അന്തിമഹാകാളൻ കാവ് വേല
തൃശൂർ ചേലക്കരയിലെ പങ്ങാരപ്പിള്ളിയിൽ സ്ഥിതിചെയ്യുന്ന ശിവക്ഷേത്രമാണ്‌ അന്തിമഹാകാളൻകാവ്. ഇവിടുത്തെ പ്രധാന പ്രതിഷ്‌ഠ ഭഗവതിയുടേതാണെങ്കിലും ശിവന്റെ കിരാതരൂപമായ അന്തിമഹാകാളന്റെ പേരിലാണ്‌ ഈ ക്ഷേത്രം അറിയപ്പെടുന്നത്‌.[1] ഇവിടെ വർഷാവർഷം നടക്കുന്ന പ്രസിദ്ധമായ ഉത്സവമാണ് അന്തിമഹാകാളൻകാവ് വേല.
മീനമാസത്തിലെ ആദ്യ ശനിയാഴ്‌ച്ച ആരംഭിച്ച്‌ രണ്ടാം ശനിയാഴ്‌ച്ച അവസാനിക്കുന്ന (ഏകദേശം മാർച്ച് മധ്യം) അന്തിമഹാകാളൻകാവ് വേലയിലെ പ്രധാന ചടങ്ങുകൾ അതിരാവിലെയുള്ള കാളി-ദാരിക സംവാദവും കാളവേലയുമാണ്‌.ലോകത്തിലെ ഏറ്റവും കൂടുതൽ കരിമരുന്നു പ്രയോഗവും നടക്കുന്നതും ഇവിടെയാണ്
കാളവേലയിൽ കാളയുടെ ഭീമാകാരമായ രൂപങ്ങൾ ഭക്തജനങ്ങൾ ക്ഷേത്രത്തിലേക്ക്‌ ഘോഷയാത്രയായി കൊണ്ടുവരുന്നതാണ്‌ വേലയുടെ മുഖ്യമായ ആകർഷണം. കാളി, ദാരികൻ, കോയ്‌മ, എന്നിവരുടെ കളംവരച്ചുളള കളം പാട്ടും ഉത്സവത്തിന്റെ ഭാഗമാണ്‌.തെക്കുംകൂർ വേലയ്ക്കു മല്ലിശ്ശേരി കാവിലും വടക്കുംകൂർ വേലയ്ക്കു കടുകശ്ശേരി ക്ഷേത്രത്തിലും ആണ് കളംപാട്ട് നടക്കുന്നത്.വിവിതതരം വാദ്യഘോഷങ്ങളും കലാരൂപങ്ങളും ആനകിളില്ലാത്ത വേലയ്ക്കു നിറപകിട്ടെകുന്നു
പങ്ങാരപ്പിള്ളി,ചേലക്കര,വെങ്ങനെല്ലുർ,തോന്നുർക്കര,കുറുമല എന്നി അഞ്ചുദേശങ്ങൾ കൂടിയാണ് വേല നടത്തുന്നത്