ചേന്ദമംഗലം
ചേന്ദമംഗലം | |
|---|---|
ഗ്രാമം | |
 ചേന്ദമംഗലത്തുള്ള ജൂതപ്പള്ളി | |
| രാജ്യം | ഇന്ത്യ |
| സംസ്ഥാനം | കേരളം |
| ജില്ല | എറണാകുളം |
| താലൂക്ക് | പറവൂർ |
| • ആകെ | 10.83 ച.കി.മീ.(4.18 ച മൈ) |
| • ആകെ | 28,133 |
| • ജനസാന്ദ്രത | 2,477/ച.കി.മീ.(6,420/ച മൈ) |
| • ഔദ്യോഗിക | മലയാളം, ഇംഗ്ലീഷ് |
| സമയമേഖല | UTC+5:30 (ഔദ്യോഗിക ഇന്ത്യൻ സമയം) |
| പിൻ കോഡ് | 683512 |
| ടെലിഫോൺ കോഡ് | 0484 |
| വാഹന റെജിസ്ട്രേഷൻ | KL-42 |
| വെബ്സൈറ്റ് | [1] |
എറണാകുളം ജില്ലയിലെ പറവൂർ താലൂക്കിലുള്ള, ചേന്ദമംഗലം ഗ്രാമപഞ്ചായത്തിലുൾപ്പെട്ട ഒരു ഗ്രാമമാണ് ചേന്ദമംഗലം. ചേന്ദമംഗലം ഗ്രാമപഞ്ചായത്തിന്റെ ആസ്ഥാനം കൂടിയാണു ചേന്ദമംഗലം. ആലുവ - പറവൂർ സംസ്ഥാന പാതയിൽ പറവൂരിൽ നിന്നും ഏതാണ്ട് അഞ്ചു കിലോമീറ്റർ വടക്കോട്ടു സഞ്ചരിച്ചാൽ ചേന്ദമംഗലത്തെത്താം.
ചരിത്രം[തിരുത്തുക]
ഒന്നാം നൂറ്റാണ്ടിലെ പ്രമുഖ വാണിജ്യതുറമുഖ കേന്ദ്രമായിരുന്നു മുസിരിസിന്റെ ഭാഗമാണ് ചേന്ദമംഗലം. എ.ഡി.1663 മുതൽ 1809 കൊച്ചിരാജ്യത്തിന്റെ പ്രധാനമന്ത്രിപദമലങ്കരിച്ചിരുന്ന പാലിയത്തച്ചന്മാരുടെ ഭരണസിരാകേന്ദ്രം കൂടിയാണ് ചേന്ദമംഗലം. സംഘകാലകൃതികളിലും, ചിലപ്പതികാരത്തിലും ചേന്ദമംഗലത്തെക്കുറിച്ചു പരാമർശമുണ്ട്. കോകസന്ദേശത്തിൽ ചേന്ദമംഗലത്തെക്കുറിച്ചും, സമീപപ്രദേശത്തുള്ള പുരാതനമായ ക്ഷേത്രമായ ആര്യങ്കാവ് ക്ഷേത്രത്തെക്കുറിച്ചും പറയുന്നുണ്ട്.[1]
പാലിയം സമരം[തിരുത്തുക]
1947 ൽ കൊച്ചിയിലെ നാടുവാഴി പാലിയത്തച്ചന്റെ വീടിനടുത്തുള്ള പാലിയം ക്ഷേത്രപരിസരത്ത് റോഡിൽ കൂടി അവർണ്ണർക്കും അഹിന്ദുക്കൾക്കും സഞ്ചരിക്കുന്നതിനുള്ള സ്വാന്ത്ര്യത്തിനു വേണ്ടി നടന്ന സമരം. 97 ദിവസം നീണ്ടുനിന്ന ഈ സമരത്തിൽ എല്ലാ രാഷ്ട്രീയപാർട്ടികളും, സമുദായസംഘടനകളും സജീവമായി പങ്കെടുത്തു. കമ്യൂണിസ്റ്റു നേതാവും തുറമുഖത്തൊഴിലാളിയുമായിരുന്ന എ ജി വേലായുധൻ പൊലീസ് മർദനത്തിൽ കൊല്ലപ്പെട്ടു. [2] സമരത്തിന്റെ ഔപചാരിക ഉദ്ഘാടനം സി. കേശവൻ നിർവ്വഹിച്ചു. കേരളത്തിലെ മറ്റു സമരങ്ങളിലേപ്പോലെ സമൂഹത്തിലെ കീഴാളരായിരുന്നു ഈ സമരത്തിന്റെ മുന്നണിയിൽ. ചുരുക്കത്തിൽ കീഴാള വർഗ്ഗങ്ങൾ മറ്റുമനുഷ്യരെപ്പോലെ തലയുയർത്തി പൊതുവഴിയിലൂടെ സഞ്ചരിക്കാൻ വേണ്ടിയുള്ള അവകാശത്തിനായാണ് പാലിയം സമരം നടന്നത്.
