പുല്ലമ്പാറ ഗ്രാമപഞ്ചായത്ത്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(പുല്ലമ്പാറ (ഗ്രാമപഞ്ചായത്ത്) എന്ന താളിൽ നിന്നും തിരിച്ചുവിട്ടതു പ്രകാരം)
പുല്ലമ്പാറ ഗ്രാമപഞ്ചായത്ത്
ഗ്രാമപഞ്ചായത്ത്
8°41′0″N 76°56′51″E
രാജ്യംഇന്ത്യ
സംസ്ഥാനംകേരളം
ജില്ലതിരുവനന്തപുരം ജില്ല
വാർഡുകൾപേരുമല, വെള്ളുമണ്ണടി, മുത്തിപ്പാറ, പുല്ലമ്പാറ, കൂനൻവേങ്ങ, പാണയം, ചുള്ളാളം, മാങ്കുഴി, മുക്കുടിൽ, ആട്ടുകാൽ, തേമ്പാംമൂട്, നാഗരുകുഴി, പാലാംകോണം, കുറ്റിമൂട്, പന്തപ്ലാവിക്കോണം
ജനസംഖ്യ
ജനസംഖ്യ21,673 (2001) Edit this on Wikidata
പുരുഷന്മാർ• 10,682 (2001) Edit this on Wikidata
സ്ത്രീകൾ• 10,991 (2001) Edit this on Wikidata
സാക്ഷരത നിരക്ക്86.39 ശതമാനം (2001) Edit this on Wikidata
കോഡുകൾ
തപാൽ
LGD• 221807
LSG• G010403
SEC• G01048
Map

തിരുവനന്തപുരം ജില്ലയിലെ നെടുമങ്ങാട് താലൂക്കിലെ ഒരു ഗ്രാമപഞ്ചായത്താണ് പുല്ലമ്പാറ .[1]. വാമനപുരം ബ്ലോക്ക് പഞ്ചായത്തിന്റെ ഭാഗമാണിത്.

ചരിത്രം[തിരുത്തുക]

ആര്യ-ദ്രാവിഡ-ബൌദ്ധ സംസ്കാരങ്ങളുടെ സമ്മിശ്രമായ ചരിത്രമുള്ള പുല്ലമ്പാറ തിരുവിതാംകൂർ രാജാക്കൻമാരുടെ അധീനതയിലായിരുന്നു.

സ്ഥലനാമോൽപത്തി[തിരുത്തുക]

മാണിക്കൽ എന്ന മാണിക്യം കൂടുതൽ വിളയുന്ന പ്രദേശത്ത് കാലക്രമേണ പുൽമേടുകളും പാറക്കൂട്ടങ്ങളും വെട്ടിത്തെളിച്ചു കർഷകർ 'പുൽമ്പാറ' എന്ന് പേരിട്ടു.

സ്വാതന്ത്ര്യസമര ദേശീയപ്രസ്ഥാനത്തിലെ സ്ഥാനം[തിരുത്തുക]

സ്വാതന്ത്ര്യസമരസേനാനികളായിരുന്ന പൊന്നറ ശ്രീധരരുടെയും സോഷ്യലിസ്റായ എം.എൻ ഗോവിന്ദൻ നായരുടെയും പ്രവർത്തനമേഖലയിൽ ഈ പ്രദേശമുണ്ടായിരുന്നു. ബ്രിട്ടീഷ് ഭരണത്തിൽ കീഴിലുള്ള സർ.സി.പി.യുടെ ദുർഭരണത്തിനെതിരെ കോൺഗ്രസ്സിന്റെ പ്രദേശിക സഭയുടെ നേതൃത്വത്തിൽ കല്ലറ-പാങ്ങോട് സമരം നടത്തി. ഈ സമരത്തിന് നേതൃത്വം നൽകിയത് പട്ടാളം കൃഷ്ണൻ, കൊച്ചപ്പിപിള്ള എന്നിവരെ തൂക്കിലേറ്റി പരീതുചട്ടമ്പി, വള്ളക്കടവ് മുഹമ്മദ് കുഞ്ഞ്, ഷാഹുൽ ഹമീദ്, മുഹമ്മദ് അഹ്ദുൾ ഖാദർ, പ്ളാവറ വാസുദേവൻപിള്ള, അബ്ബാസ് മുതലാളി എന്നിവർ സ്മരിക്കപ്പെടേണ്ടാവരാണ്.

