വിതുര ഗ്രാമപഞ്ചായത്ത്
| വിതുര ഗ്രാമപഞ്ചായത്ത് | |
|---|---|
| ഗ്രാമപഞ്ചായത്ത് | |
| 8°40′20″N 77°7′31″E | |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | തിരുവനന്തപുരം ജില്ല |
| വാർഡുകൾ | ചെറ്റച്ചൽ, മണലി, ഗണപതിയാംകോട്, പൊന്നാംചുണ്ട്, ആനപ്പാറ, കല്ലാർ, മരുതാമല, ബോണക്കാട്, മണിതൂക്കി, തേവിയോട്, പേപ്പാറ, മേമല, തള്ളച്ചിറ, മുളയ്ക്കോട്ടുകര, കൊപ്പം, വിതുര, ചേന്നൻപാറ |
| വിസ്തീർണ്ണം | 112.02 ചതുരശ്ര കിലോമീറ്റർ (2019)  |
| ജനസംഖ്യ | 26,613 (2001) |
| • പുരുഷന്മാർ | • 13,165 (2001) |
| • സ്ത്രീകൾ | • 13,448 (2001) |
| സാക്ഷരത നിരക്ക് | 87.7 ശതമാനം (2001) |
| കോഡുകൾ • തപാൽ | • |
 | |
| LSG കോഡ് | G010504 |
തിരുവനന്തപുരം ജില്ലയിലെ നെടുമങ്ങാട് താലൂക്കിലെ ഒരു ഗ്രാമപഞ്ചായത്താണ് വിതുര .[1] വെള്ളനാട് ബ്ലോക്ക് പഞ്ചായത്തിന്റെ ഭാഗമാണിത്.
ചരിത്രം[തിരുത്തുക]
ഗിരിവർഗക്കാരായ കാണിക്കാരായിരുന്നു ഇവിടത്തെ ആദ്യ നിവാസികൾ. വളരെക്കാലം മുൻപ് ഈ പ്രദേശം ഏതാണ്ട് ഇരുപതോളം പ്രമാണിമാരുടെ കൈകളിലായിരുന്നു. മഹാരാജാവിനെ ആശ്രയിച്ച് കഴിഞ്ഞിരുന്ന ഇരുപതോളം പേർക്ക് മഹാരാജാവ് അനുവദിച്ചു കൊടുത്തതാണ് വിതുര തൊളിക്കോട് പ്രദേശങ്ങൾ.
സ്ഥലനാമോൽപത്തി[തിരുത്തുക]
മലയോര കാർഷികോത്പന്നങ്ങൾ സുലഭമായി ലഭിച്ചിരുന്ന വിദൂര സ്ഥലമായിരുന്നു ഇത്. അതുകൊണ്ടാണ് ഈ പ്രദേശത്തിന് വിതുരയെന്ന് പേര് ലഭിച്ചതെന്ന് ചിലർ അഭിപ്രായപ്പെടുന്നു.
സ്വാന്ത്ര്യസമര ദേശീയപ്രസ്ഥാനത്തിലെ സ്ഥാനം[തിരുത്തുക]
സ്വാതന്ത്ര്യ സമര രംഗത്ത് വിതുരയിൽ നിന്ന് കുറച്ചു പേർ പങ്കെടുത്തിട്ടുണ്ട്. ഇവരിൽ ഗോവിന്ദൻകുട്ടി മുതലാളിയായിരുന്നു സമര കമ്മിറ്റിയുടെ പ്രസിദ്ധ 1938 നവംബർ മാസത്തിലാണ് വിതുരയിൽ നിന്ന് സ്വാതന്ത്യ്ര സമര സേനാനികൾ കവടിയാർ കൊട്ടാരത്തിലേക്ക് മാർച്ചു ചെയ്തത്.
