ചെമ്മീൻ (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Chemmeen(film)

ചെമ്മീൻ
ചലച്ചിത്രത്തിന്റെ പോസ്റ്റർ
സംവിധാനം	രാമു കാര്യാട്ട്
തിരക്കഥ	എസ്.എൽ. പുരം സദാനന്ദൻ
Story by	തകഴി ശിവശങ്കരപിള്ള
നിർമ്മാണം	ബാബു ഇസ്മയിൽ സേട്ടു
അഭിനേതാക്കൾ	ഷീല മധു സത്യൻ ജയകൃഷ്ണൻ പുത്തനറക്കൽ
ഛായാഗ്രഹണം	മാർകസ് ബാർട്ട്‌ലി യു. രാ‍ജഗോപാൽ
ചിത്രസംയോജനം	ഋഷികേശ് മുഖർജി കെ.ഡി. ജോർജ്ജ്
സംഗീതം	സലിൽ‍ ചൗധരി
നിർമ്മാണ കമ്പനി	കണ്മണി ഫിലിംസ്
വിതരണം	കണ്മണി ഫിലിംസ്
റിലീസ് തീയതി	1965 ഓഗസ്റ്റ് 19
രാജ്യം	ഇന്ത്യ
ഭാഷ	മലയാളം

തകഴി ശിവശങ്കരപ്പിള്ളയുടെ ചെമ്മീൻ എന്ന നോവലിനെ അടിസ്ഥാനമാക്കി, 1965-ൽ രാമു കാര്യാട്ട് സംവിധാനം ചെയ്ത മലയാളചലച്ചിത്രമാണ് ചെമ്മീൻ. എസ്.എൽ. പുരം സദാനന്ദനാണ് തകഴിയുടെ വിഖ്യാത നോവലിനെ ആസ്പദമാക്കി ഈ ചിത്രത്തിന്റെ തിരക്കഥ രചിച്ചത്. മധു, സത്യൻ, കൊട്ടാരക്കര ശ്രീധരൻ നായർ, ഷീല, എസ്.പി. പിള്ള, അടൂർ ഭവാനി, ഫിലോമിന എന്നിവരാണ് പ്രധാനവേഷങ്ങളിൽ അഭ്രപാളിയിൽ അണിനിരന്നത്.

1965-ലെ ഏറ്റവും മികച്ച ചലച്ചിത്രത്തിനുള്ള രാഷ്ട്രപതിയുടെ സുവർണ്ണ കമലം ഈ സിനിമയ്ക്ക് ലഭിച്ചു. ഒരു ദക്ഷിണേന്ത്യൻ സിനിമയ്ക്ക് ആദ്യമായിട്ടാണ് ഈ അംഗീകാരം ലഭിച്ചത്. സാങ്കേതികപരമായും ഈ ചിത്രം മികച്ച് നിന്നു. ഈസ്റ്റ്മാൻ കളറിൽ പുറത്തിറങ്ങിയ ആദ്യ മലയാളചലച്ചിത്രങ്ങളിലൊന്നായിരുന്നു ചെമ്മീൻ.