സാമൂഹ്യ രാഷ്ട്രീയ സാംസ്ക്കാരിക പ്രസ്ഥാനങ്ങൾ[തിരുത്തുക]

കമ്യൂണിസ്റു പ്രസ്ഥാനത്തിന്റെ നേതൃത്വത്തിൽ പുന്നപ്ര-വയലാർ സമരം, കെ.എസ്.പി, തൊഴിലാളി പ്രസ്ഥാനങ്ങൾ, എ.കെ.ജി യുടെ നേതൃത്വത്തിൽ മിച്ചഭൂമി സമരം എന്നിവയും നടത്തി.


വാണിജ്യ-ഗതാഗത പ്രാധാന്യം[തിരുത്തുക]

വെഞ്ഞാറമൂട്-പുത്തൻപാലം വഴി നെടുമങ്ങാട് ഞ.ഗ.ഢ. ബസ് 1951-ൽ ആദ്യ സർവീസ് ആരംഭിച്ചു.

പഞ്ചായത്ത് രൂപവത്കരണം/ആദ്യകാല ഭരണസമിതികൾ[തിരുത്തുക]

1953-ൽ രൂപീകൃതമായ പുല്ലമ്പാറ പഞ്ചായത്തിന്റെ ആദ്യപ്രസിഡന്റ് വയ്യക്കാവ് കൃഷ്ണപിള്ളയായിരുന്നു.

ഭൂപ്രകൃതി[തിരുത്തുക]

ഭൂപ്രകൃതി അനുസരിച്ച് ഈ പ്രദേശത്തെ ഉയർന്ന പീഠഭൂമി, താഴ്വരകൾ, നദീതടം, ചരിവ്തലം, സമതലപ്രദേശം എന്നിങ്ങനെ തരം തിരിച്ചിരിക്കുന്നു. ലാറ്ററേറ്റ് മണ്ണ്, മണൽ മണ്ണ്, നേരിയ തോതിൽ ചരൽ കലർന്ന ചെമ്മണ്ണ് എന്നിവ കാണപ്പെടുന്നു.

ജലപ്രകൃതി[തിരുത്തുക]

വാമനപുരം പുഴ, കുളങ്ങൾ, നിരവധി തോടുകൾ, നിരവധി നീരുറവകൾ എന്നിവയും വാമനപുരം നദിയുടെ പോഷകനദികളായ ചിറ്റാർ, മീൻമൂട് തോട് ചുള്ളാളം തോട് തുടങ്ങിയവയാണ് പഞ്ചായത്തിലെ പ്രധാന ഉപരിതല ജലസ്രോതസ്സുകൾ.

ആരാധനാലയങ്ങൾ/തീർത്ഥാടന കേന്ദ്രങ്ങൾ[തിരുത്തുക]

ചരിത്രപ്രസിദ്ധമായ വേങ്കമലവനദുർഗക്ഷേത്രം, വെള്ളാനിക്കര ശിവക്ഷേത്രം, ചുള്ളാളം ആയിരവല്ലി ക്ഷേത്രവും, തലയാറ്റുമല, പേരുമല മാണിക്കൻ, മുñമംഗലം, മുണ്ടൻ തടിക്കാട് പട്ടത്തിപ്പള്ളി മുസ്ളീം പള്ളികളും വാധ്യാരുകൂട്ടത്തെ ക്രിസ്ത്യൻ പള്ളി എന്നിവ പ്രധാന ആരാധനാലയങ്ങളാണ്. വേങ്കമല ഒരു തീർത്ഥാടന കേന്ദ്രം കൂടിയാണ്.

ഗ്രാമപഞ്ചായത്ത് വാർഡുകൾ[തിരുത്തുക]

  1. പന്തപ്ളാവികോണം
  2. വെള്ളുമണ്ണടി
  3. കുറ്റിമൂട്
  4. പേരുമല
  5. മുത്തിപ്പാറ
  6. കൂനൻവേങ്ങ
  7. പാണയം
  8. ചുള്ളാളം
  9. പുല്ലമ്പാറ
  10. മുക്കുടിൽ
  11. തേമ്പാംമൂട്
  12. ആട്ടുക്കാൽ
  13. നാഗരുകുഴി
  14. പാലാംകോണം

അവലംബം[തിരുത്തുക]

  1. കേരള സർക്കാർ തദ്ദേശസ്വയം ഭരണ വകുപ്പ് (പുല്ലമ്പാറ ഗ്രാമപഞ്ചായത്ത്)