ചാവക്കാട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ചാവക്കാട് എന്ന വാക്കാൽ വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാൻ ചാവക്കാട് (വിവക്ഷകൾ) എന്ന താൾ കാണുക. ചാവക്കാട് (വിവക്ഷകൾ)
ചാവക്കാട്
പട്ടണം
Country India
StateKerala
Districtതൃശ്ശൂർ
ഉയരം
14 മീ(46 അടി)
ജനസംഖ്യ
 (2001)
 • ആകെ38,138
Languages
 • OfficialMalayalam, English
സമയമേഖലUTC+5:30 (IST)
PIN
680506
Telephone code+91487

കേരളത്തിലെ തൃശ്ശൂർ ജില്ലയിലെ തീരപ്രദേശത്തോട് ചേർന്നു നില്ക്കുന്ന ഒരു പട്ടണമാണ് ചാവക്കാട് .

ഭൂമിശാസ്ത്രം[തിരുത്തുക]

ചാവക്കാടിന്റെ ഭൂമിശാസ്ത്ര സ്ഥാനം 10°32′N 76°03′E / 10.53°N 76.05°E / 10.53; 76.05 ആണ്.[1] ചാവക്കാടിന്റെ സമുദ്രനിരപ്പിൽ നിന്നുള്ള ഉയരം 14 മീറ്റർ ആണ് (45 അടി).

ചരിത്രം[തിരുത്തുക]

ശാപക്കാട് എന്ന പേരിൽ നിന്നാണ് ചാവക്കാട് എന്ന പേരുവന്നത് എന്നു വിശ്വസിക്കുന്നു. കേരളത്തിൽ വന്ന തോമാസ്ലീഹാ ചാവക്കാട്ടിലെത്തി പല നമ്പൂതിരിമാരെയും ക്രിസ്തുമതത്തിലേയ്ക്ക് [2]പരിവർത്തനം ചെയ്യുകയും ഒരു ക്രിസ്തീയ ദേവാലയം നിർമ്മിക്കുകയും ചെയ്തു. നമ്പൂതിരിമാർ ഇതിനെ ഒരു ശാപമായി കരുതി, സ്ഥലത്തിനു ശാപക്കാട് എന്ന നാമം കൊടുത്തു. ഇത് പിന്നീട് ലോപിച്ച് ചാവക്കാടായി. എന്നാൽ ഇതിനു ചരിത്രത്തിന്റെ പിൻബലം ലഭിക്കുന്നില്ല. കാരണം തോമാശ്ലീഹാ ഭാരതത്തിൽ വന്നതിനു യാതൊരു തെളിവും ചരിത്രപരമായി ലഭിച്ചിട്ടില്ല. അടുത്തകാലത്തായി റോമിലെ പോപ്പ് തന്നെ തോമാശ്ലീഹാ ഇങ്ങനെ കേരളത്തിൽ വന്നിട്ടില്ല എന്ന് തന്നെ സമ്മർത്ഥിച്ചിട്ടുണ്ട്. ചാവക്കാട് പേരിനു പിന്നിൽ പല കഥകളും ഇന്ന് നില നിൽക്കുന്നു. ഒരു മുനിയുടെ ശാപമായി ലഭിച്ചതാണ് ശാപക്കട് എന്നും, ശവം കുഴിച്ചിട്ടിരുന്ന സ്ഥലമായതിനാൽ ശവക്കാട് എന്നും അത് പിന്നീട് ലോപിച്ചു ചാവക്കാട് ആയതെന്നും പറയുന്നു. കൂടാതെ മത്സ്യബന്ധനത്തിന് പോയവർ ചാപ്പ പണിതിരുന്ന സ്ഥലമായതിനാൽ ചാപ്പക്കാട് എന്നും അത് ലോപിച്ചു ചാവക്കാട് ആയതെന്നും പറയപ്പെടുന്നു. എന്നാൽ തോമാശ്ളീഹ യുടെ ചരിത്രവുമായി ചാവക്കാടിനു യാതൊരു ബന്ധവുമില്ല എന്നതാണ് സത്യം.

ചാവക്കാടിന് “കൂട്ടുങ്ങൽ“ എന്ന ഒരു പേരു കൂടെ ഉണ്ടായിരുന്നു.പഴയ കാലത്തെ പ്രധാന വാണിഭ മേഖലയായിരുന്നു “കൂട്ടുങ്ങൽ”.[അവലംബം ആവശ്യമാണ്] ഇതിനെ കൂട്ടുങ്ങൽ അങ്ങാടി എന്ന് വിളിച്ചിരുന്നവരും ഉണ്ട്.

