കിളിമാനൂർ ഗ്രാമപഞ്ചായത്ത്
| കിളിമാനൂർ ഗ്രാമപഞ്ചായത്ത് | |
|---|---|
| ഗ്രാമപഞ്ചായത്ത് | |
| 8°48′13″N 76°52′36″E, 8°47′5″N 76°51′27″E | |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | തിരുവനന്തപുരം ജില്ല |
| വാർഡുകൾ | മലയ്ക്കൽ, പനപ്പാംകുന്ന്, വിലങ്ങറ, പുതുമംഗലം, ആരൂർ, മുളയ്ക്കലത്തുകാവ്, ആർ.ആർ.വി, പുളിമ്പള്ളികോണം, മലയാമഠം, കൊട്ടാരം, ചൂട്ടയിൽ, ദേവേശ്വരം, ആലത്തുകാവ്, പോങ്ങനാട്, വരിഞ്ഞോട്ടുകോണം |
| വിസ്തീർണ്ണം | 18.58 ചതുരശ്ര കിലോമീറ്റർ (2019)  |
| ജനസംഖ്യ | 17,839 (2001) |
| • പുരുഷന്മാർ | • 8,601 (2001) |
| • സ്ത്രീകൾ | • 9,238 (2001) |
| സാക്ഷരത നിരക്ക് | 88.94 ശതമാനം (2001) |
| കോഡുകൾ • തപാൽ | • |
 | |
| LSG കോഡ് | G010201 |
തിരുവനന്തപുരം ജില്ലയിലെ ചിറയൻകീഴ് താലൂക്കിലെ ഒരു ഗ്രാമപഞ്ചായത്താണ് കിളിമാനൂർ.[1]. കിളിമാനൂർ ബ്ലോക്ക് പഞ്ചായത്തിന്റെ ഭാഗമാണിത്.
ചരിത്രം[തിരുത്തുക]
ലോകപ്രശസ്ത ചിത്രകാരൻ രാജാ രവിവർമ്മ ജനിച്ചത് ഈ പഞ്ചായത്തിലെ കിളിമാനൂർ കോവിലകത്താണ്. ആദ്യം ഈ പ്രദേശം വേണാടിന്റെയും പിന്നീട് തിരുവിതാംകൂറിന്റെയും കീഴിലായി. കിളിയുടെയും മാനിൻടെയും ഊർ എന്ന വാക്കിൽ നിന്നാണ് കിളിമാനൂർ എന്ന വാക്ക് ഉൻഡായത്. തിരുവിതാംകൂർ ഭരണാദികാളായ എട്ടുവീട്ടിൽ പിള്ളമാർ ആയിരുന്നു ഭരണാദികരികൾ.
സ്വാതന്ത്യ്രസമര ദേശീയപ്രസ്ഥാനത്തിലെ സ്ഥാനം[തിരുത്തുക]
ബ്രിട്ടീഷ്കാരുമായുള്ള യുദ്ധത്തെതുടർന്ന് തലകുളത്തുനിന്നും മണ്ണടിയിലേക്കുള്ള യാത്രയിൽ വേലുത്തമ്പി ദളവ കിളിമാനൂർ കൊട്ടാരത്തിൽ ഒരു ദിവസം താമസിക്കുകയും സ്വന്തം ഉടവാൾ കൊട്ടാരത്തിൽ നൽകുകയും ചെയ്തു.
സാമൂഹ്യ രാഷ്ട്രീയ സാംസ്ക്കാരിക പ്രസ്ഥാനങ്ങൾ[തിരുത്തുക]
1886-ൽ കിളിമാനൂർ കൊട്ടാരത്തിലെ അന്തേവാസികൾക്ക് മാത്രമായി സ്കൂൾ ഇവിടെ സ്ഥാപിച്ചിരുന്നു. 1971- ലെ ചരിത്രപ്രസിദ്ധമായ മിച്ചഭൂമി സമരം ഈ പഞ്ചായത്തിൽ നടന്നിട്ടുണ്ട്.
പഞ്ചായത്ത് രൂപവത്കരണം[തിരുത്തുക]
ഈ പഞ്ചായത്ത് രൂപവത്കരിക്കുന്നതിന് മുൻപ് ഈ പ്രദേശം വില്ലേജ് അപ് ലിഫ്റ്റുകൾ എന്ന പേരിൽ സർക്കാർ ഭരണം നടത്തിയിരുന്നു. 1954-ൽ പഞ്ചായത്ത് രൂപീകൃതമായി. പി. രാഘവക്കുറുപ്പായിരുന്നു ആദ്യത്തെ പ്രസിഡന്റ്.
അതിരുകൾ[തിരുത്തുക]
വടക്ക് - മടവൂർ, നിലമേൽ ഗ്രാമപഞ്ചായത്തുകൾ തെക്ക് - പുളിമാത്ത് ഗ്രാമപഞ്ചായത്ത് കിഴക്ക് - പഴയകുന്നുമ്മേൽ ഗ്രാമപഞ്ചായത്ത് പടിഞ്ഞാറ് - നഗരൂർ ഗ്രാമപഞ്ചായത്ത്
ഭൂപ്രകൃതി[തിരുത്തുക]
ഭൂപ്രകൃതി അനുസരിച്ച് പഞ്ചായത്തിനെ കുന്നുകൾ, പീഠഭൂമി, ചരിഞ്ഞപ്രദേശങ്ങൾ, താഴ്വരകൾ സമതലങ്ങൾ എന്നിങ്ങനെ തരംതിരിക്കാം. മഴയും തോടുകളുമാണ് പ്രധാന ജലസ്രോതസ്സ്.
ആരാധനാലയങ്ങൾ[തിരുത്തുക]
- ഊരൂട്ടുമണ്ഡപം ക്ഷേത്രം, മലയാമഠം
- കൈലാസം കുന്ന് ഗണപതിക്ഷേത്രം
- പുതിയകാവ് ദേവീക്ഷേത്രം
- മഹാദേവേശ്വരം ക്ഷേത്രം
- ചെങ്കിക്കുന്നു മാടൻനട
- ദേവേശ്വരം ഉമാമഹേശ്വരൻ ക്ഷേത്രം
- ഐരുമൂല ശിവ-വിഷ്ണുക്ഷേത്രം, വാലഞ്ചേരി
- മഠത്തിൽ ക്ഷേത്രം, കടന്പാട്ടുകോണം
- ആലത്ത്കാവ് ശ്രീ സുബ്രഹ്മണ്യ സ്വാമി ക്ഷേത്രം(മാടൻ നട), പോങ്ങനാട്
വിനോദസഞ്ചാര കേന്ദ്രങ്ങൾ[തിരുത്തുക]
കൈലാസംകുന്ന്, മുളയ്ക്കലത്തുകാവ് , കിളിമാനൂർ കൊട്ടാരം (രാജാരവിവർമയുടെ ചിത്രങ്ങൾ ഇവിടെയുണ്ടായിരുന്നു) ഇവ ഒരു ടൂറിസ്റ് കേന്ദ്രമായി വികസിപ്പിക്കാവുന്നതാണ്.
ചരിത്രപ്രാധാന്യമുള്ള സ്ഥാപനങ്ങൾ[തിരുത്തുക]
കിളിമാനൂർ കൊട്ടാരം രാജാരവിവർമ്മയുടെ ജനനം മൂലം പ്രസിദ്ധമാണ്.