പീച്ചി അണക്കെട്ട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(പീച്ചി എന്ന താളിൽ നിന്നും തിരിച്ചുവിട്ടതു പ്രകാരം)
പീച്ചി അണക്കെട്ട്
Peechi Dam.jpg
Peechi Dam
ഔദ്യോഗിക നാമം പീച്ചി ഡാം
സ്ഥാനം പീച്ചി, തൃശ്ശൂർ, കേരളം, ഇന്ത്യ
നിർമ്മാണം ആരംഭിച്ചത് 1947
നിർമ്മാണം പൂർത്തിയായത് 1957
പ്രവർത്തിപ്പിക്കുന്നത് ജലസേചന വകുപ്പ്, കേരളം
അണക്കെട്ടും സ്പിൽവേയും
ഉയരം 8.46 മീറ്റർ
നീളം 213 മീറ്റർ
വീതി (base) 4.27 മീറ്റർ
റിസർവോയർ
Creates മണലി പുഴ
Capacity: tmc ft.

കേരളത്തിലെ തൃശ്ശൂർ ജില്ലയിലെ ഒരു അണക്കെട്ടാണ് പീച്ചി അണക്കെട്ട്. (English: Peechi Dam) ജലസേചനം, ശുദ്ധജലവിതരണം എന്നിവ മുൻനിർത്തിയാണ് ഈ അണക്കെട്ട് നിർമ്മിച്ചിരിക്കുന്നത്. പീച്ചി-വാഴാനി വന്യജീവി സങ്കേതവും ഇവിടെയാണുള്ളത്. കേരള വന ഗവേഷണ ഇൻസ്റ്റിറ്റ്യൂട്ട് (കെ.എഫ്.ആർ.ഐ) പീച്ചിക്കടുത്തുള്ള കണ്ണാറയിൽ സ്ഥിതിചെയ്യുന്നു.

ചരിത്രം[തിരുത്തുക]

കേരളത്തിലെ ഒരു മേജർ ഇറിഗേഷൻ പ്രോജക്ട് എന്ന നിലയിലാണ് 1957 ഒക്ടോബർ നാലിന് കേരള ഗവർണർ ബി. രാമകൃഷ്ണറാവു രാജ്യത്തിന് സമർപ്പിച്ചത്. കരുവന്നൂർ പുഴയുടെ പോഷകനദിയായ മണലിപ്പുഴയുടെ കുറുകെയാണ് പീച്ചി അണക്കെട്ട് നിർമിച്ചിട്ടുള്ളത്. ഈ ജലസേചനപദ്ധതിയുപയോഗിച്ച് ഏകദേശം 17,555 ഹെക്ടർ പ്രദേശത്ത് ജലസേചനം സാധ്യമാക്കുക്കുന്നു. പ്രധാനമായും മുകുന്ദപുരം, തലപ്പിള്ളി, തൃശ്ശൂർ, ചാവക്കാട് താലൂക്കുകളിലെ പ്രദേശങ്ങളിലേക്ക് വിവിധ കനാലുകൾവഴി ജലമെത്തിക്കുന്നു.

ജലവൈദ്യുത പദ്ധതി[തിരുത്തുക]

അണക്കെട്ടിലെ ജലം ഉപയോഗിച്ച് വൈദ്യുതി ഉത്പാദിപ്പിക്കുന്നതിനായി കെ.എസ്.ഇ.ബി. യുടെ ചെറുകിട ജലവൈദ്യുതി പദ്ധതി ഇവിടെ സ്ഥാപിച്ചിരിക്കുന്നു. പ്രതിവർഷം 33 ലക്ഷം യൂണിറ്റ് വൈദ്യുതി ഉത്പാദനമാണ് ഈ പദ്ധതിയിലൂടെ ലക്ഷ്യമിടുന്നത്[1]. 12 കോടി രൂപയാണ് നിർമ്മാണച്ചിലവ്[1]. അണക്കെട്ടിന്റെ വലതുകര കനാലിലൂടെ വേനൽക്കാലത്ത് ജലസേചനത്തിനായി തുറന്നുവിടുന്ന ജലം ഉപയോഗിച്ചാണ് വൈദ്യുതി ഉൽപാദിപ്പിക്കുന്നത്. ഉല്പാദനത്തിനുശേഷം വെള്ളം കനാലിലേക്കുതന്നെ വിടും. അണക്കെട്ടിലെ ജലം രണ്ടു ശാഖകളായാണ് തുറന്നുവിടുന്നത്[1]. ഒന്നു മുടക്കം വരാതെയുള്ള ജനസേചനത്തിനും മറ്റൊന്ന് വൈദ്യുതി ഉല്പാദിപ്പിക്കാനും ഉപയോഗിക്കുന്നു. വൈദ്യുതി ഉല്പാദനത്തിൽ എന്തെങ്കിലും തകരാർ ഉണ്ടായാൽ ജലസേചനത്തിൽ മുടക്കം വരാതിരിക്കാനാണ് രണ്ടു ശാഖകളായി ജലം തിരിച്ചുവിടുന്നത്[1].

