പീച്ചി ജലസേചന പദ്ധതി
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
പീച്ചി ജലസേചന പദ്ധതി പ്രധാനമായും മണലിപ്പുഴയുടെ കുറുകേ നിർമ്മിച്ചിട്ടുള്ള പീച്ചി അണക്കെട്ട് അടിസ്ഥാനമായാണ് പ്രവ‍‍‍ർത്തിക്കുന്നത്. കേരളത്തിലെ ഏറ്റവും പഴക്കമേറിയ ജലസേചനപദ്ധതികളിലൊന്നാണിത്. കൊച്ചിരാജ്യത്തിന്റെ പ്രധാനമന്ത്രിയായിരുന്ന ഇക്കണ്ട വാര്യരാണ് കോൺക്രീറ്റ് ഗ്രാവിറ്റി അണക്കെട്ടായ് പീച്ചി ജലസേചനപദ്ധതി വിഭാവനം ചെയ്തത്. 1957 ഒക്ടോബർ 4-നു അന്നത്തെ കേരള ഗവർണറായിരുന്ന ബി. രാമകൃഷ്ണറാവു ഈ പദ്ധതി ഉദ്ഘാടനം ചെയ്തു. 1959-ൽ പീച്ചി ജലസേചന പദ്ധതി കമ്മീഷൻ ചെയ്തു.[1] ഈ പദ്ധതി ഉപയോഗിച്ച് ഏതാണ്ട് 17555 ഹെക്ടർ പ്രദേശത്ത് ജലസേചനം സാദ്ധ്യമാക്കുന്നു. പീച്ചി ജലസേചന പദ്ധതി പ്രധാനമായും മുകുന്ദപുരം, തലപ്പള്ളി, തൃശൂർ, ചാവക്കാട് എന്നീപ്രദേശങ്ങളിലേക്ക് വിവിധ കനാലുകൾ വഴി ജലം എത്തിക്കുന്നു. ഇതുകൂടാതെ തൃശൂർ കോർപ്പറേഷനിലേക്കും ചുറ്റുമുള്ള എട്ട് പഞ്ചായത്തുകളിലേക്കുമുള്ള കുടിവെള്ള വിതരണവും കൈകാര്യം ചെയ്യുന്നു.
പീച്ചി ജലസേചന പദ്ധതിയുടെ വലതു കനാലിന് 37.3 കിമി നീളവും ഇടതു കനാലിന് 44.9 കിമി നീളവും ഉണ്ട്. ഉപകനാലുകൾക്ക് 116.57 കിമി നീളമുണ്ട്.
അവലംബം[തിരുത്തുക]
- ↑ "department hisotry". https://irrigation-kerala.org/. Government of Kerala. Archived from the original on 2023-11-05. Retrieved 5 നവംബർ 2023.
{{cite web}}: External link in|website=