ബലരാമൻ

ഇംഗ്ലീഷ് വിലാസം

https://ml.wikipedia.org/wiki/Balarama

ബലരാമൻ
God of Agriculture, Strength
Balarama, elder brother of Krishna with Hala 1830
ദേവനാഗിരി	बलराम
സംസ്കൃതം	Balarāma
ആയുധങ്ങൾ	Plough, Gada
ജീവിത പങ്കാളി	Revati
മാതാപിതാക്കൾ	Vasudeva (father) Devaki (conceived) Rohini (birth)
സഹോദരങ്ങൾ	Krishna and Subhadra

17^th century mural of Balarama from a wall hanging in South Indian temple.

മഹാവിഷ്ണുവിന്റെ എട്ടാമത്തെ അവതാരമാണ്‌ ബലരാമൻ . മഹാവിഷ്ണുവിന്റെയും അനന്തന്റെയും അംശം ബലരാമനിൽ ചേർന്നിരിക്കുന്നു . എന്നാൽ ത്രേതായുഗത്തിലെ ലക്ഷ്മണൻ അനന്തന്റെ പൂർണമായ അംശമാണ് . അതിയായ ബലത്തോട്‌ കൂടിയവനും സർവരെയും ആകർഷിക്കുന്ന സ്വരൂപത്തോടുകൂടിയവനുമായതുകൊണ്ട്‌ ബലരാമൻ എന്ന പേരുണ്ടായതെന്ന്‌ പറയപ്പെടുന്നു.

വിഷ്ണുവിൻ്റെ ശ്രീരാമാവതാരത്തിൽ ആദിശേഷൻ അനുജൻ ലക്ഷ്മണനായി അവതരിച്ചു. ശ്രീകൃഷ്ണാവതാരത്തിൽ ആദിശേഷൻ ജ്യേഷ്ഠ സഹോദരനായി ബലരാമൻ എന്ന നാമധേയത്തിലും അവതരിച്ചു. ബലരാമൻ വെളുത്തതും ശ്രീകൃഷ്ണൻ കറുത്തതും ആയിരുന്നത്രെ.

രേവതിയാണ് ബലഭദ്രൻ്റെ പത്നി. സ്വന്തം കർത്തവ്യമായ കൃഷിയിൽ പൂർണ്ണമായും മുഴുകിയ ബലരാമൻ്റെ ആയുധം കലപ്പയായിരുന്നു. ഗദായുദ്ധത്തിലും ഇദ്ദേഹം അതിനിപുണനായിരുന്നു.

കൃഷിയുടെ സൗകര്യത്തിനായി കാളിന്ദി നദിയെ കലപ്പ കൊണ്ട് ഉഴുത് ഗതി മാറ്റിയതായി പുരാണങ്ങളിൽ ചിത്രീകരിക്കുന്നുണ്ട്.

പകൽ സമയം മുഴുവൻ കൃഷിയിടത്തിൽ പണിയെടുത്ത് അന്തിയാവുമ്പോൾ തെങ്ങിൻ്റെ കള്ള് കുടിച്ചിരുന്നതായും വിവരിച്ചിട്ടുണ്ട്.

മേടമാസത്തിലെ കറുത്ത വാവു കഴിഞ്ഞുവരുന്ന വൈശാഖമാസ ശുക്ലപക്ഷ തൃതീയ ദിവസമായിരുന്നു മഹാവിഷ്ണുവിന്റെ എട്ടാമത്തെ അവതാരമായി യാദവകുലത്തിൽ ബലരാമൻ അവതരിച്ചത്.

ദേവകിയുടെ ആറ്‌ ശിശുക്കളെയും കംസൻ വധിച്ചുകളഞ്ഞു. ദേവകി ഏഴാമതും ഗർഭം ധരിച്ചു. ആ ഗർഭത്തെ മായാദേവി വസുദേവരുടെ തന്നെ മറ്റൊരു ഭാര്യയായ രോഹിണിയുടെ ഉദരത്തിലേക്ക്‌ മാറ്റി. ദേവകിയുടെ ഗർഭം അലസിപ്പോയതായി വാർത്തയും പരന്നു. രോഹിണി പ്രസവിച്ച ആ ശിശുവാണ്‌ ബലരാമൻ. ഗർഭത്തെ സംഘർഷണം ചെയ്ത്‌ അഥവാ വലിച്ച് കൊണ്ട് പോയി ജനിപ്പിച്ചവനായതുകൊണ്ട്‌ ബലരാമന്‌ സംഘർഷണൻ എന്ന പേരും കൂടിയുണ്ടായി.

ബലരാമൻ മഹാഭാരത യുദ്ധത്തിൽ ഉൾപ്പെടുന്നില്ല. ആ സമയത്ത് അദ്ദേഹം തീത്ഥാടനത്തിന് പോകുന്നു. ശ്രീ കൃഷ്ണന്റെ നിർദേശപ്രകാരം ആണത്. അദ്ദേഹം യുദ്ധത്തിൽ പങ്കെടുത്തിരുന്നെങ്കിൽ ദുര്യോധനനെ അധർമ്മത്തിലൂടെ വധിക്കാൻ അനുവദിക്കില്ലായിരുന്നു. ഗദായുദ്ധത്തിൽ ദുര്യോധനന്റെ ഗുരുനാഥൻ കുടിയായിരുന്നു ബലരാമൻ. അദ്ദേഹം ഉണ്ടായിരുന്നെങ്കിൽ മഹാഭാരത യുദ്ധത്തിന്റെ പരിണാമം മറ്റൊന്നായേനേ...

ഒടുവിൽ യാദവകുലം തമ്മിൽ തല്ലിമരിച്ചു. ഇതുകണ്ട്‌ ബലരാമൻ ഒരു വൃക്ഷത്തിന്റെ ചുവട്ടിൽ ചെന്ന്‌ ധ്യാനനിമഗ്നനായി ഇരുന്നു. കുറച്ചു സമയം കഴിഞ്ഞപ്പോൾ അദ്ദേഹത്തിന്റെ മുഖത്തുനിന്നും ഒരു വെളുത്ത സർപ്പം ഉത്ഭവിച്ച് സമുദ്രത്തെ ലക്ഷ്യമാക്കിപ്പോയി. ഈ സമയത്ത്‌ സമുദ്രദേവൻ അർഘ്യവുമായി വന്ന്‌ ആ സർപ്പത്തെ പൂജിച്ചു. അനന്തരം ആ സർപ്പം ശ്വേതദ്വീപിലേക്ക്‌ പോയി. ആദിശേഷന്റെ അവതാരമായ ബലരാമമൂർത്തി അങ്ങനെ ആദിശേഷനിൽ തന്നെ വിലയം പ്രാപിച്ചു.

പുറം കണ്ണികൾ

• ബലരാമൻ[1]