കുങ്കുമ നിഴൽത്തുമ്പി
| കുങ്കുമ നിഴൽത്തുമ്പി | |
|---|---|
_2008.jpg)
| |
| ആൺതുമ്പി | |
| |
| പെൺതുമ്പി | |
| Scientific classification | |
| കിങ്ഡം: | |
| Phylum: | |
| Class: | |
| Order: | |
| Family: | |
| Genus: | |
| Species: | I. deccanensis
|
| Binomial name | |
| Indosticta deccanensis (Laidlaw, 1915)
| |
| Synonyms | |
| |
തണൽപ്രദേശങ്ങളിൽ മഴക്കാലത്ത് മാത്രം കാണുന്ന കുങ്കുമ നിറമുള്ള നിഴൽത്തുമ്പി കുടുംബത്തിൽ ഉള്ള ഒരു സൂചിത്തുമ്പിയാണ് കുങ്കുമ നിഴൽത്തുമ്പി (ശാസ്ത്രീയനാമം: Indosticta deccanensis).[2][3][4] ഇത് പശ്ചിമഘട്ടത്തിലെ ഒരു തദ്ദേശീയ തുമ്പിയാണ്.[1]
കുങ്കുമ(കാവി) നിറത്തിലുള്ള ഉരസ്സും ഉദരത്തിന്റെ അഗ്രഭാഗങ്ങളിലെ ഇളം നീല പൊട്ടും ഇവയെ എളുപ്പം തിരിച്ചറിയുവാൻ സഹായിക്കുന്നു. പശ്ചിമഘട്ട വനമേഖലയിൽ അപൂർവ്വമായി കാണുന്നു. വനങ്ങളിൽ മഴക്കാലത്തുണ്ടാകുന്ന താത്കാലിക നീർച്ചാലുകളിലും അടിക്കാടുകളാൽ മൂടപ്പെട്ട സ്ഥലങ്ങളിലുമാണ് കാണപ്പെടുന്നത്. തലയുടെ മുൻവശത്തായി ഇളം നീല കലയുണ്ട്. തലയ്ക്ക് കറുപ്പു നിറവും കഴുത്തിന് ഇളം മഞ്ഞ നിറവുമാണ്. കണ്ണിനു കറുപ്പുനിറം. ചുവപ്പു കലർന്ന ഓറഞ്ച് നിറമുള്ള ഇവയുടെ ഉരസ്സിന്റെ അടിഭാഗം മങ്ങിയ മഞ്ഞ നിറമാണ്. കാലിന്റെ തുടക്കഭാഗങ്ങൾ മങ്ങിയ മഞ്ഞയും കീഴ്പോട്ട് പാദം വരെ നരച്ച ചുവപ്പു നിറവുമാണ്. ചുവപ്പു കലർന്ന തവിട്ടു നിറമുള്ള ഉദരത്തിന്റെ എട്ടാമത്തെയും ഒമ്പതാമത്തെയും ഖണ്ഡങ്ങൾക്ക് മുകളിലായി ഇളം നീല പൊട്ടുകളുണ്ട്. സുതാര്യമാണ് ഇവയുടെ ചിറകുകൾ. പെൺതുമ്പികൾ കാഴ്ചയിൽ ആൺതുമ്പികളെപ്പോലെയാണെങ്കിലും ഉരസ്സിൽ കൂടി ഇളംനീലയും കറുപ്പും വരകളുണ്ട്. ചെറിയ കൂട്ടങ്ങളായും ഇവയെ കാണപ്പെടുന്നു. പെൺതുമ്പികൾ ജലാശയത്തിനകലെയായിരിക്കും കാണപ്പെടുക. മിക്കപ്പോഴും നീല നീർത്തോഴൻ തുമ്പിയും ഇവയുടെ കൂടെയുണ്ടായിരിക്കും. കാടുകളിലെ ഇരുണ്ട പ്രദേശങ്ങളിൽ ഇവ പറക്കുമ്പോൾ ഉദരത്തിലെ നീലപ്പൊട്ടുകൾ മാത്രമേ കാണുകയുള്ളൂ.[5][6][7][3]
ചിത്രശാല
[തിരുത്തുക]_%E0%B4%95%E0%B5%81%E0%B4%99%E0%B5%8D%E0%B4%95%E0%B5%81%E0%B4%AE_%E0%B4%A8%E0%B4%BF%E0%B4%B4%E0%B5%BD%E0%B4%A4%E0%B5%8D%E0%B4%A4%E0%B5%81%E0%B4%AE%E0%B5%8D%E0%B4%AA%E0%B4%BF.jpg)
ഇതും കാണുക
[തിരുത്തുക]അവലംബം
[തിരുത്തുക]- ↑ 1.0 1.1 "Platysticta deccanensis". IUCN Red List of Threatened Species. 2011. IUCN: e.T175200A7121240. 2011. Retrieved 2017-03-13.
{{cite journal}}: Unknown parameter|authors=ignored (help) - ↑ "World Odonata List". Slater Museum of Natural History. Archived from the original on 2021-10-05. Retrieved 2017-03-09.
- ↑ 3.0 3.1 "Indosticta deccanensis Laidlaw, 1915". Odonata of India, v. 1.00. Indian Foundation for Butterflies. Retrieved 2017-03-13.
- ↑ കേരളത്തിലെ തുമ്പികൾ (Dragonflies and Damselflies of Kerala), David V. Raju, Kiran C. G. (2013)
- ↑ C FC Lt. Fraser (1933). The Fauna of British India, including Ceylon and Burma, Odonata Vol. I. Red Lion Court, Fleet Street, London: Taylor and Francis.
- ↑ Subramanian, K. A. (2005). Dragonflies and Damselflies of Peninsular India - A Field Guide.
- ↑ "Platysticta deccanensis Laidlaw, 1915". India Biodiversity Portal. Retrieved 2017-03-13.
പുറത്തേക്കുള്ള കണ്ണികൾ
[തിരുത്തുക]
കുങ്കുമ നിഴൽത്തുമ്പി എന്ന ജീവവർഗ്ഗവുമായി ബന്ധപ്പെട്ട വിവരങ്ങൾ വിക്കിസ്പീഷിസിൽ കാണുക.
കുങ്കുമ നിഴൽത്തുമ്പി എന്ന വിഷയവുമായി ബന്ധമുള്ള കൂടുതൽ പ്രമാണങ്ങൾ (വിക്കിമീഡിയ കോമൺസിൽ)