ആരാധനാലയങ്ങൾ[തിരുത്തുക]
നാലു വ്യത്യസ്തമതക്കാരുടെ ആരാധനാലയങ്ങൾ ഇവിടെ തൊട്ടുരുമ്മി നിലകൊള്ളുന്നു. കേരളത്തിൽ നിലനിന്നു പോരുന്ന മതസൗഹാർദ്ദത്തിന്റെ ഒരു മാതൃക കൂടിയാണിത്.
- ചേന്ദമംഗലം സിനഗോഗ്
- പാലിയത്ത് ക്ഷേത്രം
- ചേന്നോട്ട് വേണുഗോപാലസ്വാമി ക്ഷേത്രം
- മാർ സ്ലീവാ പള്ളി, കോട്ടയിൽ കോവിലകം
- നിത്യസഹായ മാതാ ചർച്ച് ചേന്ദമംഗലം
- ചേന്ദമംഗലം ജുമാ മസ്ജിദ്
- ചേന്ദമംഗലം കുന്നത്തളി ക്ഷേത്രം
- കോട്ടയിൽ കോവിലകം ശ്രീ കൃഷ്ണ സ്വാമി ക്ഷേത്രം
വിദ്യാഭ്യാസ സ്ഥാപനങ്ങൾ[തിരുത്തുക]
- ഗവൺമെന്റ് ഹയർസെക്കണ്ടറി സ്കൂൾ ചേന്ദമംഗലം
- ഗവൺമെന്റ് ലോവർ പ്രൈമറി സ്കൂൾ ചേന്ദമംഗലം
- സെന്റ്. മേരീസ് ലോവർ പ്രൈമറി സ്കൂൾ ചേന്ദമംഗലം
വിനോദ സഞ്ചാരം[തിരുത്തുക]
മുസിരിസ് പൈതൃക പദ്ധതിയിൽപെടുത്തി ചേന്ദമംഗലം ഒരു വിനോദസഞ്ചാര കേന്ദ്രമായി സർക്കാർ പ്രഖ്യാപിച്ചിട്ടുണ്ട്. ചേന്ദമംഗലത്തുള്ള ജൂത സിനഗോഗ്, ഇത്തരത്തിൽപ്പെട്ട അപൂർവ്വമായ പള്ളികളിലൊന്നാണ്.[3] 175 വർഷങ്ങൾക്കു മുമ്പ് പണി കഴിപ്പിച്ചതാണീ പള്ളി.[4] പാലിയത്തച്ചന്മാരുടെ തറവാട് സന്ദർശിക്കാൻ ധാരാളം വിനോദസഞ്ചാരികൾ ധാരാളം എത്തിച്ചേരുന്നു. ചരിത്രരേഖകളും, അപൂർവ്വ ചിത്രങ്ങളും അടങ്ങിയ ഈ കൊട്ടാരം ചരിത്രകുതുകികൾക്ക് ഒരു മുതൽക്കൂട്ടാണ്.[5]
ചിത്രശാല[തിരുത്തുക]
- ചേന്ദമംഗലം
-
പാലിയം നാലുകെട്ട് -
-
ജൂത സിനഗോഗിന്റെ ഉൾവശം -
ചേന്ദമംഗലം മുസ്ലിം പള്ളി
അവലംബം[തിരുത്തുക]
- ↑ "ചേന്ദമംഗലം ചരിത്രം". തദ്ദേശസ്വയംഭരണ വകുപ്പ്, കേരള സർക്കാർ. Archived from the original on 2016-10-16. Retrieved 2016-10-16.
{{cite web}}: CS1 maint: bot: original URL status unknown (link) - ↑ "പാലിയം സമരം 62ആം വാർഷികം". ജനയുഗം ഓൺലൈൻ. 2010-03-12.
{{cite news}}:|access-date=requires|url=(help) - ↑ "Kerala Jews Life Style Museum". muziris Heritage Programme. Archived from the original on 2016-10-16. Retrieved 2016-10-16.
{{cite web}}: CS1 maint: bot: original URL status unknown (link) - ↑ "Chendamangalam Synagogue". Keraltourism, kerala Government. Archived from the original on 2016-10-16. Retrieved 2016-10-16.
{{cite web}}: CS1 maint: bot: original URL status unknown (link) - ↑ "Paliam Palace museum". Muziris Hertiage Project. Archived from the original on 2016-10-16. Retrieved 2016-10-16.
{{cite web}}: CS1 maint: bot: original URL status unknown (link)