പി.സി. ജോർജ്ജ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(P.C. George എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
ജോർജ്ജ് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ജോർജ്ജ് (വിവക്ഷകൾ) എന്ന താൾ കാണുക. ജോർജ്ജ് (വിവക്ഷകൾ)
പി സി ജോർജ്ജ്
Constituencyപൂഞ്ഞാർ, കോട്ടയം
Personal details
Born (1951-08-28) ഓഗസ്റ്റ് 28, 1951 (പ്രായം 68 വയസ്സ്)
അരുവിതുറ
Political partyകേരള ജനപക്ഷം
Spouse(s)ഉഷ ജോർജ്ജ്
Children2, ഷോൺ ജോർജ്ജ്, ഷെയ്ൻ ജോർജ്ജ്
Residenceഈരാറ്റുപേട്ട, തിരുവനന്തപുരം
As of Jan 3, 2014
Source: [1]

കേരള നിയമസഭയിൽ പൂഞ്ഞാർ നിയമസഭാമണ്ഡലത്തെ പ്രതിനിധീകരിക്കുന്ന എം.എൽ.എ.യാണ് പി.സി. ജോർജ്. കേരള കോൺഗ്രസ് മാണി ഗ്രൂപ്പിന്റെ വൈസ്-ചെയർമാൻ ആയിരുന്നു.

1951 ആഗസ്റ്റ് 28 ന് പ്ലാത്തോട്ടത്തിൽ ചാക്കോയുടെ മകനായി ജനിച്ചു. ഈരാറ്റുപേട്ട സ്വദേശിയാണ്. കെ.എസ്.സി. പ്രവർത്തകനായി രാഷ്ട്രീയജീവിതം തുടങ്ങി.

1977-ലെ തിരഞ്ഞെടുപ്പിൽ പൂഞ്ഞാറിൽ കേരള കോൺഗ്രസ് സ്ഥാനാർഥിയായ വി.ജെ ജോസഫിനെ തോൽപ്പിക്കാൻ ശ്രമിച്ചുവെന്ന ആരോപണത്തിനൊടുവിൽ കേരള കോൺഗ്രസിൽ എമ്മിൽ നിന്ന് പുറത്താക്കപ്പെട്ടു. പിന്നീട് കേരള കോൺഗ്രസ് ജോസഫ് ഗ്രൂപ്പിൽ ചേർന്ന് ആ പാർട്ടിയുടെ ലീഡർ സ്ഥാനം വഹിച്ചു. 2004 മെയ് 31 വരെ ജോസഫ് ഗ്രൂപ്പിലായിരുന്നു. പിന്നീട് ആ പാർട്ടിയിൽ നിന്ന് മാറിയാണ് കേരള കോൺഗ്രസ് (സെക്യുലർ) രൂപീകരിച്ചത്. ആ സമയത്ത് പി.സി. ജോർജ് എൽ.ഡി.എഫ്.-ൽ അംഗമായിരുന്നു. അതിനുശേഷം സെക്യുലർ പാർട്ടി കേരള കോൺഗ്രസ് എമ്മിൽ ലയിച്ച് യു.ഡി.എഫ്. അംഗമായി.പിന്നീട് 2016 ലെ ഇലക്ഷന് സ്വതന്ത്ര സ്ഥാനാർത്ഥിയായി മത്സരിച്ചു എല്ലാ മുന്നണികളെയും പിന്തള്ളിക്കൊണ്ട് വിജയിച്ചു.

അധികാരങ്ങൾ[തിരുത്തുക]

  • 2011-ലെ യു.ഡി.എഫ് സർക്കാരിൽ 2015 ഏപ്രിൽ 8 വരെ ക്യാബിനറ്റ് പദവിയോടുകൂടി നിയമസഭയിൽ ചീഫ് വിപ്പായി പ്രവർത്തിച്ചു.
  • 2006 മുതൽ കേരള കോൺഗ്രസ് എമ്മിന്റെ വൈസ് പ്രസിഡന്റാണ്.
  • 1974 ലിൽ കെ.എസ്.സി.യുടെ സംസ്ഥാന സെക്രട്ടറിയായി.

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ [1]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും പരാജയപ്പെട്ട മുഖ്യസ്ഥാനാർത്ഥി പാർട്ടിയും മുന്നണിയും
2016 പൂഞ്ഞാർ നിയമസഭാമണ്ഡലം പി.സി. ജോർജ്ജ് സ്വതന്ത്ര സ്ഥാനാർത്ഥി ജോർജ്ജ്കുട്ടി ആഗസ്തി കേരള കോൺഗ്രസ് (എം.)
2011 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് (എം.) മോഹൻ തോമസ് സ്വതന്ത്ര സ്ഥാനാർത്ഥി, സി.പി.എം.
2006 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് (സെക്യുലർ) ടി.വി. എബ്രാഹം കേരള കോൺഗ്രസ് (എം.)
2001 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് ടി.വി. എബ്രാഹം കേരള കോൺഗ്രസ് (എം.)
1996 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് ജോയ് എബ്രാഹം കേരള കോൺഗ്രസ് (എം.)
1987 പൂഞ്ഞാർ നിയമസഭാമണ്ഡലം എൻ.എം. ജോസഫ് ജെ.എൻ.പി. പി.സി. ജോർജ്ജ് കേരള കോൺഗ്രസ് (ജോസഫ്)
1982 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് (ജോസഫ്) എൻ.എം. ജോസഫ് ജെ.എൻ.പി.
1980 പൂഞ്ഞാർ നിയമസഭാമണ്ഡലം പി.സി. ജോർജ്ജ് കേരള കോൺഗ്രസ് (ജോസഫ്) വി.ജെ. ജോസഫ് കേരള കോൺഗ്രസ്

വിവാദങ്ങൾ[തിരുത്തുക]

2011 ഒക്ടോബർ 27-ന് കൊല്ലം ജില്ലയിലെ പത്തനാപുരത്ത് വെച്ച് യു.ഡി.എഫ്. നടത്തിയ ഒരു പൊതുയോഗത്തിൽ സി.പി.ഐ.(എം) നേതാവും മുൻ മന്ത്രിയും എം.എൽ.ഏ-യുമായ എ.കെ. ബാലനെ ജാതി പറഞ്ഞു അധിക്ഷേപിച്ചതിന്റെ പേരിൽ വിവാദങ്ങൾ ഉണ്ടായിരുന്നു [2][3].

ചിത്രശാല[തിരുത്തുക]

അവലംബം[തിരുത്തുക]

  1. http://www.ceo.kerala.gov.in/electionhistory.html http://www.ceo.kerala.gov.in/electionhistory.html
  2. "AK Balan files complaint against PC George". IBN Live.
  3. "ആഭാസപ്രസംഗം: നിയമസഭ സ്തംഭിച്ചു". ദേശാഭിമാനി.


"https://ml.wikipedia.org/w/index.php?title=പി.സി._ജോർജ്ജ്&oldid=2882085" എന്ന താളിൽനിന്ന് ശേഖരിച്ചത്