രക്തചാമുണ്ഡി
കണ്ണൂർ, കാസർകോഡ് ജില്ലകളിൽ താമസിച്ചുവരുന്ന മൂവാരി സമുദായക്കാരുടെ പ്രധാനകുലദൈവമാണ് രക്തചാമുണ്ഡി (Rakta Chamundi). ആയിരംതെങ്ങ്, കിഴക്കേറ, നീലംങ്കൈ, കുട്ടിക്കര എന്നിവയാണ് മൂവാരി സമുദായത്തിലെ പ്രധാന കഴകങ്ങൾ. ആയിരംതെങ്ങിൽ ചാമുണ്ഡി, കുട്ടിക്കി ചാമുണ്ഡി, കിഴക്കേറ ചാമുണ്ഡി, കുതിതകാളി ചാമുണ്ഡി, മുട്ടിയറ ചാമുണ്ഡി, കാരയിൽ ചാമുണ്ഡി, ചാലയിൽ ചാമുണ്ഡി എന്നിങ്ങനെ കുലദൈവത്തിന്റെ പേരിനു മുന്നിൽ കഴകപ്പേരു ചേർത്താണ് ഓരോ കഴകത്തിലും ഭഗവതി അറിയപ്പെടുന്നത്.
ഐതിഹ്യം
[തിരുത്തുക]ആദിപരാശക്തിയുടെ ഏഴു ഭാവങ്ങളായ സപ്ത മാതാക്കളിൽ പ്രധാനിയാണ് ചാമുണ്ഡ. ഭഗവതിയുടെ രൗദ്രഭാവം. ദേവിഭാഗവതം, ദേവീമാഹാത്മ്യം എന്നീ ഗ്രന്ഥങ്ങൾ പ്രകാരം ചണ്ഡൻ, മുണ്ഡൻ എന്നീ അസുരൻമാരെ നിഗ്രഹിച്ച കാളിയാണ് ചാമുണ്ഡേശ്വരി അഥവാ ചാമുണ്ഡാദേവി രക്തബീജനെ വധിക്കാൻ ദേവിയെ സഹായിച്ചതോടെ കാളി രക്തചാമുണ്ഡി എന്നും അറിയപ്പെട്ടു.
ശുംഭ-നിശുംഭന്മാരുമായുള്ള യുദ്ധത്തിൽ ചണ്ഡികാപരമേശ്വരിക്ക് തുണയേകുവാനാണ് ഭദ്രകാളി ഇപ്രകാരം അവതരിച്ചതെന്ന് ദേവീ ഭാഗവതത്തിൽ പറയുന്നു.
ധൂമ്രലോചനൻ വധിക്കപ്പെട്ടതോടെ അതി പരാക്രമശാലികളായ ചണ്ഡമുണ്ഡന്മാരെ ശുംഭൻ യുദ്ധത്തിനായി നിയോഗിച്ചു.
"ഹേ ചണ്ഡമുണ്ഡന്മാരെ, പോവുക, നിങ്ങളാണ് അവളെ ആദ്യം കണ്ടത്. അതിനാൽ നിങ്ങൾ തന്നെ അവളെ ഇവിടേയ്ക്ക് കൊണ്ടുവരണം."
ചണ്ഡമുണ്ഡന്മാർ യുദ്ധഭൂമിയിലേക്ക് പുറപ്പെട്ടു. കോടികണക്കായ ചതുരംഗപ്പട അവരെ അനുഗമിച്ചു.
ഹിമാലയത്തിലെത്തിയ അസുരപ്പട അവിടെ സിംഹാരൂഢയായിരിക്കുന്ന ദേവിയുടെ ജ്വലിക്കുന്ന സൗന്ദര്യം കണ്ട് ആശ്ചര്യപ്പെട്ടു.
സുസ്മേര വദനയായിരിക്കുന്ന ദേവിയെ അസുരന്മാർ നിസ്സാരയായി കണ്ടു. അവളെ ശുംഭന് സമീപം എത്തിക്കാനുള്ള ശ്രമങ്ങൾ തുടങ്ങി.
ചിലർ ദേവിയെ എടുത്തുകൊണ്ട് പോകാനും മറ്റു ചിലർ ആയുധങ്ങൾ ഉപയോഗിച്ച് അവളെ കീഴ്പ്പെടുത്താനും ശ്രമിച്ചു.
ചണ്ഡികയുടെ മുഖം കോപത്താൽ കറുത്തിരുണ്ടു. പുരികങ്ങൾ വില്ല് പോലെ വളഞ്ഞു. നെറ്റി ചുളിഞ്ഞു. ചുളിഞ്ഞ നെറ്റിത്തടത്തിൽ നിന്നും കരാള രൂപിണിയായ കാളി പ്രത്യക്ഷയായി.
കോപത്താൽ വിറച്ച കാളി തനിക്ക് നേരെ പാഞ്ഞടുത്ത അസുരപ്പടയെ മുഴുവനായി ഭക്ഷിച്ചു.
ചണ്ഡമുണ്ഡന്മാർ അതീവ കോപത്തോടെ കാളിക്ക് നേരെ പാഞ്ഞടുത്തു. ചണ്ഡ മുണ്ഡന്മാരെ നിഗ്രഹിച്ച കാളി ചാമുണ്ഡി എന്നറിയപ്പെട്ടു. അസുരനായ രക്തബീജൻ്റെ രക്തം മുഴുവനും പാനം ചെയ്തതോടെ കാളി രക്തചാമുണ്ഡി എന്നും അറിയപ്പെട്ടു.
മറ്റൊരു സാഹചര്യത്തിലും പാർവതി ചാമുണ്ഡിയായി അവതരിച്ചിട്ടുണ്ട്. അത് രുരു എന്ന അസുരനെ നിഗ്രഹിക്കാൻ വേണ്ടി ആയിരുന്നു. പാർവ്വതി മഹാകാളിയായി രുരുവിനോട് യുദ്ധം ചെയ്തു. രുരുവിൻ്റെ ചർമ്മവും (തൊലി), മുണ്ഡവും(തല) ത്രിശൂലത്താൽ വേർപ്പെടുത്തി ഭഗവതി രുരുവിനെ നിഗ്രഹിച്ചു. രുരുവിന്റെ ചർമ്മവും, മുണ്ഡവും എടുത്ത പാർവതി ചാമുണ്ഡി എന്നറിയപ്പെട്ടു.
നാട്ടിൽ പ്രളയവും പട്ടിണിയും കളിയാടിയ പ്പോൾ കോലത്തിരി തമ്പുരാന്റെ പ്രാർത്ഥന പ്രകാരം ദേവി അന്നപൂർണ്ണേശ്വരിയും ആറില്ലത്തമ്മമാരും അണ്ടാർ വിത്തും ചെന്നെല്ലുമായി മലനാട്ടിൽ വരികയും ചെറുകുന്നിൽ കുടിയിരിക്കുകയും ചെയ്തു. കൂടെ വന്ന ദേവിയായ രക്തചാമുണ്ഡി, പൂജ പൂക്കൾ വാരുന്ന പൂവാരി സമുദായക്കാർക്ക് പ്രിയങ്കരിയാവുകയും അവരുടെ കുലദേവതയാവുകയും ചെയ്തു എന്നതാണ് തെയ്യ സങ്കല്പം.
വേഷം
[തിരുത്തുക]പീഠക്കാലും കുറി തേപ്പും (മുഖത്തെഴുത്ത്), മാറും മുലയും, പുറത്തട്ട് മുടിയും ആണ് രക്തചാമുണ്ഡിയുടെ വേഷം.
കോലക
[തിരുത്തുക]Pulayan