വെള്ളൂർ (കോട്ടയം)

വെള്ളൂർ
വെള്ളൂർ
9.8325°N 76.455°E / 9.8325; 76.455
ഭൂമിശാസ്ത്ര പ്രാധാന്യം	ഗ്രാമം
രാജ്യം	ഇന്ത്യ
സംസ്ഥാനം	കേരളം
ജില്ല	കോട്ടയം
ഭരണസ്ഥാപനം(ങ്ങൾ)	പഞ്ചായത്ത്
പഞ്ചായത്ത് പ്രസിഡന്റ്
'
'
വിസ്തീർണ്ണം	ചതുരശ്ര കിലോമീറ്റർ
ജനസംഖ്യ
ജനസാന്ദ്രത	/ച.കി.മീ
കോഡുകൾ   • തപാൽ   • ടെലിഫോൺ	686609 +04829
സമയമേഖല	UTC +5:30
പ്രധാന ആകർഷണങ്ങൾ	ഹിന്ദുസ്ഥാൻ ന്യൂസ്പ്രീന്റ് ലിമിറ്റെഡ് പേപ്പർ ഫാക്റ്ററി

കോട്ടയം ജില്ലയിൽ വൈക്കം താലൂക്കിൽ മൂവാറ്റുപുഴ നദിയോരത്ത് സ്ഥിതി ചെയ്യുന്ന ഗ്രാമം. മേവെള്ളൂർ സ്പെഷ്യൽ പഞ്ചായത്തിനു കീഴിലാണ് ഈ ഗ്രാമം. ഇന്ത്യയിലെ ഏറ്റവും വലിയ പേപ്പർ ഫാക്റ്ററികളിൽ ഒന്നായ ഹിന്ദുസ്ഥാൻ ന്യൂസ്പ്രീന്റ് ലിമിറ്റെഡ് (എച്. എൻ.എൽ), കൊച്ചിൻ സിമന്റ്സ് ലിമിറ്റഡ് എന്നീ സ്ഥാപനങ്ങൾ ഈ പ്രദേശത്താണ്. പിറവം റോഡ് റെയിൽവേ സ്റ്റേഷൻ വെള്ളൂർ ഗ്രാമത്തിലാണ്. പ്രസിദ്ധമായ വെള്ളൂർ വാമനസ്വാമി ക്ഷേത്രം ഇവിടെയാണ്.

ഭൂമിശാസ്ത്രം

മൂവാറ്റുപുഴയാറിന്റെ തീരത്ത് സ്ഥിതി ചെയ്യുന്ന ഈ ഗ്രാമം വൈക്കത്ത് നിന്ന് ഏകദേശം 12 കിലോമീറ്റർ (7.5 മൈൽ) അകലെയാണ്. പിറവം വലിയപള്ളി (10 കിലോമീറ്റർ), വൈക്കം മഹാദേവ ക്ഷേത്രം (14 കിലോമീറ്റർ), കാഞ്ഞിരമറ്റം പള്ളി (10 കിലോമീറ്റർ) എന്നിവയാണ് ഈ പ്രദേശത്തെ പ്രധാന ആരാധനാലയങ്ങൾ. കീവള്ളൂർ ശ്രീ വാമനസ്വാമി ക്ഷേത്രം ഈ ഗ്രാമത്തിൽ സ്ഥിതി ചെയ്യുന്ന പ്രശസ്തമായ ഒരു ക്ഷേത്രമാണ്. മഹാവിഷ്ണുവിന്റെ അവതാരമായ വാമനന് സമർപ്പിച്ചിരിക്കുന്ന വളരെ ചുരുക്കം ക്ഷേത്രങ്ങളിൽ ഒന്നാണിത്. വളരെ വലുതായ ഈ ക്ഷേത്രം നിലവിൽ മാനേജർമാർ തമ്മിലുള്ള വ്യവഹാരത്തിന്റെ ഫലമായി കേരള ഹൈക്കോടതിയുടെ ഉത്തരവ് പ്രകാരം തിരുവിതാംകൂർ ദേവസ്വം ബോർഡിന്റെ നിയന്ത്രണത്തിലാണ്. ഹിന്ദുസ്ഥാൻ ന്യൂസ്പ്രിന്റ് ലിമിറ്റഡ് ഗ്രാമത്തിന്റെ പ്രധാന അടയാളമാണ്. പിറവം റോഡ് റെയിൽവേ സ്റ്റേഷനാണ് ഏറ്റവും അടുത്തുള്ള റെയിൽവേ സ്റ്റേഷൻ.