ഞാറക്കൽ ഗ്രാമപഞ്ചായത്ത്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
ഞാറക്കൽ ഗ്രാമപഞ്ചായത്ത്
Kerala locator map.svg
Red pog.svg
ഞാറക്കൽ ഗ്രാമപഞ്ചായത്ത്
10°14′56″N 76°07′55″E / 10.249°N 76.132°E / 10.249; 76.132
ഭൂമിശാസ്ത്ര പ്രാധാന്യം ഗ്രാമപഞ്ചായത്ത്
രാജ്യം ഇന്ത്യ
സംസ്ഥാനം കേരളം
ജില്ല എറണാകുളം
വില്ലേജ് {{{വില്ലേജ്}}}
താലൂക്ക്‌ {{{താലൂക്ക്‌}}}
നിയമസഭാ മണ്ഡലം ഞാറക്കൽ
ലോകസഭാ മണ്ഡലം എറണാകുളം
ഭരണസ്ഥാപനങ്ങൾ
പ്രസിഡന്റ്
വിസ്തീർണ്ണം ചതുരശ്ര കിലോമീറ്റർ
വാർഡുകൾ {{{വാർഡുകൾ}}} എണ്ണം
ജനസംഖ്യ 22978
ജനസാന്ദ്രത 2672/ച.കി.മീ
കോഡുകൾ
  • തപാൽ
  • ടെലിഫോൺ
 

+
സമയമേഖല UTC +5:30
പ്രധാന ആകർഷണങ്ങൾ

എറണാകുളം ജില്ലയിലെ വൈപ്പിൻ ബ്ലോക്കിലെ ഒരു ഗ്രാമപഞ്ചായത്താണ് ഞാറക്കൽ. വടക്ക് നായരമ്പലം പഞ്ചായത്ത്, കിഴക്ക് കടമക്കുടി, മുളവുകാട് പഞ്ചായത്തുകൾ തെക്ക് മുളവുകാട്, എളങ്കുന്നപ്പുഴ പഞ്ചായത്തുകൾ, പടിഞ്ഞാറ് അറബിക്കടൽ എന്നിവയാണ് ഞാറക്കൽ പഞ്ചായത്തിന്റെ അതിരുകൾ.

ചരിത്രം[തിരുത്തുക]

1341-ലെ പ്രളയത്തിനു മുമ്പുതന്നെ നെടുമങ്ങാട്, മഞ്ഞനക്കാട്, പുക്കാട്, എളങ്കുന്നപ്പുഴ ഓച്ചന്തുരുത്ത്, പനമ്പുക്കാട് എന്ന പ്രദേശങ്ങൾ ഇവിടെ ഉണ്ടായിരുന്നു. ഞാറ പക്ഷികൾ ചേക്കേറുന്ന സ്ഥലം എന്നതിൽ നിന്നാണ് ഞാറക്കൽ എന്ന പേരുണ്ടായതെന്നാണ് വിശ്വാസം.[1]. പുതിയേടത്ത് ഭഗവതീ ക്ഷേത്രം (ഇപ്പോഴത്തെ ശിവക്ഷേത്രം) പഴയകാലത്തെ ഒരു പ്രശസ്തമായ ക്ഷേത്രമായിരുന്നത്രെ. കൊച്ചിരാജവംശത്തിലെ തമ്പുരാട്ടിമാർ ഇവിടെ തൊഴാൻ വരാറുണ്ടായിരുന്നു. ഏതാണ്ട് അഞ്ഞൂറു വർഷങ്ങൾക്കു മുമ്പാണ് സുറിയാനി ക്രിസ്ത്യാനികൾ ഇവിടെ താമസം തുടങ്ങിയത് . 1824-ലാണ് ഇന്ന് കാണുന്ന രീതിയിലുള്ള ദേവാലയം പണി കഴിപ്പിച്ചത്. റോഡുഗതാഗതത്തേക്കാൾ ജലഗതാഗതമായിരുന്നു ഞാറക്കൽ പണ്ടുണ്ടായിരുന്നത്. ബന്തർ കനാലും(ഇന്നത്തെ പുത്തൻ തോട്) അപ്പങ്ങാട് തോടും ജലഗതാഗതത്തിനുപയോഗിച്ചിരുന്നു.

