നീരാഴി കൊട്ടാരം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(നീരാഴിക്കെട്ട് കൊട്ടാരം എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search

കേരളത്തിൽ ചങ്ങനാശ്ശേരിയിൽ സ്ഥിതിചെയ്യുന്ന കൊട്ടാരമാണ് നീരാഴി കൊട്ടാരം. തെക്കുംകൂർ രാജവംശം തലസ്ഥാനം വെന്നിമലയിൽനിന്നും, ചങ്ങനാശ്ശേരിയിലേക്ക് മാറ്റി സ്ഥാപിച്ചപ്പോൾ പുഴവാതിലെ നീരാഴിക്കെട്ട് കൊട്ടാരമായിരുന്നു രാജഗൃഹമായി ഉപയോഗിച്ചിരുന്നത്.[1] തിരുവിതാംകൂർ മഹാരാജാവ് അനിഴം തിരുനാൾ മാർത്താണ്ഡവർമ്മ തെക്കുംകൂർ രാജ്യം ആക്രമിക്കുന്ന അവസരത്തിലാണ് പുഴവാതിൽ നിന്നും കോട്ടയം നട്ടാശ്ശേരിയിലേക്ക് തലസ്ഥാനം മാറ്റിസ്ഥാപിച്ചത്. മാർത്താണ്ഡവർമ്മയുടെ നിർദ്ദേശപ്രകാരം കോട്ടയം ചവിട്ടുവേലിയിൽ അവർ പിന്നീട് സ്ഥിരതാമസവുമാക്കി.[2] തിരുവിതാംകൂർ മഹാരാജാവ് സ്വാതിതിരുനാൾ രാമവർമ്മയുടെ പിതാവ് രാജരാജ വർമ്മ വലിയ കോയിത്തമ്പുരാൻ ജനിച്ചത് നീരാഴി കൊട്ടാരത്തിലാണ്.[3]

കൊട്ടാരം[തിരുത്തുക]

തെക്കുംകൂർ രാജ്യത്തിന്റെ ഭരണ സിരാകേന്ദ്രവും, രാജകൊട്ടാരമായിരുന്നു നീരാഴി കൊട്ടാരം. ചങ്ങനാശ്ശേരിയിലെ പുഴവാാതിലാണ് കൊട്ടാരം സ്ഥിതി ചെയ്യുന്നത്. 1750 വരെ തേക്കുംകൂർ രാജവംശവും, പിന്നീട് വടക്കൻ മലബാറിൽ നിന്ന് ചങ്ങനാശ്ശേരിയിൽ സ്ഥിരതാമസമാക്കിയ പരപ്പനാട് രാജവംശവും ഈ കൊട്ടാരം ഉപയോഗിച്ചിരുന്നു. 1790 ലെ തിരുവിതാംകൂർ ആക്രമണത്തിൽ (ചങ്ങനാശ്ശേരി യുദ്ധം) തെക്കുംകൂരിലെ അവസാന രാജാവായിരുന്ന ആദിത്യ വർമ്മൻ മണികണ്ടൻ കോട്ടയം നട്ടാശ്ശേരിയിലേക്ക് രക്ഷപ്പെട്ടത് ഈ നീരാഴി കൊട്ടാരഹ്തിൽ നിന്നുമാണ്. നീരാഴി കൊട്ടാരം മുൻപ് നീരഴിക്കെട്ട് എന്നാണ് അറിയപ്പെട്ടിരുന്നത്.

എ.ഡി. 1400-നു ശേഷം തെക്കുംകൂർ രാജാക്കന്മാരുടെ കാലത്ത് നീരാഴി കൊട്ടാരം പുനഃർനിർമ്മിക്കുകയും, അവർ മണികണ്ഠപുരത്തു നിന്നും ചങ്ങനാശ്ശേരിയിലേക്ക് രാജധാനി മാറ്റി സ്ഥാപിക്കുകയും ചെയ്തു. 1749-ലെ ചങ്ങനാശ്ശേരി യുദ്ധത്തിൽ തെക്കുംകൂറിലെ അവസാന രാജാവായിരുന്ന ആദിത്യ വർമ്മൻ മണികണ്ഠനെ അനിഴം തിരുനാൾ മാർത്താണ്ഡവർമ്മ സ്ഥാനഭ്രഷ്ടനാക്കി. പതിനെട്ടാം നൂറ്റാണ്ടിൽ തിരുവിതാംകൂർ രാജാക്കന്മാർ നീരാഴി കൊട്ടാരം പരിഷ്കരിച്ച്, 1766-ൽ ഹൈദർ അലിയുടെ കുപ്രസിദ്ധമായ ആക്രമണത്തിനിടെ, പരപ്പനാട് കൊട്ടാരം പലായനം ചെയ്ത രാജകുമാരന്മാരെയും മലബാറിലെ രാജകുടുംബത്തിലെ രാജകുമാരന്മാരെയും പാർപ്പിച്ചു.[4]

അവലംബങ്ങൾ[തിരുത്തുക]

  1. http://books.google.ae/books?id=nxtnsT8CdZ4C&pg=PA212&lpg=PA212&dq=neerazhi+palace&source=bl&ots=XQYaK3U8eh&sig=AsmiAAR6UICZEVJ9-2E72UCnRqs&hl=en&sa=X&ei=CkWaUuT7FoXQhAfi0YH4DA&ved=0CCgQ6AEwADgK#v=onepage&q=neerazhi%20palace&f=false Encyclopaedia of Tourism Resources in India, Volume 2
  2. http://www.thehindu.com/todays-paper/tp-features/tp-propertyplus/a-palace-within-means/article4083547.ece
  3. History of Travancore from the Earliest Times - P. Shungoonny Menon - ISBN 8120601696 - Published By: Asian Educational Services
  4. Menon, P Shungoonny (1878). History of Travancore from the Earliest Times by P Shungoonny Menon (Dewan Peishcar of Travancore). 105, Mount road, Madras: Higginbotham and Company. pp. 152, 153.
"https://ml.wikipedia.org/w/index.php?title=നീരാഴി_കൊട്ടാരം&oldid=3253250" എന്ന താളിൽനിന്ന് ശേഖരിച്ചത്