ചേന്ദമംഗലം

വിക്കിപീഡിയ, ഒരു സ്വതന്ത്ര വിജ്ഞാനകോശം.
ചേന്ദമംഗലം
ഗ്രാമം
ചേന്ദമംഗലത്തുള്ള ജൂതപ്പള്ളി
ചേന്ദമംഗലത്തുള്ള ജൂതപ്പള്ളി
ചേന്ദമംഗലം is located in Kerala
ചേന്ദമംഗലം
ചേന്ദമംഗലം
ചേന്ദമംഗലം is located in India
ചേന്ദമംഗലം
ചേന്ദമംഗലം
Coordinates: 10°10′47″N 76°12′35″E / 10.1797°N 76.2097°E / 10.1797; 76.2097Coordinates: 10°10′47″N 76°12′35″E / 10.1797°N 76.2097°E / 10.1797; 76.2097
രാജ്യം ഇന്ത്യ
സംസ്ഥാനം കേരളം
ജില്ല എറണാകുളം
താലൂക്ക് പറവൂർ
Area
 • Total 10.83 കി.മീ.2(4.18 ച മൈ)
Population
 • Total 28,133
 • Density 2,477/കി.മീ.2(6/ച മൈ)
ഭാഷകൾ
 • ഔദ്യോഗിക മലയാളം, ഇംഗ്ലീഷ്
Time zone ഔദ്യോഗിക ഇന്ത്യൻ സമയം (UTC+5:30)
പിൻ കോഡ് 683512
ടെലിഫോൺ കോഡ് 0484
വാഹനരജിസ്ട്രേഷൻ KL-42
Website [1]
ഇതേ പേരിലുള്ള ഗ്രാമപഞ്ചായത്തിനെക്കുറിച്ചറിയാൻ, ദയവായി ചേന്ദമംഗലം ഗ്രാമപഞ്ചായത്ത് കാണുക.

എറണാകുളം ജില്ലയിലെ പറവൂർ താലൂക്കിലുള്ള, ചേന്ദമംഗലം ഗ്രാമപഞ്ചായത്തിലുൾപ്പെട്ട ഒരു ഗ്രാമമാണ് ചേന്ദമംഗലം. ചേന്ദമംഗലം ഗ്രാമപഞ്ചായത്തിന്റെ ആസ്ഥാനം കൂടിയാണു ചേന്ദമംഗലം. ആലുവ - പറവൂർ സംസ്ഥാന പാതയിൽ പറവൂരിൽ നിന്നും ഏതാണ്ട് അഞ്ചു കിലോമീറ്റർ വടക്കോട്ടു സഞ്ചരിച്ചാൽ ചേന്ദമംഗലത്തെത്താം.

ചരിത്രം[തിരുത്തുക]

ഒന്നാം നൂറ്റാണ്ടിലെ പ്രമുഖ വാണിജ്യതുറമുഖ കേന്ദ്രമായിരുന്നു മുസിരിസിന്റെ ഭാഗമാണ് ചേന്ദമംഗലം. എ.ഡി.1663 മുതൽ 1809 കൊച്ചിരാജ്യത്തിന്റെ പ്രധാനമന്ത്രിപദമലങ്കരിച്ചിരുന്ന പാലിയത്തച്ചന്മാരുടെ ഭരണസിരാകേന്ദ്രം കൂടിയാണ് ചേന്ദമംഗലം. സംഘകാലകൃതികളിലും, ചിലപ്പതികാരത്തിലും ചേന്ദമംഗലത്തെക്കുറിച്ചു പരാമർശമുണ്ട്. കോകസന്ദേശത്തിൽ ചേന്ദമംഗലത്തെക്കുറിച്ചും, സമീപപ്രദേശത്തുള്ള പുരാതനമായ ക്ഷേത്രമായ ആര്യങ്കാവ് ക്ഷേത്രത്തെക്കുറിച്ചും പറയുന്നുണ്ട്.[1]

പാലിയം സമരം[തിരുത്തുക]

