വി. കൃഷ്ണദാസ്

ഇംഗ്ലീഷ് വിലാസം

https://ml.wikipedia.org/wiki/V._Krishna_Das

വി. കൃഷ്ണദാസ്
കേരള നിയമസഭയിലെ അംഗം
ഓഫീസിൽ സെപ്റ്റംബർ 30 1969 – മാർച്ച് 22 1977
മുൻഗാമി	എം.പി. കുഞ്ഞിരാമൻ
പിൻഗാമി	പി.വി. കുഞ്ഞിക്കണ്ണൻ
മണ്ഡലം	മലമ്പുഴ
വ്യക്തിഗത വിവരങ്ങൾ
ജനനം	1931
രാഷ്ട്രീയ കക്ഷി	സി.പി.ഐ.എം.
പങ്കാളി	വി. രാജലക്ഷ്മി
കുട്ടികൾ	2 മകൾ
മാതാപിതാക്കൾ	കെ. അച്യുതമേനോൻ (അച്ഛൻ) വി. ജാനകിയമ്മ (അമ്മ)
വസതി	പാലക്കാട്
As of ജനുവരി 1, 2021 ഉറവിടം: നിയമസഭ

കേരളത്തിലെ ഒരു കമ്മ്യൂണിസ്റ്റ് പ്രവർത്തകനും മുൻ നിയമസഭാംഗവുമാണ് വി. കൃഷ്ണദാസ്. മലമ്പുഴ നിയമസഭാമണ്ഡലത്തിൽ നിന്ന് സി.പി.ഐ.എം. പ്രതിനിധിയായി വിജയിച്ചാണ് ഇദ്ദേഹം മൂന്നും നാലും കേരളനിയമസഭകളിൽ അംഗമായത്. 1931-ൽ കെ. അച്യുതമേനോന്റേയും, വി. ജാനകിയമ്മയുടെയും മകനായി ജനിച്ചു; വി. രാജലക്ഷ്മിയാണ് ഭാര്യ ഇവർക്ക് രണ്ട് പെൺമക്കളാണുണ്ടായിരുന്നത്. 1951-ൽ കമ്മ്യൂണിസ്റ്റ് പാർട്ടിയിൽ അംഗമായ കൃഷ്ണദാസ് പാർട്ടി പിളർന്നപ്പോൾ സി.പി.ഐ.എമ്മിനോപ്പം നിലകൊണ്ടു. സി.ഐ.റ്റി.യു. പാലക്കാട് ജില്ലാ കമ്മിറ്റി സെക്രട്ടറി, സി.പി.ഐ.എം. പാലക്കാട് ജില്ലാക്കമിറ്റിയംഗം എന്നീ നിലകളിൽ ഇദ്ദേഹം പ്രവർത്തിച്ചിട്ടുണ്ട്. മലമ്പുഴ എംഎൽഎ ആയിരുന്ന എം.പി. കുഞ്ഞിരാമൻ മരിച്ചതിനേത്തുടർന്ന് 1969-ൽ നടന്ന ഉപതിരഞ്ഞെടുപ്പിൽ വിജയിച്ചാണ് കൃഷ്ണദാസ് ആദ്യമായി നിയമസഭാംഗമാകുന്നത്. 1970-ൽ നാലാം കേരള നിയമസഭയിലേക്ക് നടന്ന തിരഞ്ഞെടുപ്പിൽ മലമ്പുഴയിൽ നിന്ന് വിജയിച്ച് വീണ്ടും കേരള നിയമസഭയിൽ അംഗമായി.

തിരഞ്ഞെടുപ്പ് ചരിത്രം

ക്രമം	വർഷം	മണ്ഡലം	വിജയിച്ച സ്ഥാനാർത്ഥി	പാർട്ടി	ലഭിച്ച വോട്ടുകൾ	ഭൂരിപക്ഷം	തൊട്ടടുത്ത സ്ഥാനാർത്ഥി	പാർട്ടി	വോട്ടുകൾ
1	1970	മലമ്പുഴ നിയമസഭാമണ്ഡലം	വി. കൃഷ്ണദാസ്	സി.പി.ഐ.എം.	38,358	19,853	സി.എം. സുന്ദരം	സ്വതന്ത്രൻ	18,505
2	1969*	മലമ്പുഴ നിയമസഭാമണ്ഡലം	വി. കൃഷ്ണദാസ്	സി.പി.ഐ.എം.

^{* എം.പി. കുഞ്ഞിരാമൻ മരിച്ചതിനേത്തുടർന്നുണ്ടായ മൂന്നാം നിയമസഭയിലെ ഉപതിരഞ്ഞെടുപ്പ്.}