വീണ ജോർജ്ജ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

കേരള നിയമസഭാംഗമായ വീണ ജോർജ്ജ് കേരളത്തിൽ ഒരു വാർത്താ ചാനലിന്റെ എക്സിക്യൂട്ടീവ് എഡിറ്ററാകുന്ന ആദ്യ വനിതയാണ് . കൊച്ചിൻ ചേമ്പർ ഓഫ് കൊമേഴ്സിന്റെ ഉമടസ്ഥതയിൽ തുടങ്ങിയ ടിവി ന്യൂ എന്ന ചാനലിലൂടെയാണ്, വീണ ഈ സ്ഥാനത്തെത്തുന്നത്. കൈരളി ചാനലിലൂടെയാണ് വീണ ടെലിവിഷൻ ജേണലിസം ആരംഭിച്ചത്. തുടർന്ന് ഇന്ത്യാവിഷൻ ചാനലിന്റെ ഡെപ്യൂട്ടി ന്യൂസ് എഡിറ്റർ വരെയായി ഉയർന്നു. റിപ്പോർട്ടർ ടിവി തുടങ്ങിയപ്പോൾ മുതൽ അവിടെയും വാർത്താവതാരകയായി വീണ ഉണ്ടായിരുന്നു. അവിടെ നിന്നു മനോരമ ന്യൂസിലേക്കു ചുവടുമാറ്റിയ വീണ ടിവി ന്യൂ തുടങ്ങിയപ്പോൾ അതിന്റെ അമരക്കാരിയായി എത്തുകയായിരുന്നു. 2016ലെ നിയമസഭാ തെരഞ്ഞെടുപ്പിൽ പത്തനംതിട്ട ജില്ലയിലെ ആറന്മുള മണ്ഡലത്തിൽ നിന്ന് ഇടതുപക്ഷ ജനാധിപത്യമുന്നണി സ്ഥാനാർത്ഥിയായി സിപിഐ(എം) പാനലിൽ മത്സരിച്ചു വിജയിച്ചു. കേരളത്തിലെ ദൃശ്യ മാദ്ധ്യമ രംഗത്ത് വാർത്ത അവതരണത്തിലും വിശകലനത്തിലും വ്യത്യസ്ത മാനങ്ങൾ നൽകിയ വ്യക്തിയാണു വീണ ജോർജ്ജ്[അവലംബം ആവശ്യമാണ്] എന്ന് പറയാം.

ജീവിതരേഖ[തിരുത്തുക]

1974 ആഗസ്റ്റ് 03-ന് പത്തനംതിട്ട കുമ്പഴവടക്കിലാണു വീണ ജോർജ്ജ് ജനിച്ചത്.തിരുവനന്തപുരം വിമൻസ് കോളേജിൽ നിന്ന് ഫിസിക്സിൽ ബിരുദവും, ബിരുദാനന്തര ബിരുദവും നേടി.കൈരളി ടി.വി.,മനോരമ ന്യൂസ് ചാനലുകളിൽ വാർത്ത അവതാരകയായി പ്രവർത്തിച്ചിട്ടുണ്ട്.[1] 2016 നിയമസഭ തിരഞ്ഞെടുപ്പിൽ ആറന്മുള മണ്ഡലത്തിൽ LDF സ്ഥാനാർത്തി.

പുരസ്കാരം[തിരുത്തുക]

മികച്ച വാർത്താ അവതാരകയ്ക്കുള്ള ജേസി ഫൗണ്ടേഷൻ അവാർഡ്[2][പ്രവർത്തിക്കാത്ത കണ്ണി] 2011-ലെ മികച്ച ടെലിവിഷൻ അവതരണത്തിനുള്ള പുരസ്‌കാരം[3][പ്രവർത്തിക്കാത്ത കണ്ണി] ഏഷ്യവിഷൻ വാർത്താ വിശകലനത്തിനുള്ള പുരസ്‌കാരം[4][പ്രവർത്തിക്കാത്ത കണ്ണി] മികച്ച വാർത്താ അവതരണത്തിനുള്ള "2010-ലെ സംസ്ഥാന ടെലിവിഷൻ അവാർഡ്[5][പ്രവർത്തിക്കാത്ത കണ്ണി] നീലേശ്വരം സുരേന്ദ്രൻ സ്മാരക പുരസ്‌ക്കാരം[6] ഇന്ത്യ പ്രസ് ക്ലബ് ഓഫ് നോർത്ത് അമേരിക്ക മികച്ച വാർത്താവതാരക.[7]

അവലംബം[തിരുത്തുക]

  1. http://www.mangalam.com/women/interview/36169
  2. http://www.indiavisiontv.com/2012/08/06/99742.html
  3. http://www.indiavisiontv.com/2012/06/13/84123.html
  4. http://www.indiavisiontv.com/2012/06/13/84061.html
  5. http://www.indiavisiontv.com/2012/04/18/62867.html
  6. http://www.kvartha.com/2011/11/veena-bagged-surendran-remembrance.html
  7. http://www.varthamanam.com/index.php/news4/29013-2013-01-02-17-08-55
"https://ml.wikipedia.org/w/index.php?title=വീണ_ജോർജ്ജ്&oldid=3108410" എന്ന താളിൽനിന്ന് ശേഖരിച്ചത്