ജീവിതോപാധി[തിരുത്തുക]

പ്രധാന ജീവിതോപാധി കൃഷി തന്നെയാണ്. പഞ്ചായത്തിൽ ധാരാളമായി കണ്ടുവരുന്ന നെൽപാടങ്ങൾ ഇത് വിളിച്ചുപറയുന്നു. എന്നാൽ പുതിയ തലമുറയിലെ ആളുകൾ നെൽ വ്യവസായത്തിലെ നഷ്ടം ഓർത്ത് പുതിയ തരത്തിലുള്ള കൃഷിക്കായി അവരുടെ നെൽവയലുകൾ ഉപയോഗിക്കുന്നു. ചെമ്മീൻ കെട്ട് , അലങ്കാരം മത്സ്യം വളർത്തൽ , ഭക്ഷ്യയോഗ്യമായ മത്സ്യം വളർത്തൽ എന്നിവയാണ് ഇത്. മഞ്ഞനിക്കരയിൽ കാണപ്പെടുന്ന ഒറ്റ തിരിഞ്ഞുള്ള വൻകിട വ്യവസായികളുടെ ഉടമസ്ഥതയിലുള്ള റിസോർട്ടുകൾ ഈ സ്ഥലത്തിനു ഭാവിയിൽ വിനോദസഞ്ചാരത്തിനുള്ള സാധ്യതകളെ ശരിവക്കുന്നു.

വ്യവസായം[തിരുത്തുക]

ഞാറക്കൽ ഫിഷ്പോണ്ട് ആണ് പ്രകൃതിയുടെ ചുറ്റുപാടിൽ തീർക്കപ്പെട്ട ആദ്യത്തെ ഫിഷ്പോണ്ട്. ഇവിടേക്ക് ആളുകൾ ധാരാളമായി വന്നുകൊണ്ടിരിക്കുന്നു. ഒഴിവു ദിനം ചിലവഴിക്കാനും , മത്സ്യബന്ധനത്തിലേർപ്പെടാനും മറ്റുമായി ചിലർ ചെലവു കുറഞ്ഞ ഈ സ്ഥലം തിരഞ്ഞെടുക്കുന്നു.[2]

ആരാധനാലയങ്ങൾ[തിരുത്തുക]

  • ഞാറക്കൽ സെന്റ് മേരീസ് പള്ളി. 1451-ലാണ് ഈ പള്ളി സ്ഥാപിച്ചതെന്നു കരുതപ്പെടുന്നു.[3].ബ്ലാവേലി രാജകുടുംബാംഗത്തിൽ നിന്നുള്ള ഒരു ജന്മിയാണ് ഈ പള്ളി പണിയാനുള്ള സ്ഥലം നൽകിയത്. കന്യകാമറിയത്തിനോടുള്ള ഉപകാരസ്മരണയായിരുന്നു ഇത്.

വിദ്യാഭ്യാസസ്ഥാപനങ്ങൾ[തിരുത്തുക]

  1. സെന്റ് മേരീസ് അപ്പർ പ്രൈമറി സ്ക്കൂൾ ഞാറക്കൽ
  2. ലിറ്റിൽ ഫ്ലവർ ഹൈസ്ക്കൂൾ
  3. ഗവൺമെന്റ് വൊക്കേഷണൽ ഹയർ സെക്കണ്ടറി സ്കൂൾ.
  4. ഫിഷറീസ് അപ്പർ പ്രൈമറി സ്കൂൾ
  5. ഗവൺമെന്റ് ലോവർ പ്രൈമറി സ്കൂൾ
  6. ടാലന്റ് കേന്ദ്രീയ വിദ്യാലയം
  7. അസ്സീസ്സി പബ്ളിക് സ്കൂൾ
  8. മറല്ലോ സ്കൂൾ - പെരുമ്പിള്ളി.
  9. മേരിമാത കോളേജ് - ഞാറക്കൽ

പ്രധാന സർക്കാർ സ്ഥാപനങ്ങൾ[തിരുത്തുക]

  1. ഗ്രാമ പഞ്ചായത്ത് ഓഫീസ്
  2. വില്ലേജു ഓഫീസ്
  3. രജിസ്റ്റേർ കച്ചേരി
  4. വൈപ്പിൻ മുനമ്പം സർക്കിൾ പോലീസ് സ്റേറഷൻ
  5. പ്രാഥമിക ആരോഗ്യ കേന്ദ്രം /ഗവൺമെന്റ് ആശുപത്രി.
  6. സർക്കാർ ഹോമ്യോ ദിസ്പെൻസ്സരി
  7. സർക്കാർ മൃഗാശുപത്രി
  8. ഐ. സി . ഡി എസ് ഓഫീസ്
  9. കെ എസ് സീ ബി ഓഫീസ്
  10. സബ് രജിസ്റ്റർ ഓഫീസ്/ ഏക്‌സൈസ് ഓഫീസ്
  11. പോസ്റ്റ്‌ ഓഫീസ്

