മംഗലപുരം ഗ്രാമപഞ്ചായത്ത്
| മംഗലപുരം ഗ്രാമപഞ്ചായത്ത് | |
|---|---|
| ഗ്രാമപഞ്ചായത്ത് | |
| 8°38′1″N 76°50′37″E | |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | തിരുവനന്തപുരം ജില്ല |
| വാർഡുകൾ | ചെമ്പകമംഗലം, കൈലാത്തുകോണം, പുന്നൈക്കുന്നം, പൊയ്കയിൽ, പാട്ടം, കുടവൂർ, മുരിങ്ങമൺ, മംഗലപുരം, കാരമൂട്, തോന്നയ്ക്കൽ, വരിക്കമുക്ക്, ഇടവിളാകം, കോഴിമട, മുരുക്കുംപുഴ, മുല്ലശ്ശേരി, മുണ്ടയ്ക്കൽ, വാലികോണം, വെയിലൂർ, കോട്ടറക്കരി, ശാസ്തവട്ടം |
| വിസ്തീർണ്ണം | 22.46 ചതുരശ്ര കിലോമീറ്റർ (2019)  |
| ജനസംഖ്യ | 32,919 (2001) |
| • പുരുഷന്മാർ | • 15,842 (2001) |
| • സ്ത്രീകൾ | • 17,077 (2001) |
| സാക്ഷരത നിരക്ക് | 87.28 ശതമാനം (2001) |
| കോഡുകൾ • തപാൽ | • |
 | |
| LSG കോഡ് | G010703 |
തിരുവനന്തപുരം ജില്ലയിലെ തിരുവനന്തപുരം താലൂക്കിലെ ഒരു ഗ്രാമപഞ്ചായത്താണ് മംഗലപുരം .[1] കഴക്കൂട്ടം ബ്ലോക്ക് പഞ്ചായത്തിന്റെ ഭാഗമാണിത്.
സാമൂഹ്യ രാഷ്ട്രീയ സാംസ്ക്കാരിക പ്രസ്ഥാനങ്ങൾ[തിരുത്തുക]
ശ്രീനാരായണ ധർമ്മപരിപാലനയോഗവും പുലയർ മഹാസഭയും ഈ പഞ്ചായത്തിലെ സാമൂഹ്യ അനാചാരങ്ങൾക്കെതിരെ സ്വന്തം ജനവിഭാഗങ്ങളെ സമരസജ്ജമാക്കി. മുരുക്കുംപ്പുഴയിലെ എസ്സെൻവി ഗ്രന്ഥാലയം, കുമാരനാശാൻ മുൻകൈയെടുത്ത് സ്ഥാപിച്ച ആദ്യത്തെ ഇംഗ്ളീഷ് വിദ്യാലയം, മണിയം വിളാകം പ്രാഥമിക വിദ്യാലയം എന്നിവ ഈ നാടിന്റെ വികാസ പരിണാമങ്ങളിൽ വളരെയേറെ പങ്കുവഹിച്ചു. മഹാകവി കുമാരനാശന്റെ സ്മാരകം ഈ പഞ്ചായത്തിൽ തോന്നയ്ക്കൽ എന്ന സ്ഥലത്ത് സ്ഥിതി ചെയ്യുന്നു.
വാണിജ്യ-ഗതാഗത പ്രാധാന്യം[തിരുത്തുക]
എൻ.എച്ച്. 47 ഈ പഞ്ചായത്തിലൂടെ കടന്നു പോകുന്നു. സതേൺ റയിൽവേയുടെ കീഴിലുള്ള മുരുക്കംപുഴ റെയിൽവേ സ്റേഷൻ മംഗലപുരം പഞ്ചായത്ത് അതിർത്തിക്കുള്ളിലാണ്. 2 കിലോമീറ്റർ ദൂരം പഞ്ചായത്തിലൂടെ റെയിൽവേ ലൈൻ കടന്നു പോകുന്നുണ്ട്.
പഞ്ചായത്ത് രൂപവത്കരണം/ആദ്യകാല ഭരണസമിതികൾ[തിരുത്തുക]
1961-ൽ ആണ് മംഗലപുരം പഞ്ചായത്ത് നിലവിൽ വന്നത്. ആദ്യത്തെ പഞ്ചായത്ത് തെരഞ്ഞെടുപ്പിലൂടെ അധികാരമേറ്റ ഭരണസമിതിയുടെ പ്രസിഡന്റ് ബാലകൃഷ്ണൻ ആയിരുന്നു.
ഭൂമിശാസ്ത്രം[തിരുത്തുക]
ഭൂപ്രകൃതി[തിരുത്തുക]
ഭൂപ്രകൃതി അനുസരിച്ച് പഞ്ചായത്തിനെ ഉയർന്ന സമതലം, ചരിവ് പ്രദേശങ്ങൾ, താഴ്വരകൾ, തീരസമതലം എന്നിങ്ങനെ തരം തിരിച്ചിരിക്കുന്നു. ചരൽ കലർന്ന മണ്ണ്, ചെമ്മണ്ണ്, പശിമരാശി മണ്ണ്, മണൽ എന്നിവയാണ് പ്രധാന മൺതരങ്ങൾ.
ജലപ്രകൃതി[തിരുത്തുക]
തോടുകൾ, ഉറവകൾ, കിണറുകൾ, കുളങ്ങൾ എന്നിവയാണ് പ്രധാന ജലസ്രോതസ്സുകൾ.
ആരാധനാലയങ്ങൾ[തിരുത്തുക]
മുല്ലശ്ശേരി ശ്രീകൃഷ്ണക്ഷേത്രം, കോഴിമട ശ്രീധർമശാസ്താക്ഷേത്രം, ഇടയാവണം ശ്രീഭഗവതി ക്ഷേത്രം, ഇരട്ടക്കുളങ്ങര ശ്രീഭഗവതിക്ഷേത്രം, ശ്രീനാരായണ ഗുരു ശിവ പ്രതിഷ്ഠ നടത്തിയ ശ്രീ കാള കണ്ഠേശ്വര ക്ഷേത്രം, ചെമ്പക കുന്ന് ശ്രീകൃഷ്ണ ക്ഷേത്രം മുരുക്കംപുഴ ക്രിസ്ത്യൻ പള്ളി, കുറക്കോട് മുസ്ളീംപള്ളി എന്നിവയാണ് ഈ പഞ്ചായത്തിലെ പ്രധാന ആരാധനാലയങ്ങൾ.
ഗ്രാമപഞ്ചായത്ത് വാർഡുകൾ[തിരുത്തുക]
- കൈലാത്തുകോണം
- ചെമ്പകമംഗലം
- പൊയ്കയിൽ
- പുന്നൈക്കുന്നം
- കുടവൂർ
- മുരിങ്ങമൺ
- പാട്ടം
- തോന്നയ്ക്കൽ
- മംഗലപുരം
- കാരമൂട്
- ഇടവിളാകം
- വരിക്കമുക്ക്
- മുരുക്കുംപുഴ
- കോഴിമട
- മുണ്ടയ്ക്കൽ
- വാലികോണം
- മുല്ലശ്ശേരി
- കോട്ടറക്കരി
- വെയിലൂർ
- ശാസ്തവട്ടം