കേക

ഒരു ഭാഷാവൃത്തമാണ്‌ കേക. 3,2,2,3,2,2 എന്ന് കേരളപാണിനി ഗണവ്യവസ്ഥ നൽകിയിരിക്കുന്നു. ഇവ്വിധം പതിന്നാലക്ഷരങ്ങളിൽ ആറു ഗണങ്ങൾ ഈരടിയുടെ ഓരോ വരിയിലും. എല്ലാ ഗണത്തിലും ഒരു ഗുരുവക്ഷരമെങ്കിലും വേണം. ഏഴക്ഷരം കഴിഞ്ഞ് യതി. പാദങ്ങൾ തുല്യമാത്രകളിൽ തുടങ്ങണം.

ലക്ഷണം

മൂന്നും രണ്ടും രണ്ടും മൂന്നും രണ്ടും രണ്ടെന്നെഴുത്തുകൾ;

പതിന്നാലിന്നാറുഗണം പാദം രണ്ടിലുമൊന്നുപോൽ.

ഗുരുവൊന്നെങ്കിലും വേണം മാറാതോരോ ഗണത്തിലും;

നടുക്കു യതി; പാദാദിപ്പൊരുത്തമിതു കേകയാം.

കേകാവൃത്തത്തിൽ എഴുതിയ പ്രശസ്തകൃതികൾ

മാമ്പഴം - വൈലോപ്പിള്ളി ശ്രീധരമേനോൻ
അച്ഛനും മകളും - വള്ളത്തോൾ നാരായണമേനോൻ

നിർവ്വചനവും വിമർശനങ്ങളും

മറ്റു ഭാഷാവൃത്ത നിർവ്വചനങ്ങളെപ്പോലെ കേകയ്ക്കു നൽകിയിരിക്കുന്ന നിർവചനവും ഒട്ടേറെ വിമർശിക്കപ്പെട്ടിട്ടുണ്ട്.പാദാദിപ്പൊരുത്തം കവികൾ പാലിക്കാറില്ല.

    വൃത്തമഞ്ജരിയിലെ വൃത്തങ്ങൾ