മുക്രിത്തെയ്യം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Nuvola camera.svg ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്‌ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക.

വടക്കേ മലബാറിൽ കെട്ടിയാടുന്ന ഒരു തെയ്യമാണ് മുക്രിത്തെയ്യം[1]. മാപ്പിളത്തെയ്യങ്ങളിൽ ഒന്നാണിത്.[2] കാസർഗോഡ് ജില്ലയിലെ കുമ്പള, മഞ്ചേശ്വരം ഭാഗങ്ങളിലാണ് ഈ തെയ്യം പ്രധാനമായും കാണുന്നത്. ഉമ്മച്ചിത്തെയ്യം, ബപ്പിരിയൻ തെയ്യം, പോക്കർ തെയ്യം, കോയിക്കൽ മമ്മദ് തെയ്യം (കലന്തർ മുക്രി), ആലിത്തെയ്യം തുടങ്ങിയവയാണ് മറ്റ് പ്രധാനപ്പെട്ട മാപ്പിളത്തെയ്യങ്ങൾ. ഈ തെയ്യങ്ങൾ സാധാരണ മുസ്ലിമിന്റെ പ്രേതക്കോലങ്ങളായിട്ടാണ് കാണുന്നത്. വിവിധ പേരുകളിൽ അറിയപ്പെടുന്ന ചാമുണ്ഡിത്തെയ്യവുമായി ബന്ധപ്പെട്ട കഥയാണ് മാവിലൻ സമുദായക്കാർ കെട്ടിയാടുന്ന ഈ തെയ്യങ്ങൾക്കുള്ളത്. കോപ്പാളന്മാരും മാപ്പിള തെയ്യങ്ങൾ കെട്ടിയാടാറുണ്ട്.കാസർകോഡ് ജില്ലയിൽ വെള്ളരിക്കുണ്ട് മാലോം കൂലോം ഭഗവതി ക്ഷേത്രം, കമ്പല്ലൂർ കോട്ട നായർ തറവാട്, മൗവ്വേനി കോവിലകം ദേവീ ക്ഷേത്രം തുടങ്ങിയ തെയ്യസ്ഥാനങ്ങളിലേക്ക് ഈ കോലം കെട്ടിയാടുന്നത്[3].

ഐതിഹ്യം[തിരുത്തുക]

നാടുവാഴിയുടെ കാര്യസ്ഥനായിരുന്നു ആയോധനാ വീരനായ പോക്കർ. പോക്കറെ , നാടുവാഴിയുടെ സേവകന്മാർ ചതിച്ച് കൊല്ലുകയായിരുന്നു. മരണശേഷം പോക്കർ, മുക്രിപോക്കർ തെയ്യമായി എന്ന് ഐതിഹ്യം. [4]

പ്രധാന തെയ്യാട്ട സ്ഥലങ്ങൾ[തിരുത്തുക]

കാസർഗോഡ്‌ ജില്ലയിൽ കുമ്പള ആരിക്കാടി കാവ്, നർക്കിലക്കാട് കാവ്, കമ്പല്ലൂർ കോട്ട ദേവസ്ഥാനം, പുലിക്കുന്നു ഐവർ പരദേവതാ കാവ്, മൌവ്വേനി കൂലോം, തൃക്കരിപ്പൂർ പേക്കടംകാവ്, മാലോത്ത്‌ കൂലോകം ദേവസ്ഥാനം, നീലേശ്വരം കക്കാട്ട് കാവ് എന്നിവിടങ്ങളിൽ മാപ്പിള തെയ്യങ്ങൾ കെട്ടിയാടുന്നു.

അവലംബം[തിരുത്തുക]

  1. [1]|മാപ്പിളതെയ്യങ്ങൾ
  2. ദൈവങ്ങൾ വരവായി, കെ.പി.ഗഫൂർ, പുഴ.കോം
  3. [2]|മാപ്പിളതെയ്യങ്ങൾ
  4. തെയ്യപ്രപഞ്ചം , ആർ.സി. കരിപ്പത്ത് ,


"https://ml.wikipedia.org/w/index.php?title=മുക്രിത്തെയ്യം&oldid=3490150" എന്ന താളിൽനിന്ന് ശേഖരിച്ചത്