പുളിക്കൽ ഗ്രാമപഞ്ചായത്ത്
മലപ്പുറം ജില്ലയിലെ ഏറനാട് താലൂക്കിൽ, കൊണ്ടോട്ടി ബ്ളോക്കിലാണ് 27.95 ചതുരശ്ര കിലോമീറ്റർ വിസ്തീർണ്ണമുള്ള പുളിക്കൽ ഗ്രാമപഞ്ചായത്ത് സ്ഥിതി ചെയ്യുന്നത്. ഈ ഗ്രാമപഞ്ചായത്തിന് 21 വാർഡുകളാണുള്ളത്.
പ്രത്യേകതകൾ[തിരുത്തുക]
ചരിത്ര പ്രസിദ്ധമായ പടയോട്ടങ്ങൾ ഉണ്ടായ പ്രാചീന കടുങ്ങപുരം നാടിന്റെ പുളിക്കലായിരുന്നു. പുരാതനമായ കോഴിക്കോട്-പാലക്കാട് രാജവീഥിയിൽ ഉണ്ടായിരുന്ന സമൃദ്ധമായ പുളിമരങ്ങളുടെ സാന്നിധ്യം കൊണ്ടാവാം ഈ പ്രദേശത്തിനു പുളിക്കൽ എന്ന സ്ഥലനാമം കൈവന്നത്. ഉയർന്നും താഴ്ന്നും നിരപ്പായതുമായ വൈവിധ്യമാർന്ന ഭൂപ്രകൃതിയാണ് ഈ പഞ്ചായത്തിനുള്ളത്. ചെങ്കൽപ്രദേശങ്ങളും, കരിങ്കൽ പാറകളും, കശുവണ്ടി തോട്ടങ്ങളും, കരിമ്പാറക്കെട്ടുകളും, തെങ്ങ്, കവുങ്ങ് എന്നിവ സമൃദ്ധമായി വളരുന്ന പ്രദേശങ്ങളും, വയലേലകളും കൊണ്ട് സമ്പുഷ്ടമാണീ പുളിക്കൽ. പഞ്ചായത്തിന്റെ വടക്കുഭാഗത്ത് മലകളും ചെറുകുന്നുകളും ചെരിവുകളും പാടശേഖരങ്ങളും ,കിഴക്ക്, പടിഞ്ഞാറ്, തെക്ക് ഭാഗങ്ങളിൽ ചെറുകുന്നുകളും പറമ്പുകളും വയലുകളുമാണ് .[1]
അതിരുകൾ[തിരുത്തുക]
- കിഴക്ക് - കൊണ്ടോട്ടി, ചീക്കോട്, മുതുവല്ലൂർ പഞ്ചായത്തുകൾ
- പടിഞ്ഞാറ് – ചെറുകാവ്, പള്ളിക്കൽ, വാഴയൂർ പഞ്ചായത്തുകൾ
- തെക്ക് - പള്ളിക്കൽ, കൊണ്ടോട്ടി പഞ്ചായത്തുകൾ
- വടക്ക് – വാഴക്കാട്, വാഴയൂർ, ചീക്കോട് പഞ്ചായത്തുകൾ
വാർഡുകൾ[തിരുത്തുക]
- അരൂർ
- ഒലിക്കുംപുറം
- പുതിയേടത്ത് പറമ്പ്
- പനച്ചികപ്പളളിയാളി
- മങ്ങാട്ടുമുറി
- ചെറുമിറ്റം
- വലിയപറമ്പ്
- നൂഞ്ഞല്ലൂർ
- കലങ്ങോട്
- പരപ്പാറ
- തലേക്കര
- ആൽപ്പറമ്പ്
- കൊടികുത്തിപ്പറമ്പ്
- പാണ്ടിയാട്ടുപ്പുറം
- കൊട്ടപ്പുറം
- ഉണ്യത്തിപ്പറമ്പ്
- മുട്ടയൂർ
- പുളിക്കൽ
- പൗരബസാർ
- ആന്തിയൂർകുന്ന്
- മായക്കര
സ്ഥിതിവിവരക്കണക്കുകൾ[തിരുത്തുക]
| ജില്ല | മലപ്പുറം |
| ബ്ലോക്ക് | കൊണ്ടോട്ടി |
| വിസ്തീര്ണ്ണം | 27.95 ചതുരശ്ര കിലോമീറ്റർ |
| ജനസംഖ്യ | 28,565 |
| പുരുഷന്മാർ | 14,234 |
| സ്ത്രീകൾ | 14,331 |
| ജനസാന്ദ്രത | 1022 |
| സ്ത്രീ : പുരുഷ അനുപാതം | 1007 |
| സാക്ഷരത | 90.21% |
അവലംബം[തിരുത്തുക]
- http://www.trend.kerala.gov.in
- http://lsgkerala.in/pulikkalpanchayat
- Census data 2001
|
മലപ്പുറം ജില്ലയുടെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
