ഹർ ഗോവിന്ദ്‌ ഖുരാന
ഹർ ഗോവിന്ദ്‌ ഖുരാന  | |
|---|---|
 ഹർ ഗോവിന്ദ്‌ ഖുരാന | |
| ജനനം | ജനുവരി 9, 1922 |
| മരണം | നവംബർ 9, 2011 (89 വയസ്സ്) കോൺകോർഡ്, മസാച്ചുസെറ്റ്സ്, യുഎസ്. |
| ദേശീയത | അമേരിക്ക |
| കലാലയം | University of Liverpool(Ph.D.) University of the Punjab, Lahore(B.S.)(M.S.) |
| അറിയപ്പെടുന്നത് | First to demonstrate the role of Nucleotides in protein synthesis |
| അവാർഡുകൾ | വൈദ്യശാസ്ത്രത്തിൽ നോബൽ സമ്മാനം (1968) |
| Scientific career | |
| Fields | തന്മാത്രാ ജീവശാസ്ത്രം |
| Institutions | MIT(1970 - ) University of Wisconsin, Madison(1960-70) University of British Columbia(1952-60) Cambridge University(1950-52) Swiss Federal Institute of Technology, Zurich (1948-49) |
 |
ജീവന്റെ ഭാഷമനസ്സിലാക്കാനുള്ള മനുഷ്യന്റെ അന്വേഷണത്തിനും പരീക്ഷണത്തിനും നിർണായകമായ സംഭാവനകൾ നൽകിയ ഇന്ത്യൻ ശാസ്‌ത്രജ്ഞനാണ്‌ ഹർ ഗോവിന്ദ്‌ ഖുരാന (ജനുവരി 9, 1922 - നവംബർ 9 2011). ജനിതക എൻജിനീയറിംഗിലെ ലോകത്തിലെ ഏറ്റവും ശ്രദ്ധേയ വ്യക്തികളിലൊന്നായി പരിഗണിക്കപ്പെടുന്നു.[അവലംബം ആവശ്യമാണ്]
ജീവിതരേഖ
[തിരുത്തുക]1922 ജനുവരി 9-ന് ഇപ്പോഴത്തെ പാകിസ്താനിൽ സ്ഥിതി ചെയ്യുന്ന പഞ്ചാബിലെ റായ്‌പൂരിൽ ഗണപത് റായി ഖുറാന , കൃഷ്ണ ദേവി ഖുറാന എന്നിവരുടെ അഞ്ച് മക്കളിൽ ഇളയവനായി ജനിച്ചു[1] [2]. പിതാവ്‌ ബ്രിട്ടീഷ് ഇന്ത്യ ഗവൺമെന്റിൽ കാർഷികാദായ നികുതി ഗുമസ്‌തനായിരുന്നു. മുൾട്ടാൻ ദയാനന്ദ് ആംഗ്ളോ വേദിക്ക് [3] സ്‌കൂളിൽ സ്‌കൂൾ വിദ്യാഭ്യാസം പൂർത്തിയാക്കിയ ശേഷം പഞ്ചാബ് സർവകലാശാലയിൽ നിന്ന്‌ 1943 ൽ ബിരുദവും 1945 ൽ ബിരുദാനന്തര ബിരുദവും പൂർത്തിയാക്കി. ഭാരത സർക്കാരിന്റെ സ്‌കോളർഷിപ്പ്‌ ലഭിച്ചതിനെ തുടർന്ന്‌ ഇംഗ്ലണ്ടിലെ ലിവർപൂൾ സർവകലാശാലയിൽ നിന്ന്‌ 1948 ൽ ഡോക്‌ടറൽ ബിരുദം നേടി. തുടർന്ന്‌ സൂറച്ചിൽ പോസ്റ്റ്‌ ഡോക്‌ടറൽ ഗവേഷണവും നടത്തി. ഭാരത്തിലെത്തി ഡൽഹി സർവകലാശാലയിൽ അദ്ധ്യാപകനാകാൻ ആഗ്രഹിച്ചെങ്കിലും അപേക്ഷ നിരസിച്ചതിനെ തുടർന്ന്‌ വിദേശത്ത്‌ തന്നെ ശ്രദ്ധകേന്ദ്രീകരിച്ചു. പിന്നീട്‌ അമേരിക്കൻ പൗരത്വം സ്വീകരിക്കുകയും ചെയ്തു[4]. 1949 മുതൽ 1952 വരെ കേംബ്രിഡ്‌ജിൽ.
1952-ൽ കാനഡയിലെ വാൻകോവറിലെ ബ്രിട്ടീഷ് കൊളംബിയ സർവകലാശാലയിൽ അദ്ധ്യാപകനായി.
1960 ൽ മാഡിസൺ വിസ്കോൺസിൻ സർവകലാശാലയുടെ ഇൻസ്റ്റിറ്റ്യൂട്ട് ഫോർ എൻസൈം റിസർച്ചിൽ കോ - ഡയറക്ടറായി. ശരീരത്തിൽ ജീവശാസ്‌ത്രപ്രവർത്തനത്തിന്‌ ആവശ്യമായ 'കോഎൻസൈം എ' എന്ന രാസവസ്‌തു കണ്ടെത്തി. പരീക്ഷണശാലയിൽ ജനിതകരേഖ മനസ്സിലാക്കാൻ സാധിച്ചത്‌ ജൈവസാങ്കേതിക രംഗത്തെ അമൂല്യ നേട്ടമായി. ഈ സംഭാവനക്ക്‌ 1968-ൽ വൈദ്യശാസ്ത്രത്തിനുള്ള നോബൽ പുരസ്കാരം മാർഷൽ.ഡബ്ള്യു.നിരെൻബെർഗ്,റോബർട്ട് ഡബ്ള്യു ഹോലെ എന്നിവരുമായി പങ്കിട്ടു[1][5].കൊളംബിയ സർവകലാശാലയുടെ ലൂയിസ ഗ്രോസ് ഹോർവിറ്റ്സ് പ്രൈസും അതേ വർഷം അദ്ദേഹത്തിന് ലഭിക്കുകയുണ്ടായി.
