മഞ്ജു വാര്യർ
 | ഈ ലേഖനം ഏതെങ്കിലും സ്രോതസ്സുകളിൽ നിന്നുള്ള വേണ്ടത്ര തെളിവുകൾ ഉൾക്കൊള്ളുന്നില്ല. ദയവായി യോഗ്യങ്ങളായ സ്രോതസ്സുകളിൽ നിന്നുമുള്ള അവലംബങ്ങൾ ചേർത്ത് ലേഖനം മെച്ചപ്പെടുത്തുക. അവലംബമില്ലാത്ത വസ്തുതകൾ ചോദ്യം ചെയ്യപ്പെടുകയും നീക്കപ്പെടുകയും ചെയ്തേക്കാം. |
മഞ്ജു വാരിയർ | |
|---|---|
 മഞ്ജു വാരിയർ | |
| ജനനം | മഞ്ജു വാര്യർ 10 സെപ്റ്റംബർ 1979 നാഗർകോവിൽ, തമിഴ് നാട്, ഇന്ത്യ |
| സജീവ കാലം | 1995–1999, 2014-തുടരുന്നു |
| ജീവിതപങ്കാളി(കൾ) | |
| കുട്ടികൾ | മീനാക്ഷി |
| വെബ്സൈറ്റ് | http://manjuwarrier.com/ |
മലയാള സിനിമയിലെ നായിക നടിയാണ് മഞ്ജു വാര്യർ. സ്കൂൾ വിദ്യാഭാസ കാലഘട്ടത്തിൽ തന്നെ പ്രതിഭ തെളിയിച്ച മഞ്ജു രണ്ട് വർഷം തുടർച്ചയായി കേരള സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം നേടി. സഹോദരൻ മധു വാര്യരും ചലച്ചിത്ര അഭിനേതാവാണ്‌.
17-ആം വയസ്സിൽ സാക്ഷ്യം (1995) എന്ന ചിത്രത്തിലൂടെ അഭിനയരംഗത്തേക്ക് കടന്നു.
ജീവിത രേഖ
[തിരുത്തുക]1978 സെപ്റ്റംബർ 10 നു തമിഴ്നാട്ടിലെ നാഗർകോവിലിൽ ഗിരിജ വാര്യരുടെയും മാധവ വാര്യരുടെയും മകളായി ജനിച്ചു. കണ്ണൂർ ചിന്മയ വിദ്യാലയത്തിലും കണ്ണൂരിലെ ചൊവ്വ ഹയർസെക്കണ്ടറി സ്കൂളിലുമായി സ്കൂൾ വിദ്യാഭ്യാസം പൂർത്തിയാക്കി. 1998-ൽ നടൻ ദിലീപിനെ വിവാഹം കഴിച്ച മഞ്ജു വാര്യർ അഭിനയം നിർത്തി. 2014-ൽ വിവാഹമോചനത്തിന് ശേഷം കല്യാൺ ജ്വല്ലറിയുടെ പരസ്യത്തിൽ ഇതിഹാസ നടൻ അമിതാബ് ബച്ചൻറെ കൂടെ അഭിനയിച്ചുകൊണ്ടാണ് ക്യാമറയ്ക്ക് മുന്നിലേക്ക്‌ തിരിച്ചെത്തിയത്‌. നിരൂപകപ്രശംസ നേടിയതും വാണിജ്യപരമായി വിജയിച്ചതുമായ ഹൗ ഓൾഡ് ആർ യു എന്ന ചിത്രത്തിലൂടെ അവർ സിനിമയിലേക്കും മടങ്ങിയെത്തി.[1]
അഭിനയ ജീവിതം
