ഇതും കാണുക

• യു.ഡി.എഫ്. (ഐക്യ ജനാധിപത്യ മുന്നണി)
• എൻ.ഡി.എ. (ദേശീയ ജനാധിപത്യ സഖ്യം)

കുറിപ്പുകൾ

• ൧ ^{^} 2006-ലെ നിയമസഭാതിരഞ്ഞെടുപ്പിൽ ഇതേ മുന്നണിയിൽ മത്സരിച്ചെങ്കിലും, പിന്നീട് കെ. കരുണാകരന്റെ ഡി.ഐ.സി.യെ ഈ കക്ഷിയിൽ ലയിപ്പിച്ചതിന്റെ പശ്ചാത്തലത്തിൽ മുന്നണിയിൽ നിന്ന് പുറത്താക്കി.
• ൨ ^{^} ഇത് കേരള കോൺഗ്രസ് (ജോസഫ്) എന്ന കക്ഷിയിൽ നിന്നും പിളർന്നുണ്ടായതാണ്. ഇടതുപക്ഷ ജനാധിപത്യമുന്നണിയിലെ സഖ്യകക്ഷിയായിരുന്ന കേരള കോൺഗ്രസ് (ജോസഫ്), 2010ൽ മുന്നണി വിട്ട് കെ .എം. മാണി നയിക്കുന്ന കേരള കോൺഗൃസ്സ്(എം)ൽ ചേർന്നതോടെ പി.സി. തോമസിന്റെ നേതൃത്വത്തിലുള്ള ഒരു വിഭാഗം ഇടതുമുന്നണിയിൽ തുടരുകയായിരുന്നു.
• ൩ ^{^} പരസ്യവിമർശനത്തിന്റെ പേരിൽ പി.സി. ജോർജിന്റെ കേരള കോൺഗ്രസ് (സെക്കുലർ) കക്ഷിയേയും മുന്നണിയിൽ നിന്നും പുറത്താക്കിയിരുന്നു.