ആദിപർവ്വം
 പുരുരുവസ്സും ഉർവ്വശിയും (ഒരു രാജാരവിവർമ്മ ചിത്രം) | |
| മറ്റൊരു പേർ | സംഭവപർവ്വം |
|---|---|
| പർവ്വം | ഒന്ന് |
| അദ്ധ്യായങ്ങൾ | 228 |
| പദ്യങ്ങൾ | 8984 |
| പേരിനു പിന്നിൽ | ഒന്നാമത്തെ പർവ്വം നിരവധി സംഭവകഥകൾ വർണ്ണിക്കുന്നു |
വ്യാസ രചിതമായ മഹാഭാരതത്തിലെ പതിനെട്ടു പർവ്വങ്ങളിൽ ഒന്നാമത്തെ പർവ്വമാണ് ആദിപർവ്വം.[1] ആദ്യ അദ്ധ്യായമായതിനാൽ ഗ്രന്ഥകാരൻ ഈ പേരു കൊടുത്തു എന്നു കരുതുന്നു. നിരവധി കഥകൾ (സംഭവങ്ങൾ) ഗ്രന്ഥകാരൻ ഇതിൽ ഉൾപ്പെടുത്തിയതിനാൽ സംഭവപർവ്വം എന്നും ഈ പർവ്വത്തിനു പേരുണ്ട്. ആദിപർവ്വത്തിൽ 228 അദ്ധ്യായങ്ങളും 8984 പദ്യങ്ങളും ഗ്രന്ഥകാരൻ ഉൾക്കൊള്ളിച്ചിരിക്കുന്നു. വേദവ്യാസന്റെ പ്രധാന ശിഷ്യനായ ഉഗ്രശ്രവസ്സ് എന്ന സൂതപൗരാണികൻ പറയുന്ന രീതിയിലാണ് ആദിപർവ്വത്തിൽ മഹാഭാരതകഥനം ആരംഭിക്കുന്നത്.[2].