കലപ്പ
കൃഷിയിൽ വിത്ത് വിതക്കുന്നതിനോ നടുന്നതിനോ മുമ്പായി മണ്ണ് ഇളക്കിമറിച്ച് അയവുവരുത്തി തയ്യാറാക്കുന്നതിന് ഉപയോഗിക്കുന്ന ഒരു കാർഷിക ഉപകരണമാണ് കലപ്പ.[1] കലപ്പ ഉപയോഗിച്ച് മണ്ണ് ഇളക്കിമറിക്കുന്ന പ്രക്രിയയെ ഉഴവ് അല്ലെങ്കിൽ ചാലു കീറൽ എന്നു പറയുന്നു. മേൽമണ്ണ് ഇളക്കി[2] പോഷകങ്ങൾ മുകളിലേക്ക് കൊണ്ടുവരുന്നതിനും[3] മുൻ വിളയിറക്കലിലെ അവശിഷ്ടങ്ങളും കളകളും മണ്ണിനടിയിലേക്ക് പോകുന്നതിനുമാണ് മണ്ണ് ഉഴുകുന്നത്. കൂടാതെ മണ്ണിലെ വായുസഞ്ചാരം കൂടുന്നതിനും അതുവഴി മണ്ണിൽ ഈർപ്പം തങ്ങിനിൽക്കുന്നതിനും ഇത് സഹായിക്കുന്നു. കലപ്പയുടെ ഉപയോഗം കൃഷിയുടെ ചരിത്രത്തിലെ വളരെ പ്രധാനപ്പെട്ട പുരോഗതികളിലൊന്നാണ്.[4] തുടക്കത്തിൽ മനുഷ്യരാണ് കലപ്പ വലിച്ചിരുന്നത്. മൃഗങ്ങളുടെ ഉപയോഗം കൂടുതൽ കാര്യക്ഷമമായതിനാൽ പരമ്പരാഗതമായി കാളകളും കുതിരകളും കോവർകഴുതകളും കലപ്പകൾ വലിച്ചു. വ്യവസായവൽക്കൃത രാജ്യങ്ങളിൽ ആവിയന്ത്രം നിലമുഴലിന് ഉപയോഗിച്ചുതുടങ്ങി എന്നാൽ ആധുനിക കലപ്പകൾ ട്രാക്ടറുകളാണ് വലിക്കുന്നത്. ജീവിത രീതിയുടെ പ്രത്യേകത കൊണ്ട് മണ്ണിൽ സൂക്ഷ്മ രൂപത്തിൽ ഇതേ ഗുണം ചെയ്യുന്ന മണ്ണിര "പ്രകൃതിയുടെ കലപ്പ" എന്നറിയപ്പെടുന്നു.
കലപ്പ ഉപയോഗിച്ച് മുറിക്കുന്ന കിടങ്ങുകളെ ചാലുകൾ എന്ന് വിളിക്കുന്നു. ആധുനിക ഉപയോഗത്തിൽ, ഉഴുതുമറിച്ച നിലം സാധാരണയായി ഉണങ്ങാൻ വിടുകയും പിന്നീട് നടുന്നതിന് മുമ്പ് കൊത്തിയെടുക്കുകയും ചെയ്യുന്നു. മണ്ണ് ഉഴുതുമറിച്ച് കൃഷി ചെയ്യുന്നത് മുകളിലെ 12 മുതൽ 25 സെന്റീമീറ്റർ (5 മുതൽ 10 ഇഞ്ച്) പാളി മണ്ണിന്റെ അളവ് തുല്യമാക്കുന്നു, അവിടെയാണ് മിക്ക സസ്യ പോഷക വേരുകളും വളരുന്നത്. 1930-കളിൽ ഓസ്ട്രേലിയയിൽ പഴത്തോട്ടങ്ങളുടെ സ്ട്രിപ്പുകൾ ഉഴുതുമറിക്കുന്നതിനുള്ള ശ്രദ്ധേയമായ കണ്ടുപിടുത്തമായിരുന്നു പെറ്റി പ്ലോവ്.
ഒരു കലപ്പയിൽ മരം, ഇരുമ്പ് അല്ലെങ്കിൽ സ്റ്റീൽ ഫ്രെയിമും മണ്ണ് മുറിച്ച് അയവുവരുത്തുന്നതിന് ഒരു ബ്ലേഡും ഘടിപ്പിച്ചിരിക്കും. ചരിത്രത്തിന്റെ ഭൂരിഭാഗവും കൃഷിക്ക് ഇത് അടിസ്ഥാനപരമായിരുന്നു. ആദ്യകാല കലപ്പകൾക്ക് ചക്രങ്ങളില്ലായിരുന്നു; അത്തരമൊരു കലപ്പ റോമാക്കാർക്കിടയിൽ അരട്രം എന്നാണ് അറിയപ്പെട്ടിരുന്നത്.[5] റോമൻ കാലഘട്ടത്തിലാണ് കെൽറ്റിക് ജനത ആദ്യമായി ചക്ര കലപ്പകൾ ഉപയോഗിക്കാൻ തുടങ്ങിയത്.
ചിത്രശാല
[തിരുത്തുക]- കലപ്പയും കലയും
-
1908-ൽ പുറത്തിറങ്ങിയ 100 മാർക്ക് ബാങ്ക് നോട്ടിന്റെ പിൻവശം. -
1975 ലെ ഇറ്റാലിയൻ ലിറ നാണയത്തിലെ കലപ്പയുടെ ചിത്രീകരണം. -
റോബർട്ട് ബേൺസ് പ്രതിമ, ഷെൻലി പാർക്ക്, പിറ്റ്സ്ബർഗ്. -
കോപ്പൻഹേഗനിലെ ജെഫിയോൺ ജലധാര -
ഹെൻറി ഹെർബർട്ട് ലാ താങ്ഗുവിന്റെ, ദി ലാസ്റ്റ് ഫറോ (1895) എന്ന ചിത്രം -
റോസ ബോൺഹൂറിന്റെ Ploughing in the Nivernais (1849) എന്ന ചിത്രം.
|
ഉപകരണങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
Nanchinadu: Harbinger of Rice and Plough Culture in the Ancient World എന്ന ഗ്രന്ഥം കലപ്പയുടെയും നെൽകൃഷിയുടെയും ആരംഭത്തെ കുറിച്ച് പ്രദിപാദിദിക്കുന്നു.
- ↑ "Plough". Cambridge English Dictionary. Retrieved 16 September 2018.
- ↑ "Plow". Encyclopaedia Britannica. Retrieved 16 September 2018.
- ↑ Sahgal, A C; Sahgal, Mukul. Living Sci. 8 Silver Jubilee. India: Ratna Sagar. p. 7. ISBN 9788183325035.
- ↑ "Anglo-Saxon 7th Century plough coulter found in Kent". BBC News. 7 April 2011.
- ↑ Collingwood, R. G.; Collingwood, Robin George; Nowell, John; Myres, Linton (1998) [1936]. Roman Britain and the English Settlements. Biblo & Tannen Publishers. p. 211. ISBN 9780819611604.