പ്രധാന ലേഖനം: പാലിയം സമരം

1947 ൽ കൊച്ചിയിലെ നാടുവാഴി പാലിയത്തച്ചന്റെ വീടിനടുത്തുള്ള പാലിയം ക്ഷേത്രപരിസരത്ത് റോഡിൽ കൂടി അവർണ്ണർക്കും അഹിന്ദുക്കൾക്കും സഞ്ചരിക്കുന്നതിനുള്ള സ്വാന്ത്ര്യത്തിനു വേണ്ടി നടന്ന സമരം. 97 ദിവസം നീണ്ടുനിന്ന ഈ സമരത്തിൽ എല്ലാ രാഷ്ട്രീയപാർട്ടികളും, സമുദായസംഘടനകളും സജീവമായി പങ്കെടുത്തു. കമ്യൂണിസ്റ്റു നേതാവും തുറമുഖത്തൊഴിലാളിയുമായിരുന്ന എ ജി വേലായുധൻ പൊലീസ് മർദനത്തിൽ കൊല്ലപ്പെട്ടു. [2] സമരത്തിന്റെ ഔപചാരിക ഉദ്ഘാടനം സി. കേശവൻ നിർവ്വഹിച്ചു. കേരളത്തിലെ മറ്റു സമരങ്ങളിലേപ്പോലെ സമൂഹത്തിലെ കീഴാളരായിരുന്നു ഈ സമരത്തിന്റെ മുന്നണിയിൽ. ചുരുക്കത്തിൽ കീഴാള വർഗ്ഗങ്ങൾ മറ്റുമനുഷ്യരെപ്പോലെ തലയുയർത്തി പൊതുവഴിയിലൂടെ സഞ്ചരിക്കാൻ വേണ്ടിയുള്ള അവകാശത്തിനായാണ് പാലിയം സമരം നടന്നത്.

ആരാധനാലയങ്ങൾ[തിരുത്തുക]

ചേന്ദമംഗലം സിനഗോഗ്

നാലു വ്യത്യസ്തമതക്കാരുടെ ആരാധനാലയങ്ങൾ ഇവിടെ തൊട്ടുരുമ്മി നിലകൊള്ളുന്നു. കേരളത്തിൽ നിലനിന്നു പോരുന്ന മതസൗഹാർദ്ദത്തിന്റെ ഒരു മാതൃക കൂടിയാണിത്.

  • ചേന്ദമംഗലം സിനഗോഗ്
  • പാലിയത്ത് ക്ഷേത്രം
  • ചേന്നോട്ട് വേണുഗോപാലസ്വാമി ക്ഷേത്രം
  • മാർ സ്ലീവാ പള്ളി, കോട്ടയിൽ കോവിലകം
  • ചേന്ദമംഗലം ജുമാ മസ്ജിദ്
  • ചേന്ദമംഗലം കുന്നത്തളി ക്ഷേത്രം

വിദ്യാഭ്യാസ സ്ഥാപനങ്ങൾ[തിരുത്തുക]

  • ഗവൺമെന്റ് ഹയർസെക്കണ്ടറി സ്കൂൾ ചേന്ദമംഗലം
  • ഗവൺമെന്റ് ലോവർ പ്രൈമറി സ്കൂൾ ചേന്ദമംഗലം
  • സെന്റ്. മേരീസ് ലോവർ പ്രൈമറി സ്കൂൾ ചേന്ദമംഗലം

വിനോദ സഞ്ചാരം[തിരുത്തുക]

മുസിരിസ് പൈതൃക പദ്ധതിയിൽപെടുത്തി ചേന്ദമംഗലം ഒരു വിനോദസഞ്ചാര കേന്ദ്രമായി സർക്കാർ പ്രഖ്യാപിച്ചിട്ടുണ്ട്. ചേന്ദമംഗലത്തുള്ള ജൂത സിനഗോഗ്, ഇത്തരത്തിൽപ്പെട്ട അപൂർവ്വമായ പള്ളികളിലൊന്നാണ്.[3] 175 വർഷങ്ങൾക്കു മുമ്പ് പണി കഴിപ്പിച്ചതാണീ പള്ളി.[4] പാലിയത്തച്ചന്മാരുടെ തറവാട് സന്ദർശിക്കാൻ ധാരാളം വിനോദസഞ്ചാരികൾ ധാരാളം എത്തിച്ചേരുന്നു. ചരിത്രരേഖകളും, അപൂർവ്വ ചിത്രങ്ങളും അടങ്ങിയ ഈ കൊട്ടാരം ചരിത്രകുതുകികൾക്ക് ഒരു മുതൽക്കൂട്ടാണ്.[5]

ചിത്രശാല[തിരുത്തുക]

അവലംബം[തിരുത്തുക]

  1. "ചേന്ദമംഗലം ചരിത്രം". തദ്ദേശസ്വയംഭരണ വകുപ്പ്, കേരള സർക്കാർ. ശേഖരിച്ചത് 2016-10-16. 
  2. "പാലിയം സമരം 62ആം വാർഷികം". ജനയുഗം ഓൺലൈൻ. 2010-03-12. 
  3. "Kerala Jews Life Style Museum". muziris Heritage Programme. ശേഖരിച്ചത് 2016-10-16. 
  4. "Chendamangalam Synagogue". Keraltourism, kerala Government. ശേഖരിച്ചത് 2016-10-16. 
  5. "Paliam Palace museum". Muziris Hertiage Project. ശേഖരിച്ചത് 2016-10-16. 
"https://ml.wikipedia.org/w/index.php?title=ചേന്ദമംഗലം&oldid=2414795" എന്ന താളിൽനിന്നു ശേഖരിച്ചത്