മറ്റു പ്രധാന ഗവർന്മേന്റിതര ആരോഗ്യ സ്ഥാപനങ്ങൾ[തിരുത്തുക]

  1. അമൃത സമൂഹ ആരോഗ്യ പരിശീലന കേന്ദ്രം
  2. ക്രിസ്തുജയന്തി ആശുപത്രി , പെരുമ്പിള്ളി.
  3. ബീനാ നഴ്സിംഗ് ഹോം
  4. മമ്പിള്ളി നഴ്സിംഗ് ഹോം
  5. പാരമൌന്റ്റ് ഡെന്റൽ ക്ലിനിക്
  6. കൃഷ്ണകുമാർ ഡെന്റൽ ക്ലിനിക്‌
  7. സ്മൈൽ പ്ലീസ്‌ ഡെന്റൽ ക്ലിനിക്‌
  8. സിദ്ധ-യുനാനി സെന്റെർ, അപ്പങ്ങാട്

പ്രധാനവ്യക്തികൾ[തിരുത്തുക]

  • ഷെവലിയർ പി.ജെ. ചെറിയാൻ - കൊച്ചിരാജാവിന്റെ ആസ്ഥാന ചിത്രകാരനും ഫോട്ടോഗ്രാഫറും ആയിരുന്നു. കലാരംഗത്തെ പ്രവർത്തനത്തിന് അംഗീകാരമായിട്ടാണ് മാർപാപ്പ അദ്ദേഹത്തിനു ഷെവലിയർ സ്ഥാനം നൽകിയത്. [4] എറണാകുളത്തെ ആദ്യകാല സ്റ്റുഡിയോ ആയ റോയൽ സ്റ്റുഡിയോ സ്ഥാപിച്ചത് ഇദ്ദേഹമാണ്. ഇദ്ദേഹം ഒരു സിനിമാ നിർമ്മാതാവും , അഭിനേതാവും കൂടിയാണ്. 1954 ൽ പുറത്തിറങ്ങിയ നീലക്കുയിൽ എന്ന ചിത്രത്തിൽ ഇദ്ദേഹം അഭിനയിച്ചിട്ടുണ്ട് , കൂടാതെ 1948 ൽ പുറത്തിറങ്ങിയ നിർമ്മല എന്ന ചിത്രത്തിന്റെ നിർമാതാവ് കൂടിയാണ് പി.ജെ. ചെറിയാൻ [5]

ഞാറക്കൽ ശ്രീനി മഹാ നടനം വിശ്വാസ് ഞാറക്കൽ

വാർഡുകൾ[തിരുത്തുക]

  1. കടപ്പുറം
  2. ജയ്ഹിന്ദ്
  3. ഹൈസ്കൂൾ
  4. പള്ളി
  5. കോൺ വെൻറ്
  6. ഊടാറക്കൽ
  7. കല്ലുമടം വലിയവട്ടം
  8. മഞ്ഞനക്കാട്
  9. അപ്പങ്ങാട് വടക്ക്
  10. അപ്പങ്ങാട് സൌത്ത്
  11. പെരുമ്പിള്ളി
  12. തരിശ്
  13. പൊഴീൽ
  14. ലൈറ്റ് ഹൌസ്
  15. പഞ്ചായത്ത്
  16. ആറാട്ടുവഴി
  17. അഞ്ചുചിറ


സ്ഥിതിവിവരകണക്കുകൾ[തിരുത്തുക]

സ്ഥിതിവിവരകണക്കുകൾ
ജില്ല എറണാകുളം
ബ്ലോക്ക് വൈപ്പിൻ
വിസ്തീർണ്ണം 8.6
വാർഡുകൾ 15
ജനസംഖ്യ (സെൻസസ് 2001 ) 24166
പുരുഷൻമാർ 11628
സ്ത്രീകൾ 12538

അവലംബം[തിരുത്തുക]

  1. തദ്ദേശസ്വയംഭരണ വെബസൈറ്റ് ഞാറക്കൽ പേരിനു പിന്നിൽ.
  2. ഞാറക്കൽ ഫിഷ്പോണ്ട്
  3. ചർച്ച്ന്യൂസ് സെന്റ് മേരീസ് പള്ളി ചരിത്രം
  4. തദ്ദേശസ്വയംഭരണ വെബസൈറ്റ് ഷെവലിയർ പി.ജെ. ചെറിയാൻ.
  5. ഇന്റർനാഷണൽ മൂവീ ഡാറ്റാബേസ് പി.ജെ.ചെറിയാൻ

4ഞാറക്കൽ ഗ്രാമ പഞ്ചായത് വികസന രേഖ 2010