1970-ൽ അമേരിക്കയിലെ എം.ഐ.ടിയിൽ ആൽഫ്രഡ്‌ സ്ലോവൻ പ്രൊഫസർ എന്ന അദ്ധ്യാപക സ്ഥാനം സ്വീകരിച്ചു [6].
1976-ൽ ഖുറാനയുടെ നേതൃത്വത്തിലുള്ള സംഘം 'എസ്‌ചെരിഷ്യ കോളൈ' എന്ന ബാക്‌ടീരിയയിൽ പഠനം നടത്തി. ഈ കൃത്രിമ ജീൻ സംയോജനം വൻ വിജയമായിരുന്നു. പരീക്ഷണത്തെ തുടർന്ന്‌ സ്വാഭാവിക ജീനിന്റെ രീതികളാണ്‌ ഇത്‌ പ്രകടിപ്പിച്ചത്‌. ഈ പരീക്ഷണം ജനതികശാസ്‌ത്ര മുന്നേറ്റത്തിലെ നാഴികകല്ലായി[7]. ജനതികരഹസ്യം കൂടുതൽ പുറത്തുകൊണ്ടുവന്ന്‌ ആതുരശുശ്രൂഷാ രംഗത്ത്‌ മികച്ചനേട്ടം കൈവരിക്കാനുള്ള ശ്രമങ്ങളിലാണ്‌ പ്രൊഫസർ ഖുരാന ഇപ്പോൾ ശ്രദ്ധകേന്ദ്രീകരിച്ചിരിക്കുന്നത്‌.[അവലംബം ആവശ്യമാണ്] 21-ആം നൂറ്റാണ്ട്‌ ജൈവസാങ്കേതിക വിദ്യയുടെ നൂറ്റാണ്ടായാണ്‌ ശാസ്‌ത്രസാങ്കേതിക ലോകം കണക്കാക്കുന്നത്‌. അതിനാൽ തന്നെ ഈ ഭാരതീയൻ സമകാലീന സാങ്കേതിക മുന്നേറ്റങ്ങളിലെ ഏറ്റവും ശ്രദ്ധേയ ശാസ്‌ത്രജ്ഞനാണ്‌.[അവലംബം ആവശ്യമാണ്]
സ്വിറ്റ്സർലണ്ടുകാരിയായ എസ്തർ എലിസബത്ത് സിബ്ബറെ 1952ൽ വിവാഹം ചെയ്തു. ജൂലിയ, ദാവേ എന്നിവർ മക്കളാണ്. 2011 നവംബർ 9ന് എൻപത്തൊമ്പതാം വയസ്സിൽ അദ്ദേഹം മസ്സാച്യുസെറ്റ്സിൽ വെച്ച് മരണമടഞ്ഞു.
അംഗീകാരങ്ങൾ
[തിരുത്തുക]- വൈദ്യശാസ്‌ത്ര സംഭാവനയ്‌ക്കുള്ള നോബൽ പുരസ്കാരം
- അമേരിക്കയിലെ നാഷണൽ അക്കാദമി ഓഫ്‌ സയൻസ്‌ അംഗം
- അമേരിക്കൻ അസോസിയേഷൻ ഫോർ അഡ്വാൻസ്‌മെന്റ്‌ ഓഫ്‌ സയൻസ്‌ അംഗം.
അവലംബങ്ങൾ
[തിരുത്തുക]- ↑ 1.0 1.1 "The Nobel Prize in Physiology or Medicine 1968". The Nobel Foundation. Retrieved 2011-11-11. (From Nobel Lectures, Physiology or Medicine 1963-1970, Elsevier Publishing Company, Amsterdam, 1972)
- ↑ https://books.google.com/books?id=3AxIAgAAQBAJ&q=early+life+har+gobind+khorana&pg=PA653.
{{cite web}}: Missing or empty|title=(help) - ↑ https://www.hindustantimes.com/punjab/from-lahore-to-ambala-dav-college-carries-on-vedic-legacy/story-SRjcXGqemXGDwMHmWzWzdJ.html.
{{cite web}}: Missing or empty|title=(help) - ↑ "HG Khorana Britannica".
- ↑ "The Official Site of Louisa Gross Horwitz Prize".
- ↑ "MIT HG Khorana MIT laboratory".
- ↑ Khorana HG (1979-02-16). "Total synthesis of a gene". Science. 203 (4381): 614–25. doi:10.1126/science.366749. PMID 366749.
- Pages using the JsonConfig extension
- Pages using infobox scientist with unknown parameters
- Articles lacking sources
- All articles lacking sources
- 1922-ൽ ജനിച്ചവർ
- 2011-ൽ മരിച്ചവർ
- ജനുവരി 9-ന് ജനിച്ചവർ
- നവംബർ 9-ന് മരിച്ചവർ
- വൈദ്യശാസ്ത്രത്തിനുള്ള നോബൽ സമ്മാന ജേതാക്കൾ
- നോബൽ സമ്മാനം നേടിയ ഇന്ത്യക്കാർ
- ഇന്ത്യൻ ജൈവശാസ്ത്രജ്ഞർ