സബർമതി നദി

ഇംഗ്ലീഷ് വിലാസം

https://ml.wikipedia.org/wiki/Sabarmati_River

സബർമതി നദി
River
സബർമതി തീരത്തെ അഹമ്മദാബാദ് നഗരം
രാജ്യം	ഇന്ത്യ
സംസ്ഥാനങ്ങൾ	ഗുജറത്ത്, രാജസ്ഥാൻ
പോഷക നദികൾ
- ഇടത്	Wakal river, Sei Nadi, Harnav River, Hathmati River, Watrak River
പട്ടണങ്ങൾ	അഹമ്മദാബാദ്, ഗാന്ധിനഗർ
സ്രോതസ്സ്	Dhebar lake, Rajasthan
- സ്ഥാനം	Aravalli Range, Udaipur District, Rajasthan, India
- ഉയരം	782 മീ (2,566 അടി)
നീളം	371 കി.മീ (231 മൈ)

പടിഞ്ഞാറൻ ഇന്ത്യയിലെ ഒരു നദിയാണ് സബർമതി. ഏകദേശം 371 കിലോമീറ്റർ നീളമുണ്ട്. നദിയുടെ ആദ്യഭാഗങ്ങൾക്ക് വകൽ എന്നും പേരുണ്ട്.

രാജസ്ഥാനിലെ ഉദയ്പൂർ ജില്ലയിലെ ആരവല്ലി പർ‌വതനിരകളിലാണ് സബർമതി നദിയുടെ ഉദ്ഭവസ്ഥാനം. നദിയുടെ ഭൂരിഭാഗവും ഒഴുകുന്നത് ഗുജറാത്തിലൂടെയാണ്. ഗൾഫ് ഓഫ് കാംബെയിലൂടെ അറബിക്കടലിൽ പതിക്കുന്നു.

ഗുജറാത്തിന്റെ വാണിജ്യ തലസ്ഥാനമായ അഹമ്മദാബാദും രാഷ്ട്രീയ തലസ്ഥാനമായ ഗാന്ധിനഗറും സബർമതി നദിയുടെ തീരങ്ങളിലാണ് സ്ഥിതി ചെയ്യുന്നത്. ഗുജറാത്തിലെ സുൽത്താൻ അഹമ്മദ് ഷാ സബർമതിയുടെ തീരത്ത് വിശ്രമിക്കുമ്പോൾ ഒരു മുയൽ ഒരു നായയെ ഓടിക്കുന്നത് കാണുകയും ആ മുയലിന്റെ ധൈര്യം കണ്ട് പ്രചോതിതനായ അദ്ദേഹം 1411ൽ അഹമ്മദാബാദ് നഗരം സ്ഥാപിച്ചു എന്നുമാണ് ഐതിഹ്യം.

ഇന്ത്യൻ സ്വാതന്ത്ര്യ സമരകാലത്ത് മഹാത്മ ഗാന്ധിജി ഈ നദിയുടെ തീരത്ത് തന്റെ ഭവനം കൂടിയായ സബർമതി ആശ്രമം സ്ഥാപിച്ചു.

• 

  സബർമതി നദീമുഖ വികസന പദ്ധതിയുടെ ഭാഗമായി നദിയുടെ തീരത്ത് നിർമ്മാണ പ്രവർത്തനങ്ങൾ നടക്കുന്നു

• 

  സബർമതി നദി.ഗുജറാത്തിലെ അഹമ്മദാബാദിൽ നിന്നുള്ള ദൃശ്യം

പുറമേക്കുള്ള കണ്ണികൾ

• സബർമതി ബേസിൻ(ഡിപ്പാർട്മെന്റ് ഓഫ് ഇറിഗേഷൻ, രാജസ്ഥാൻ ഗവൺ‌മെന്റ്) Archived 2005-10-24 at the Wayback Machine.
• സബർമതി ബേസിന്റെ ഭൂപടം Archived 2007-01-01 at the Wayback Machine.
• അഹമ്മദാബാദിലെ സബർമതി നദീമുഖ പദ്ധതിയേക്കുറിച്ചുള്ള വിവരങ്ങൾ