ചെമ്പൻ നിഴൽത്തുമ്പി
| ചെമ്പൻ നിഴൽത്തുമ്പി | |
|---|---|
| |
| ആൺതുമ്പി | |
| |
| പെൺതുമ്പി | |
| Scientific classification | |
| Kingdom: | |
| Phylum: | |
| Class: | |
| Order: | |
| Family: | |
| Genus: | |
| Species: | Protosticta sanguinostigma
|
| Binomial name | |
| Protosticta sanguinostigma Fraser, 1922
| |
| Synonyms | |
| |
തവിട്ടുനിറത്തിൽ നീല കലർന്ന വെളുത്ത വരകളുള്ള നിഴൽത്തുമ്പി കുടുംബത്തിൽ ഉള്ള ഒരു സൂചിത്തുമ്പിയാണ് ചെമ്പൻ നിഴൽത്തുമ്പി (ശാസ്ത്രീയനാമം: Protosticta sanguinostigma).[2][3][4] ഇത് പശ്ചിമഘട്ടത്തിലെ ഒരു തദ്ദേശീയ തുമ്പിയാണ്.[1]
തവിട്ടുനിറമുള്ള ശരീരവും പച്ചനിറമുള്ള കണ്ണിലെ തവിട്ടു വളയവും, ചിറകിലെ ചെമ്പു പൊട്ടും ഇവയെ തിരിച്ചറിയുവാൻ സഹായിക്കുന്നു. പശ്ചിമഘട്ടത്തിൽ അപൂർവ്വമായി മാത്രം കാണപ്പെടുന്ന ഇവ കാട്ടരുവിയുടെ വശങ്ങളിലെ നനവാർന്നതും ചെങ്കുത്തായ പ്രദേശങ്ങളിലുമാണ് സാധാരണയായി കാണുന്നത്. കണ്ണിന് ഇളം പച്ച നിറവും കീഴ്ഭാഗം മങ്ങിയതുമാണ്. അതിൽ തവിട്ടുനിറമുള്ള ഒരു വളയവുമുണ്ട്. ഉരസ്സും ഉദരവും കടും തവിട്ടു നിറമാണ്. ഉരസ്സിലൂടെ നീലകലർന്ന വെളുത്ത വരയുമുണ്ട്. ഇളം തവിട്ടുനിറത്തിലുള്ള കാലിൽ കറുത്ത പാടുകളുണ്ട്. ഉദരത്തിൽ ഇളംനീലനിറത്തിലുള്ള വളയങ്ങളുണ്ട്. എട്ടാം ഖണ്ഡത്തിലെ വളയത്തിന് വലിപ്പം കൂടുതലാണ്. സുതാര്യമായ ചിറകുകളാണ് ഉള്ളത്. പെൺതുമ്പികളെ കാണാൻ കാഴ്ചയിൽ ആൺതുമ്പികളെപ്പോലെയാണെങ്കിലും അവയുടെ ഉദരം നീളക്കുറവുള്ളതും തടിച്ചതുമാണ്. ജലാശയത്തിൽ നിന്നും അല്പം ഉയരത്തിലുള്ള ഉണങ്ങിയ ഇലകളിലും തണ്ടുകളിലുമായിട്ടാണ് ഇവ സാധാരണയായി മുട്ടയിടാറുള്ളത്. ചില സ്ഥലങ്ങളിൽ കൂട്ടമായി കാണാൻ സാധിക്കുന്നു.നാലോ അഞ്ചോ തുമ്പികൾ കൂടിയ ചെറിയ കൂട്ടത്തിൽ ഒരു പെൺതുമ്പിയെ മാത്രമേ സാധാരണയായി കാണാൻ സാധിക്കൂ.[5][6][7][3]
ഇതും കാണുക[തിരുത്തുക]
അവലംബം[തിരുത്തുക]
- ↑ 1.0 1.1 Subramanian, K.A. (2011). "Protosticta sanguinostigma". IUCN Red List of Threatened Species. IUCN. 2011: e.T175192A7119987. ശേഖരിച്ചത് 2017-03-13.
{{cite journal}}: CS1 maint: uses authors parameter (link) - ↑ "World Odonata List". Slater Museum of Natural History. മൂലതാളിൽ നിന്നും 2021-10-05-ന് ആർക്കൈവ് ചെയ്തത്. ശേഖരിച്ചത് 2017-03-09.
- ↑ 3.0 3.1 "Protosticta sanguinostigma Fraser, 1922". Odonata of India, v. 1.00. Indian Foundation for Butterflies. ശേഖരിച്ചത് 2017-03-13.
- ↑ കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
- ↑ C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
- ↑ Subramanian, K. A. (2005). Dragonflies and Damselflies of Peninsular India - A Field Guide.
- ↑ "Protosticta sanguinostigma Fraser, 1922". India Biodiversity Portal. ശേഖരിച്ചത് 2017-03-13.
പുറത്തേക്കുള്ള കണ്ണികൾ[തിരുത്തുക]
ചെമ്പൻ നിഴൽത്തുമ്പി എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
ചെമ്പൻ നിഴൽത്തുമ്പി എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
