എം.ജി.കെ. മേനോൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഇന്ത്യയിലെ പ്രമുഖ ഭൗതിക ശാസ്ത്രജ്ഞന്മാരിലൊരാളായിരുന്നു മാമ്പിളളിക്കളത്തിൽ ഗോവിന്ദ കുമാർ മേനോൻ എന്ന എം.ജി.കെ മേനോൻ (28 ആഗസ്ററ് 1928 - 22 നവംബർ 2016). വിപി സിംഗ് മന്ത്രിസഭയിൽ ശാസ്ത്ര സാങ്കേതിക,വിദ്യാഭ്യാസ സഹമന്ത്രിയായിരുന്നു. പദ്മശ്രീ (1961), പദ്മഭൂഷൺ (1968), പദ്മവിഭൂഷൺ (1985) എന്നീ പുരസ്‌ക്കാരങ്ങൾ ഇദ്ദേഹം നേടിയിട്ടുണ്ട്.

ജീവിതരേഖ[തിരുത്തുക]

ജനനം മംഗലാപുരത്ത് ആഗസ്ററ് 28,1928. അഛൻ ജോധ്പുർ കൊട്ടരത്തിലെ ഉയർന്ന ഉദ്യോഗസ്ഥനായിരുന്നു. ജോധ്പൂരിലെ ജസ്വന്ത് കോളേജിൽ നിന്നും ബോംബേയിലെ റോയൽ ഇൻസ്റ്റിറ്റ്യൂട്ട് ഓഫ് സയൻസിൽ നിന്നും ബിരുദങ്ങൾ നേടിയ ശേഷം ബ്രിസ്ററൾ യുണിവഴ്സിററിയിൽ നിന്ന് 1953-ൽ പി.എച്ച്.ഡി എടുത്തു. 1955-ൽ ഇന്ത്യയിലേക്കു തിരിച്ചു വന്ന് ടാറ്റാ ഇൻസ്റ്റിറ്റ്യൂട്ട് ഓഫ് ഫണ്ടമെന്റൽ റിസേർച്ചിൽ (ടി.ഐ.എഫ്.ആർ) ജോലി സ്വീകരിച്ചു.1966-96 കാലയളവിൽ ടി.ഐ.എഫ്.ആറിൻറെ ഡയറക്ടർ, ശാസ്ത്ര സാങ്കേതിക വകുപ്പു സെക്രട്ടറി, പ്ലാനിംഗ് കമ്മീഷൻ മെംബർ; രാജ്യസഭാംഗം എന്നീ പദവികളിൽ സേവനമനുഷ്ടിച്ചു. 1972 ജനുവരി മുതൽ സപ്തംബർ വരെ ഐ.എസ്.ആർ.ഓ (Indian Space Research Organisation)യുടെ മേധാവിയുമായിരുന്നു.

റോയൽ സൊസൈററിയിലേയും ഇന്ത്യയിലെ മൂന്ന് ശാസ്ത്ര അക്കാദമികളിലേയും അംഗമായി പ്രവർത്തിച്ച ഡോക്ടർ മേനോൻറെ ഗവേഷണ മേഖല കോസ്മിക് കിരണങ്ങളും പാർട്ടിക്ക്ൾ ഫിസിക്സും ആയിരുന്നു.

അവലംബം[തിരുത്തുക]

  • Indian Academy of Sciences Year Book 2011 website www.ias.ac.in
  • Third World Academy of Sciences Year Book 2011 website www.twas.org
"https://ml.wikipedia.org/w/index.php?title=എം.ജി.കെ._മേനോൻ&oldid=2438638" എന്ന താളിൽനിന്നു ശേഖരിച്ചത്