രാവി നദി

ഇംഗ്ലീഷ് വിലാസം

https://ml.wikipedia.org/wiki/Ravi_River

രാവി നദി
പാക്കിസ്താനിലെ ലാഹോർ, പഞ്ചാബ്, എന്നിവിടങ്ങളിലെ രാവി നദിയിലെ ബോട്ടുകൾ
Country	India, Pakistan
Physical characteristics
പ്രധാന സ്രോതസ്സ്	Hanuman Tibba From Bara Bhangal, Kangra, Himachal Pradesh, India
നദീമുഖം	Chenab River Near Sarai Sidhu, Punjab, Pakistan
നീളം	720 കി.മീ (450 മൈ)
Discharge	Average rate: 267.5 m3/s (9,450 cu ft/s) (near Mukesar) Maximum rate: 11,015.23 m3/s (388,999 cu ft/s) (near Baloki)
നദീതട പ്രത്യേകതകൾ
River system	Indus River System
നദീതട വിസ്തൃതി	India and Pakistan
പോഷകനദികൾ	Right: Siul

ഇന്ത്യയിലും പാകിസ്താനിലുമായി ഒഴുകുന്ന ഒരു നദിയാണ് രവി(പരുഷ്ണി). പഞ്ചനദികളിൽ ഒന്നാണിത്. വേദങ്ങളിൽ ഇരാവതി, പരുഷാനി എന്നീ പേരുകളിൽ അറിയപ്പെടുന്നു. രവിയുടെ ആകെ നീളം ഏകദേശം 720 കിലോമീറ്റർ ആണ്. ഹിമാചൽ പ്രദേശിലെ ചമ്പ ജില്ലയിലെ കുളുവിന് വടക്കുള്ള മണാലി എന്ന സ്ഥലത്താണ് ഈ നദിയുടെ ഉദ്ഭവസ്ഥാനം. മലനിരകളിലൂടെ ഒഴുകി പഞ്ചാബ് സമതലത്തിൽ എത്തിച്ചേരുന്നു. കുറച്ചുദൂരം ഇൻഡോ-പാക്ക് അതിർത്തിയിലൂടെ ഒഴുകിയശേഷം രാവി പാകിസ്താനിലെ ചെനാബ് നദിയോട് ചേരുന്നു. സിന്ധൂ നദീജല ഉടമ്പടി പ്രകാരം ഈ നദിയിലെ ജലം ഇന്ത്യക്ക് അവകാശപ്പെട്ടതാണ്.

1960-ലെ സിന്ധു നദീജല ഉടമ്പടി പ്രകാരം, രാവി നദിയിലെയും പഞ്ചാബിലെ മറ്റ് രണ്ട് നദികളിലെയും (സത്‌ലജ്, ബിയാസ് നദികൾ) ജലം ഇന്ത്യയ്ക്ക് അനുവദിച്ചു. തുടർന്ന്, സിന്ധു നദീതട പദ്ധതി പാകിസ്ഥാനിൽ വികസിപ്പിച്ചെടുക്കുകയും ഇത് സിന്ധു നദീ വ്യൂഹത്തിന്റെ പടിഞ്ഞാറൻ നദികളിൽ നിന്നുള്ള വെള്ളം ആ രാജ്യത്തെ രാവി നദിയുടെ ഭാഗം നികത്തുന്നതിനായി കൈമാറ്റം ചെയ്യുന്നു. ഇന്ത്യയിൽ നിരവധി അന്തർ നദീതട ജല കൈമാറ്റങ്ങൾ, ജലസേചനം, ജലവൈദ്യുത പദ്ധതികൾ, വിവിധോദ്ദേശ്യ പദ്ധതികൾ എന്നിവ നിർമ്മിക്കപ്പെട്ടിട്ടുണ്ട്.