പയ്യന്നൂർ ച­ര­ടു­കു­ത്തി­ കോൽ­ക്കളി

വിക്കിപീഡിയ, ഒരു സ്വതന്ത്ര വിജ്ഞാനകോശം.
(പയ്യന്നൂർ കോൽകളി എന്ന താളിൽ നിന്നും തിരിച്ചുവിട്ടതു പ്രകാരം)
പയ്യന്നൂർ ച­ര­ടു­കു­ത്തി­ കോൽ­ക്കളി

ഒരു നാ­ടൻ ക­ല­യാ­ണ് 'ച­ര­ടു­കു­ത്തി­ കോൽ­ക്ക­ളി'. പ­യ്യ­ന്നൂ­രി­ന്റെ ത­ന­ത്‌ നാ­ടൻ ക­ല­യാ­യ പയ്യന്നൂർ കോൽ­ക്ക­ളി­യി­ലെ ആ­കർ­ഷ­ക ­ഇ­ന­മാ­ണ് ഇത്.[1]കൃഷിയും കന്നുകാലിമേയ്ക്കലുമൊക്കെയായി ബന്ധപ്പെട്ടുളളതാണ് ഈ നാടൻകലാരൂപം. ശ്രീകൃഷ്ണനും ഗോപകുമാരന്മാരും ഗോപികമാരും ഒക്കെ കഥാപാത്രങ്ങളായെത്തുന്നതാണ് വായ്ത്താരി.[2]വട്ടക്കോൽ, ചുറ്റിക്കോൽ, തെറ്റിക്കോൽ, ചാഞ്ഞുകളി, തടുത്തുകളി, ചവിട്ടിച്ചുറ്റൽ, താളക്കളി തുടങ്ങി അനവധി കളിഭേദങ്ങൾ ഇതിന്നുണ്ട്.

ച­ര­ടു­കു­ത്തി­ കോൽ­ക്കളി

കോൽക്കളി ഗാനങ്ങൾ[തിരുത്തുക]

പയ്യന്നൂരിലെ ആനിടിൽ രാമൻ എഴുത്തച്ഛൻ ഭക്തിരസപ്രധാനമായ ഒട്ടേറെ കോൽക്കളി ഗാനങ്ങൾ എഴുതിയിട്ടുണ്ട്. കലാശപ്പാട്ട് എന്ന കൃതി ഇതിൽ ശ്രദ്ധേയമാണ്. കൊല്ലവർഷം 1013-ലെ പയ്യന്നൂരമ്പലത്തിലെ പുനഃപ്രതിഷ്ഠാ ബ്രഹ്മകലശോത്സവത്തിന്റെ കഥ പറയുന്ന പ്രസ്തുത ഗാനകൃതിയാണ് പയ്യന്നൂർ കോൽക്കളിയിൽ കൂടുതലായും ഉപയോഗിക്കുന്നത്. ദേവസ്തുതികളാണ് പാട്ടുകളിലെ മുഖ്യവിഷയം. എതാണ്ടു 150 വർഷം മുൻപ് എഴുതിയ ഈ കൃതിയിലെ പാട്ടുകൾ കോൽക്കളിക്കായി എഴുതിയതാണെന്ന് പാട്ടിൽ തന്നെ വ്യക്തമാക്കുന്നുണ്ട്. [3]

ത്രിപുട, ഏക, രൂപകം തുടങ്ങി സ്‌ഥിരമായി ഉപയോഗിക്കേണ്ട ആറോളം താളങ്ങളും കാമോദരി, ഊശാനി, ഭൈരവി തുടങ്ങിയ രാഗങ്ങളും ഉപയോഗിക്കുന്നു.

കളിരീതി[തിരുത്തുക]