നിർമ്മാണ എൻജിനീയർമാർ[തിരുത്തുക]

പ്രധാനമായും മൂന്ന് എൻജിനീയർമാർക്കാണ് ഈ അണക്കെത്തിന്റെ നിർമ്മാണച്ചുമതല ഉണ്ടായിരുന്നത്. വി.കെ. അരവിന്ദാക്ഷമേനോൻ ചീഫ് എൻജിനീയറും കെ.ബി. മേനോൻ, ടി.എസ്. ചാത്തുണ്ണി എന്നിവർ എക്സിക്യുട്ടീവ് എൻജിനീയർമാരും ആയ ഒരു സംഘമായിരുന്നു അത്. ഈ എൻജിനീയർമാരുടെ ചുമതല എം. സത്യനാരായണമൂർത്തി, കെ.കെ. കർത്താ, ടി.പി. കുട്ടിയമ്മു എന്നിവർക്കായിരുന്നു. കെ.എം. മാത്യുവായിരുന്നു പ്രോജക്ട് എൻജിനീയർ.

പ്രവേശനം[തിരുത്തുക]

രാവിലെ 8 മുതൽ വൈകിട്ട് 6 വരെയാണ് പ്രവേശനസമയം. 20 രൂപയാണ് പ്രവേശന നിരക്ക്. കുട്ടികൾക്ക് 10 രൂപ.

യാത്ര-താമസ സൗകര്യം[തിരുത്തുക]

തൃശ്ശൂരിൽനിന്ന് പാലക്കാട് ദേശീയപാതയിലൂടെ 13 കി.മീ. സഞ്ചരിച്ചാൽ പീച്ചിറോഡ് ജങ്‌ഷനിലെത്തും. അവിടെനിന്ന് 8 കി.മീറ്റർ തെക്കോട്ടു പോയാൽ ഇവിടെയെത്താം. തൃശ്ശൂർ ശക്തൻ ബസ്‌സ്റ്റാൻഡിൽനിന്ന് പീച്ചി ഡാമിലേക്ക് നേരിട്ട് ബസ് സർവീസുണ്ട്. രാവിലെ 7 മുതൽ രാത്രി 9 മണിവരെ പത്തുമിനിറ്റ് ഇടവേളകളിൽ ബസുകളുണ്ട്‌. പാലക്കാട് നിന്നും വരുന്ന സഞ്ചാരികൾക്ക് പട്ടിക്കാട് നിന്ന്‌ പീച്ചിയിലേക്ക് ബസ് കിട്ടും. സഞ്ചാരികൾക്കുള്ള ഭക്ഷണസൗകര്യം പീച്ചി ഗസ്റ്റ് ഹൗസിൽ ഒരുക്കിയിട്ടുണ്ട്. പകൽസമയം തങ്ങുന്നതിനുള്ള സൗകര്യവും ഗസ്റ്റ് ഹൗസിലുണ്ട്. 300 രൂപയാണ് പ്രതിദിനവാടക. രാത്രിയിൽ താമസസൗകര്യം ലഭ്യമല്ല.

ചിത്രശാല[തിരുത്തുക]

പീച്ചി ഡാം. ഒരു പനോരമിക് ചിത്രം

അവലംബം[തിരുത്തുക]

പുറത്തേക്കുള്ള കണ്ണികൾ[തിരുത്തുക]


Coordinates: 10°31′42″N 76°21′51″E / 10.5282353°N 76.3642502°E / 10.5282353; 76.3642502

"https://ml.wikipedia.org/w/index.php?title=പീച്ചി_അണക്കെട്ട്&oldid=2609073" എന്ന താളിൽനിന്നു ശേഖരിച്ചത്