സാമൂഹ്യ രാഷ്ട്രീയ സാംസ്ക്കാരിക പ്രസ്ഥാനങ്ങൾ[തിരുത്തുക]
വിതുരയിലെ സാംസ്കാരിക രംഗത്ത് കാര്യമായ പങ്കുവഹിക്കാൻ 1926 ൽ സ്ഥാപിച്ച കെ.പി.എസ്.എം. ലൈബ്രറിക്ക് കഴിഞ്ഞിട്ടുണ്ട്. വിതുരയിൽ ആദ്യമായി സ്കൂൾ പ്രവർത്തിച്ചു തുടങ്ങിയത് 1902 ലാണ്
വാണിജ്യ-ഗതാഗത പ്രാധാന്യം[തിരുത്തുക]
തിരുവിതാംകൂറിലെ ശ്രീമൂലം തിരുനാൾ മഹാരാജാവ് പൊന്മുടിയിലേക്ക്, വിശ്രമത്തിന് പോയിരുന്ന പാതയാണ് ഇന്നത്തെ തിരുവനന്തപുരം-പൊന്മുടി പാത. 1934 ലാണ് ആദ്യത്തെ ബസ് സർവീസ് ഈ പഞ്ചായത്തിൽ ആരംഭിച്ചത്. ഓപ്പൺ ബോഡിയുള്ള ജേണി ഫുട്ട് വാഹനമായിരുന്നു ആദ്യത്തെ സർവീസ് നടത്തിയത്
പഞ്ചായത്ത് രൂപവത്കരണം/ആദ്യകാല ഭരണസമിതികൾ[തിരുത്തുക]
1961 ഡിസംബർ 28-ാം തീയതിയാണ് വിതുര പഞ്ചായത്ത് രൂപം കൊണ്ടത്. ആദ്യത്തെ കമ്മിറ്റി നിലവിൽ വന്നത് 1963 ഡിസംബർ 17 ആദ്യത്തെ പ്രസിഡന്റ് സ്രീ കെ. തങ്കപ്പൻപിള്ള 11 വാർഡുകളോടുകൂടിയ വിതുര പഞ്ചായത്ത് 1963-ാം വർഷം വരെ ആര്യനാട് ഉഴമലയ്ക്കൽ പഞ്ചായത്തുകളുടെ ഭാഗമായിരുന്നു. ആര്യനാട് ബി വില്ലേജാണ് ഇന്നത്തെ വിതുര.
ഭൂമിശാസ്ത്രം[തിരുത്തുക]
അതിരുകൾ[തിരുത്തുക]
- തെക്ക്: ആര്യനാട്, തൊളിക്കോട് പഞ്ചായത്തുകൾതിരുനെൽവേലി
- വടക്ക്: നന്ദിയോട്, പെരിങ്ങമ്മല പഞ്ചായത്തുകൾ
- പടിഞ്ഞാറ്: തൊളിക്കോട് പഞ്ചായത്ത്
ഭൂപ്രകൃതി[തിരുത്തുക]
കുന്നുകളും താഴ്വരകളും നിറഞ്ഞതാണ് ഈ പ്രദേശം. മണ്ണ് ചുമന്ന നിറത്തിൽപെട്ടതാണ്. വയലുകൾ, താഴ്വാരങ്ങൾ എന്നീ ഭാഗങ്ങളിൽ കറുത്ത മണ്ണാണ്. ചെമ്മണ്ണ്, കരിമണ്ണും കളിമണ്ണും ചേർന്ന മണ്ണ്, കറുത്ത മണ്ണ് എന്നിവയാണ് പ്രധാന മൺതരങ്ങൾ
ജലപ്രകൃതി[തിരുത്തുക]
വാമനപുരം നദി, കരമനയാർ എന്നീ നദികൾ ഈ പഞ്ചായത്തു പ്രദേശത്തു നിന്നും ഉത്ഭവിച്ചു ഒഴുകുന്നു. ഈ നദികൾ ഉൾപ്പെടെ നിരവധി തോടുകളും, കുളങ്ങളും, കിണറുകളും ഈ പഞ്ചായത്തിലുണ്ട്.
ആരാധനാലയങ്ങൾ[തിരുത്തുക]
വിതുരയിലെ ആദ്യത്തെ ദേവാലയം മക്കി ശാസ്താ ക്ഷേത്രവും മരുത്വമല മഹാഗണപതി ക്ഷേത്രവുമാണ്.
വിനോദസഞ്ചാര കേന്ദ്രങ്ങൾ[തിരുത്തുക]
ഈ പഞ്ചായത്തിലെ ബോണക്കാട് പ്രദേശം വളരെയധികം സന്ദർശകരെ ആകർഷിക്കുന്ന പ്രദേശമാണ്.
ഗ്രാമപഞ്ചായത്ത് വാർഡുകൾ[2][തിരുത്തുക]
- ചെറ്റച്ചൽ
- ഗണപതിയാംകോട്
- പൊന്നാൻചുണ്ട്
- മണലി
- കല്ലാർ
- ആനപ്പാറ
- ബോണക്കാട്
- മരുതാമല
- തേവിയോട്
- മണിതൂക്കി
- പേപ്പാറ
- മേമല
- തള്ളച്ചിറ
- മുളയ്ക്കോട്ടുകര
- വിതുര
- കൊപ്പം
- ചേന്നൻപാറ
അവലംബം[തിരുത്തുക]
- ↑ കേരള സർക്കാർ തദ്ദേശസ്വയം ഭരണ വകുപ്പ് (വിതുര ഗ്രാമപഞ്ചായത്ത്)
- ↑ http://www.lsg.kerala.gov.in/pages/electiondetails.php?intID=5&ID=258&ln=ml
തളളചിറ