വൃ­ത്താ­കൃ­തി­യിൽ കോ­ലു­മേ­ന്തി നിൽ­ക്കു­ന്ന ക­ളി­ക്കാ­രു­ടെ ക­യ്യിൽ ച­ര­ടു­കെ­ട്ടി അ­തി­ന്റെ മ­റ്റെ അ­റ്റം മ­ദ്ധ്യ­ത്തിൽ ഉ­റ­പ്പി­ച്ചു­വെ­ച്ച തൂ­ണിൽ കെ­ട്ടു­ക­യും ക­ളി­ക്കാർ ക­ളി­ക്കു­ന്ന­തി­നൊ­പ്പം ച­ര­ട്‌ വ­ല പോ­ലെ നെ­യ്‌­ത്‌ വ­രി­ക­യും മ­ട­ക്കം ക­ളി­ക്കു­മ്പോൾ ച­ര­ട്‌ അ­ഴി­ഞ്ഞ്‌ വ­ന്ന്‌ പ­ഴ­യ രീ­തി­യി­ലാ­വു­ക­യും ചെ­യ്യു­ന്ന­താ­ണ്‌ ക­ളി­യു­ടെ പ്ര­ത്യേ­ക­ത. ചുവടുകൾക്കൊപ്പം വർണച്ചരടുകളാൽ വല നെയ്തുണ്ടാകുന്ന ആകർഷണീയമായ കളിയാണ്ഇത്. പാട്ടിനൊപ്പം കോലടിച്ച് കളത്തിനകത്തേക്കും പുറത്തേക്കും ചുവടുകൾ വെയ്ക്കുന്നതിനൊപ്പം അടുത്ത് നിൽക്കുന്ന കളിക്കാരുടെ മുന്നിലൂടെയും പിന്നിലൂടെയും മറികടന്ന് കളിച്ചുപോകുമ്പോഴാണ് വർണനൂലുകളിൽ വല രൂപപ്പെടുന്നത്.[4] . കോൽ­ക്ക­ളി­യി­ലെ മൂ­ന്ന്‌ ക­ളി­ക­ളാ­ണ്‌ സാ­ധാ­ര­ണ­യാ­യി ച­ര­ടു­കു­ത്തി­ക്ക­ളി­യാ­യി ക­ളി­ക്കാ­റു­ള്ള­ത്‌. കോൽക്കളിരംഗത്ത് സാധാരണയായി പുരുഷൻമാരാണ് ഉള്ളതെങ്കിൽ, ച­ര­ടു­കു­ത്തി­ കോൽ­ക്കളി വനിതകളാണ് അവതരിപ്പിച്ചുകാണുന്നത്. [5], [6] [7]

ച­ര­ടു­കു­ത്തി­ കോൽ­ക്കളി വീഡിയോ

വേൾ­ഡ്‌ റി­ക്കോർ­ഡ്[തിരുത്തുക]

ഏ­ഴ്‌ വ­യ­സ്സി­നും പ­തി­നെ­ട്ട്‌ വ­യ­സ്സി­നും ഇ­ട­യി­ലു­ള്ള ആൺ­കു­ട്ടി­ക­ളും പെൺ­കു­ട്ടി­ക­ളും അ­ട­ങ്ങു­ന്ന നൂ­റ്‌ കു­ട്ടി­ക­ളെ ഒ­ന്നി­ച്ച്‌ ഒ­രേ താ­ള­ത്തിൽ ച­ര­ടു­കു­ത്തി­ക്ക­ളി അ­വ­ത­രി­പ്പി­ച്ച്, പ­യ്യ­ന്നൂർ ഫൈൻ ആർ­ട്‌­സ്‌ സൊ­സൈ­റ്റി­, ലിം­ക ബു­ക്ക്‌­സ്‌ ഓ­ഫ്‌ വേൾ­ഡ്‌ റി­ക്കോർ­ഡിൽ ഇ­ടം നേ­ടി­യിട്ടുണ്ട്.[8]

ഒരു ദേശത്തിന്റെ കല[തിരുത്തുക]

കോൽക്കളിയുടെ ചരിത്രം, സാമൂഹിക പശ്ചാത്തലം തുടങ്ങിയവ പശ്ചാത്തലമാക്കി സുരേഷ് പൊതുവാൾ സംവിധാനം ചെയ്ത ഒരു ദേശത്തിന്റെ കല എന്ന ഡോക്യുമെന്ററിക്ക് ഫോക് ലോർ അക്കാദമി പ്രഥമ ഡോക്യുമെന്ററി പുരസ്‌കാരം ലഭിച്ചു.[9]

പ്രസിദ്ധ കലാകാരന്മാർ[തിരുത്തുക]

അവലംബം[തിരുത്തുക]

  1. http://janayugomonline.com/charadukuthi-kolkali/[പ്രവർത്തിക്കാത്ത കണ്ണി]
  2. https://keralakaumudi.com/news/news.php?id=4296&u=kolkali-4296
  3. പ്രൊ ഇ. ശ്രീധരൻ. (2019). പയ്യന്നൂർ പേരും പൊരുളും. ചെങ്ങഴി, 1(1), 17 - 27. Retrieved from http://www.mrjc.in/index.php/chengazhi/article/view/20
  4. "ആർക്കൈവ് പകർപ്പ്". Archived from the original on 2015-05-30. Retrieved 2017-01-24.
  5. http://suprabhaatham.com/%E0%B4%9A%E0%B4%B0%E0%B4%9F%E0%B5%81%E0%B4%95%E0%B5%81%E0%B4%A4%E0%B5%8D%E0%B4%A4%E0%B4%BF-%E0%B4%95%E0%B5%8B%E0%B4%B2%E0%B5%8D%E2%80%8D%E0%B4%95%E0%B5%8D%E0%B4%95%E0%B4%B3%E0%B4%BF%E0%B4%AF%E0%B5%81/
  6. http://www.payyanur.com/?p=5376[പ്രവർത്തിക്കാത്ത കണ്ണി]
  7. http://www.gadhikanews.com/2016/09/blog-post_896.html[പ്രവർത്തിക്കാത്ത കണ്ണി]
  8. "ആർക്കൈവ് പകർപ്പ്". Archived from the original on 2015-05-30. Retrieved 2017-01-24.
  9. https://www.prd.kerala.gov.in/ml/node/89095