പഴയ ചാവക്കാട് നഗരം ഇന്നത്തെ അങ്ങാടി താഴത്ത് ആയിരുന്നു എന്നാണു ചരിത്രം. അങ്ങാടി താഴം എന്ന ഭാഗത്തിനടുത്താണ് ചക്കംകണ്ടം എന്ന പ്രദേശം ഇതായിരുന്നു ശവം വെച്ചിരുന്ന ഭാഗം കാട് പിടിച്ചു കിടന്നിരുന്ന ഈ ഭാഗത്തെ അന്ന് ശവക്കാട് എന്നാണു വിളിച്ചിരുന്നത്. ടിപ്പുസുൽത്താന്റെ സൈനിക അക്രമണത്താൽ ധീരരക്തസാക്ഷിയായ ഹൈദ്രോസ് കുട്ടി മൂപ്പർ താമസിച്ചിരുന്നത് ഇന്നത്തെ പാലയൂർ പള്ളിയുടെ തെക്കു ഭാഗത്തായിരുന്നു. പാലകളുടെ നാടായിരുന്ന പാലയൂരിൽ ഒരു ശിവക്ഷേത്രം ഉണ്ടായിരുന്നതായി ചരിത്രം വെളിപ്പെടുത്തുന്നു. ഈ ശിവക്ഷേത്രത്തിന്റെ ഭാഗത്തായിട്ടാണ് ഇന്ന് പാലയൂർ പള്ളി ഉയർന്നു നിൽക്കുന്നത്. തോമാശ്ലീഹാ പണിത പള്ളിയെന്നു ഒരു വിഭാഗം പറയുന്നുണ്ടെങ്കിലും ചരിത്രപരമായി കാലഘട്ടങ്ങൾ തമ്മിൽ വളരെ വ്യത്യാസമുണ്ട്.  പോർട്ടുഗീസ്  ഭാരതത്തിലേക്ക് വന്ന സമയമായിരുന്നു പാലയൂർ പള്ളിയുടെ ഉദയം. അത് കൊണ്ട് തന്നെ പാലയൂർ പള്ളിയുടെ നിർമ്മിതിക്ക് പിന്നിൽ പോർട്ടുഗീസ് ബുദ്ധി തള്ളിക്കളയാനാവില്ല.  കോഴിക്കോട് സാമൂതിരി തന്റെ കരംപിരിവുകാരനായ ഹൈദ്രോസ് കുട്ടി മൂപ്പർക്കായി പണികഴിപ്പിച്ച മുസ്ലിം പള്ളി ഇന്നും അങ്ങാടി താഴം എന്ന സ്ഥലത്തു സ്ഥിതി ചെയ്യുന്നു.

ചാവക്കാടും പരിസരപ്രദേശങ്ങളും മിനിഗൾഫ് എന്ന നാമത്തിലും അറിയപ്പെട്ടിരുന്നു.ഇവിടത്തെ ജനങ്ങൾ ലോകത്തിന്റെ പല ഭാഗങ്ങളിൽ ഇന്ന് തൊഴിലെടുക്കുകയും,വിശ്രമജീവിതം നയിക്കുകയും ചെയ്യുന്നു.

ജനസാന്ദ്രത[തിരുത്തുക]

2001-ലെ ഇന്ത്യൻ കാനേഷുമാരി അനുസരിച്ച്[3] ചാവക്കാട്ടെ ജനസംഘ്യ 38,138 ആണ്. ഇതിൽ 46% പുരുഷന്മാരും 54% സ്ത്രീകളുമാണ്. ചാവക്കാട്ടിലെ ശരാശരി സാക്ഷരതാ നിലവാരം 81% ആണ്. ദേശീയ സാക്ഷരതാ നിലവാരമായ 59.5%-നെക്കാൾ ഇത് കൂടുതലാണ്. പുരുഷന്മാരിൽ സാക്ഷരതാനിരക്ക് 83%-ഉം സ്ത്രീകളിൽ 79%-ഉം ആണ്. ജനസംഖ്യയുടെ 11% 6 വയസ്സിനു താഴെയുള്ള കുട്ടികൾ ആണ്.

അവലംബം[തിരുത്തുക]

  1. Falling Rain Genomics, Inc - Chavakkad
  2. http://www.chavakkadonline.com/html/history.html
  3. "Census of India 2001: Data from the 2001 Census, including cities, villages and towns. (Provisional)". Census Commission of India. ശേഖരിച്ചത് 2007-09-03.

ചിത്രശാല[തിരുത്തുക]

പുറത്തുനിന്നുള്ള കണ്ണികൾ[തിരുത്തുക]


  • www.fb.me/chavakkadpage
  • www.instagram.com/chavakkadpage
  • www.youtube.com/chavakkadpage
"https://ml.wikipedia.org/w/index.php?title=ചാവക്കാട്&oldid=3672695" എന്ന താളിൽനിന്ന് ശേഖരിച്ചത്