മണലിപ്പുഴ

ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

Manalippuzha

Manalippuzha

മണലിപ്പുഴ
നദി
രാജ്യം	ഇന്ത്യ
സംസ്ഥാനം	കേരളം
പട്ടണങ്ങൾ	ആമ്പല്ലൂർ, നെന്മണിക്കര, പാണഞ്ചേരി, തൃക്കൂർ
അഴിമുഖം
- സ്ഥാനം	കേരളം, ഇന്ത്യ

കേരളത്തിലെ തൃശ്ശൂരിൽ സ്ഥിതി ചെയ്യുന്ന പീച്ചി വന്യജീവിസങ്കേതത്തിൽ നിന്നാരംഭിയ്ക്കുന്ന പുഴയാണ് മണലിപ്പുഴ. (English: Manali River) ഈ നദി, ചിമ്മിണി വന്യജീവിസങ്കേതത്തിൽ നിന്നുൽഭവിക്കുന്ന കുറുമാലിപ്പുഴയുമായി കൂടിചേർന്ന് ആറാട്ടുപുഴയ്ക്ക് മുമ്പ് കരുവന്നൂർപ്പുഴയായി രൂപപ്പെടുന്നു. പണ്ട് വളരെ സമൃദ്ധമായി ഒഴുകിക്കൊണ്ടിരുന്നു ഈ നദി പിന്നീട് ഈ അടുത്ത കാലം വരെ നാശോന്മുഖമായി കിടന്നിരുന്നു..

പേരിനു പിന്നിൽ

ഉത്ഭവസ്ഥാനത്തുനിന്നും തെക്കോട്ട് അമ്പതു കിലോമീറ്ററോളം നീളമുള്ള ഈ പുഴക്ക് മലപ്പുറത്തുള്ള മണലിപ്പുഴ (പ്രദേശവുമായി പേരിൽ സാമ്യം ഉണ്ടെങ്കിലും തൃശ്ശൂർ ജില്ലയിലെ പ്രധാനപ്പെട്ട പട്ടണങ്ങളിലൊന്നായ ആമ്പല്ലൂരിന്റെ സമീപ പ്രദേശമായ മണലിയുമായി ബന്ധപ്പെട്ട് കിടക്കുന്നതാണ് ഈ പുഴയുടെ നാമകരണം[1].

ദുരവസ്ഥ

പൊതുമരാമത്തു നിർമ്മാണങ്ങളുടെ പേരിലുണ്ടായ കയ്യേറ്റങ്ങളും, എക്കലും കുളവാഴകളും, പ്ലാസ്റ്റിക് അടക്കമുള്ള മാലിന്യങ്ങളും ജൈവാവശിഷ്ടങ്ങളുമൊക്കെ പുഴയുടെ വീതി കുറയുന്നതിനും ഒഴുക്കിന്റെ ശക്തി ഇല്ലാതാക്കുന്നതിനും കാരണമായിട്ടുണ്ട്. വർഷക്കാലത്ത് സമീപപ്രദേശങ്ങളിൽ വെള്ളപ്പൊക്കം ഉണ്ടാക്കുന്ന പുഴ, മൺസൂൺ കാലം കഴിഞ്ഞാൽ മൃതാവസ്ഥയിൽ എത്തുന്നു. കൂടാതെ ഈ പ്രദേശങ്ങളിൽ നിലനിന്നിരുന്ന കളിമൺ ഖനനം ഈ പുഴയുടെ ക്ഷയത്തിന് ആക്കംകൂട്ടിയിരുന്നു.

നവീകരണം

ഹരിതകേരളം പദ്ധതിയിലൂടെ മണലിപ്പുഴയുടെ ആറിടങ്ങളെ കേന്ദ്രീകരിച്ച്‌ നവീകരണം നടക്കുകയുണ്ടായി. പായലും ചണ്ടിയും കൈയടക്കിയ മണലിപ്പാലം പരിസരം, കാഴ്ചക്കടവ്, നെന്മണിക്കര നടൂക്കര കടവ്, എറവക്കാട് പമ്പ് ഹൗസ്, ഓടൻചിറ ഷട്ടർ, ആറാട്ടുകടവ് എന്നീ ഭാഗങ്ങളിലാണ് നവീകരണം നടത്തിയത്.

പുറത്തേക്കുള്ള കണ്ണികൾ

• മണലിപ്പുഴ മലിനീകരണം: സ്ഥാപനങ്ങൾക്കെതിരെ നടപടി
• മണലിപ്പുഴ സംരക്ഷണം: മഴനടത്തം സംഘടിപ്പിച്ചു
• മണലിപ്പുഴ ശുചീകരണത്തോടെ ഹരിതകേരളം പദ്ധതി ജില്ലയിൽ എട്ടിന് തുടങ്ങും