താരനിര

ക്ര.നം.	താരം	വേഷം
1	ഷീല	കറുത്തമ്മ
2	മധു	പരീക്കുട്ടി
3	കൊട്ടാരക്കര ശ്രീധരൻ നായർ	ചെമ്പൻ കുഞ്ഞ്
4	സത്യൻ	പളനി
5	അടൂർ ഭവാനി	ചക്കി
6	ലതാ രാജു	പഞ്ചമി
7	അടൂർ പങ്കജം	നല്ലപെണ്ണ്
8	എസ്.പി. പിള്ള	അച്ചൻ കുഞ്ഞ്
9	രാജകുമാരി	ചെമ്പൻ കുഞ്ഞിന്റെ രണ്ടാം ഭാര്യ
10	ഫിലോമിന
11	അബ്ബാസ്	പരീക്കുട്ടിയുടെ ബാപ്പ
12	എഡ്ഡി	തുറയിലരയൻ
13	ഗംഗാദത്തൻ	ചെമ്പൻ കുഞ്ഞിന്റെ രണ്ടാം ഭാര്യയുടെ മകൻ
14	കടുവാക്കുളം ആന്റണി
15	കെടാമംഗലം അലി
16	പറവൂർ ഭരതൻ
17	നിലമ്പൂർ ആയിഷ
18	കോട്ടയം ചെല്ലപ്പൻ
19	ഓമനക്കുട്ടൻ
20	ഡോ ഇമ്മട്ടി
21	കമലാ ദേവി	കടപ്പുറത്തെ പാട്ടുകാരി
22	നബീസ	കാർത്യായനി
23	അശോകൻ	വിജയൻ
24	ജോളി	ജാക്കി
25	പിഷാരടി

ഗാനങ്ങൾ

വയലാറിന്റെ വരികൾക്ക് സലിൽ ചൗധരി സംഗീതം പകർന്ന അഞ്ച് ഗാനങ്ങളാണ് ചിത്രത്തിലുള്ളത്. മാനസമൈനെ വരൂ, കടലിനക്കരെ പോണോരെ, പെണ്ണാളെ പെണ്ണാളെ, പുത്തൻ വലക്കാരെ എന്നീ ഗാനങ്ങൾ അക്കാലത്തെ ഏറ്റവും വലിയ ഹിറ്റുകളായി മാറി.

No.	Title	ഗായകർ	Length
1.	"പെണ്ണാളേ പെണ്ണാളേ"	പി. ലീല, കെ.ജെ. യേശുദാസ്, കോറസ്	5:39
2.	"പുത്തൻ വലക്കാരേ"	കെ.ജെ. യേശുദാസ്, പി. ലീല, കെ.പി. ഉദയഭാനു, ശാന്ത പി. നായർ, കോറസ്	3:19
3.	"മാനസമൈനേ വരൂ"	മന്ന ഡേ	3:12
4.	"കടലിനക്കരെപ്പോണോരേ"	കെ.ജെ. യേശുദാസ്	3:48
5.	"തീം മ്യൂസിക്"	ഇൻസ്ട്രമെന്റൽ	2:20

അൻപതാം വാർഷികം

2017 ൽ സംസ്ഥാന ചലച്ചിത്ര അവാർഡ് വിതരണ ചടങ്ങിൽ ചെമ്മീന്റെ അൻപതാം വാർഷികം ആഘോഷിക്കാൻ സാംസ്കാരിക വകുപ്പ് തീരുമാനിച്ചിരുന്നു. ചെമ്മീനിലെ അഭിനേതാക്കളെയും അണിയറപ്രവർത്തകരെയും ആദരിക്കുന്നതിനായി സിനിമ ചിത്രീകരിച്ച അമ്പലപ്പുഴ പുറക്കാട് പരിപാടി സംഘടിപ്പിക്കാനായിരുന്നു തീരുമാനം. ഇതിനെതിരേ പ്രതിഷേധവുമായി ധീവരസഭ രംഗത്തു വന്നു. ചെമ്മീൻ മൽസ്യതൊഴിലാളികളെ ആക്ഷേപിക്കുന്ന കൃതിയാണെന്നും അത് സിനിമയാക്കിയപ്പോൾ ദൃശ്യങ്ങളിലൂടെ അവഹേളനം പൂർത്തിയായെന്നും ഇവർ ആരോപിച്ചു.

പുറത്തേക്കുള്ള കണ്ണികൾ

• ചെമ്മീൻ ഇന്റർനെറ്റ് മൂവി ഡാറ്റാബേസിൽ
• ചെമ്മീൻ Archived 2014-07-25 at the Wayback Machine – മലയാളസംഗീതം.ഇൻഫോ