മലപ്പുറം ജില്ലയിലെതിരൂർ താലൂക്കിലാണ്, 21.90 ചതുരശ്ര കിലോമീറ്റർ വിസ്തീർണ്ണള്ള വളാഞ്ചേരി നഗരസഭ സ്ഥിതി ചെയ്യുന്നത്. 2014 ഡിസംബർ വരെ ഗ്രാമപഞ്ചായത്തായിരുന്ന ഇവിടെ 2015 ജനുവരിയിലാണ് നഗരസഭയായി ഉയർത്തപ്പെട്ടത്. 33 ഡിവിഷനുകളുൾപ്പെടുന്നതാണ് വളാഞ്ചേരി നഗരസഭ. 2015 നവംബർ അഞ്ചിന് നടന്ന തദ്ദേശസ്വയംഭരണ തെരഞ്ഞെടുപ്പിൽ ഐക്യജനാധിപത്യമുന്നണി നേതൃത്വം നൽകുന്ന പ്രഥമ നഗരസഭാ ഭരണസമിതി നിലവിൽ വന്നു. മുസ്ലിംലീഗിലെ എം. ഷാഹിന ടീച്ചറാണ് ഇപ്പോഴത്തെ നഗരസഭാ ചെയർപേഴ്സൺ. ഇന്ത്യൻ നാഷണൽ കോൺഗ്രസ്സിലെ കെ.വി. ഉണ്ണികൃഷ്ണനാണ് വൈസ് ചെയർമാൻ.
