കരിക്കോട്

ഇംഗ്ലീഷ് വിലാസം

https://ml.wikipedia.org/wiki/Karicode

കരിക്കോട്
പട്ടണം
ടി.കെ.എം. എഞ്ചിനിയറിംഗ് കോളേജ്
കരിക്കോട് കേരളത്തിലെ സ്ഥാനം
Coordinates: 8°54′57.3480″N 76°37′57.722″E
രാജ്യം	ഇന്ത്യ
സംസ്ഥാനം	കേരളം
ജില്ല	കൊല്ലം
നഗരം	കൊല്ലം
ഭരണസമ്പ്രദായം
• ഭരണസമിതി	കൊല്ലം കോർപ്പറേഷൻ
Languages
• ഔദ്യോഗിക ഭാഷകൾ	മലയാളം, ഇംഗ്ലീഷ്
സമയമേഖല	UTC+5:30 (IST)
PIN	691005
വാഹന റെജിസ്ട്രേഷൻ	KL-02
ലോക്സഭ മണ്ഡലം	കൊല്ലം
ഭരണച്ചുമതല	കൊല്ലം കോർപ്പറേഷൻ
ശരാശരി ഉഷ്ണകാല താപനില	34 °C (93 °F)
ശരാശരി ശൈത്യകാല താപനില	22 °C (72 °F)
വെബ്സൈറ്റ്	http://www.kollam.nic.in

കേരളത്തിൽ കൊല്ലം ജില്ലയിലുള്ള ഒരു പ്രദേശമാണ് കരിക്കോട്. കൊല്ലം നഗര കേന്ദ്രത്തിൽ നിന്ന് ഏകദേശം 5 കിലോമീറ്റർ അകലെയാണ് ഈ പ്രദേശം സ്ഥിതിചെയ്യുന്നത്. ഇത് കൊല്ലം കോർപ്പറേഷനു കീഴിലുള്ള 23-ആമത്തെ വാർഡ് കൂടിയാണ്.

തങ്ങൾ കുഞ്ഞ് മുസലിയാർ ഗ്രൂപ്പിന്റെ ഉടമസ്ഥതയിലുള്ള വിദ്യാഭ്യാസ സ്ഥാപനങ്ങൾ സ്ഥിതിചെയ്യുന്നതിനാൽ ഈ പ്രദേശം പ്രസിദ്ധമാണ്. കേരളത്തിലെ ആദ്യത്തെ സ്വകാര്യ എഞ്ചിനിയറിംഗ് കോളേജായ ടി.കെ.എം. കോളേജ് 1958-ൽ ഇവിടെ സ്ഥാപിതമായി. ഇതിനു സമീപം ടി.കെ.എം. ആർട്ട്സ് ആൻഡ് സയൻസ് കോളേജും സ്ഥിതിചെയ്യുന്നു.

ചരിത്രം

മുമ്പ് കിളികൊല്ലൂർ പഞ്ചായത്തിന്റെ ഭാഗമായിരുന്ന പ്രദേശമാണ് കരിക്കോട്. 2000-ത്തിൽ കൊല്ലം മുൻസിപ്പാലിറ്റിയെ കോർപ്പറേഷനാക്കി ഉയർത്തിയപ്പോൾ കിളികൊല്ലൂരിനെയും കരിക്കോടിനെയും കൊല്ലം കോർപ്പറേഷനോടു കൂട്ടിച്ചേർത്തു.

പ്രാധാന്യം

കൊല്ലം നഗരത്തിലെ കശുവണ്ടി വ്യവസായ കേന്ദ്രങ്ങളിലൊന്നാണ് കരിക്കോട്. കല്ലുംതാഴം, കിളികൊല്ലൂർ, കരിക്കോട് എന്നീ പ്രദേശങ്ങളിൽ ധാരാളം കശുവണ്ടി ഫാക്ടറികൾ സ്ഥിതിചെയ്യുന്നുണ്ട്.

കിളികൊല്ലൂർ തീവണ്ടി നിലയം കരിക്കോടാണ് സ്ഥിതിചെയ്യുന്നത്. കൊല്ലം - ചെങ്കോട്ട ദേശീയപാത 744 ഉൾപ്പെടെയുള്ള റോഡുകൾ കടന്നുപോകുന്നതിനാൽ കരിക്കോട് ഭാഗത്ത് പലപ്പോഴും ഗതാഗതക്കുരുക്ക് രൂക്ഷമാകാറുണ്ട്. ഇവിടെ മുൻപ് ധാരാളം റോഡപകടങ്ങളും നടന്നിട്ടുണ്ട്.

സംസ്ഥാനത്തെ ഒരു പ്രധാന വിദ്യാഭ്യാസ കേന്ദ്രമായതിനാൽ ഈ പ്രദേശത്ത് അതിവേഗ വൈഫൈ സംവിധാനം ആരംഭിക്കുവാൻ ബി.എസ്.എൻ.എലിനു പദ്ധതിയുണ്ട്.