[തിരുത്തുക]രണ്ട് വർഷം തുടർച്ചയായി സംസ്ഥാന സ്കൂൾ യുവജനോത്സവത്തിൽ കലാ തിലകം പട്ടം അണിഞ്ഞിട്ടുള്ള മഞ്ജു വാര്യർ 1995-ൽ പുറത്തിറങ്ങിയ സാക്ഷ്യം എന്ന ചലച്ചിത്രത്തിലാണ് ആദ്യമായി അഭിനയിച്ചത്[2]. തന്റെ 18-മത്തെ വയസ്സിൽ സല്ലാപം (1996) എന്ന ചലച്ചിത്രത്തിലെ നായികാ കഥാപത്രം അവതരിപ്പിച്ച് ശ്രദ്ധേയയായി. അതിൽ നായകനായി അഭിനയിച്ചത് ദിലീപ് ആയിരുന്നു. അതിനു ശേഷം ഏകദേശം 20 ഓളം മലയാള സിനിമകളിൽ മൂന്ന് വർഷത്തെ കാലയളവിൽ വ്യക്തിത്വമുള്ള ഒട്ടേറെ നായികാ കഥാപാത്രങ്ങളിലൂടെ മഞ്ജു പ്രേക്ഷകരെയും സഹപ്രവർത്തകരെയും ഒരു പോലെ വിസ്മയിപ്പിച്ചു. ഈ പുഴയും കടന്ന് എന്ന ചിത്രത്തിലെ അഭിനയത്തിന് മഞ്ജുവിന് മികച്ച അഭിനേത്രിക്കുള്ള സംസ്ഥാന ചലച്ചിത്ര അവാർഡ് ലഭിച്ചു. 1999-ൽ കണ്ണെഴുതി പൊട്ടൂം തൊട്ട് എന്ന ചിത്രത്തിലെ അഭിനയത്തിന് ദേശീയ ജൂറിയുടെ പ്രത്യേക പരാമർശവും ലഭിച്ചു. നടൻ ദിലീപുമായിട്ടുള്ള വിവാഹത്തിനു ശേഷം മഞ്ജു വാര്യർ സിനിമ അഭിനയം നിർത്തി. 14 വർഷങ്ങൾക്കു ശേഷം 2012 ഒക്ടോബർ 24-നാണ് മഞ്ജു വാര്യർ വീണ്ടും അരങ്ങിലെത്തിയത്. ഗുരുവായൂർ ക്ഷേത്ര സന്നിധിയിലെ മേൽപ്പത്തൂർ ഓഡിറ്റോറിയത്തിലാണ് അവർ നൃത്തം ചെയ്തത്. മലയാളത്തിൽ വ്യക്തിത്വമുള്ള സ്ത്രീ കഥാപാത്രങ്ങൾ കുറയുമ്പോഴുണ്ടാകുന്ന ചർച്ചകളിൽ എപ്പോഴും മഞ്ജു വാര്യർ എന്ന പേര് ഒന്നാമതായി ഉയർന്നിരുന്നു.[3] 16 വർഷങ്ങൾക്കു ശേഷം 2014-ൽ ഹൗ ഓൾഡ് ആർ യൂ ? എന്ന ചിത്രത്തിലൂടെ തിരിച്ചു വരവ് നടത്തി. നിരവധി ജനപ്രിയ സിനിമകളിൽ അഭിനയിച്ചുകൊണ്ടിരിക്കുന്നു.
'കണ്ണെഴുതി പൊട്ടുംതൊട്ട്' എന്ന ചിത്രത്തിലെ 'ചെമ്പഴുക്കാ ചെമ്പഴുക്കാ...' എന്ന ഗാനം ആലപിച്ച മഞ്ജു ആ രംഗത്തും പ്രേക്ഷകപ്രീതി നേടി.[4] ജാക്ക് ആൻഡ് ജിൽ എന്ന സിനിമയ്ക്കായി ആലപിച്ച 'കിം കിം കിം...' എന്ന പാട്ട് വളരെയേറെ ജനപ്രീതി നേടി.[5]
ചലച്ചിത്രങ്ങൾ
[തിരുത്തുക]അഭിനേതാവായി
[തിരുത്തുക]- സിനിമകൾ മലയാളം ഭാഷയിലാണ്, അല്ലാത്തപക്ഷം നോട്ട് ചെയ്തിട്ടുണ്ട്.
ശബ്ദ സാന്നിധ്യം
[തിരുത്തുക]പുരസ്കാരങ്ങൾ
[തിരുത്തുക]- 1999 – പ്രത്യേക ജൂറി പരാമർശം – കണ്ണെഴുതി പൊട്ടുംതൊട്ട്
- 1996 – മികച്ച നടി – ഈ പുഴയും കടന്ന്
- 1998 – മികച്ച നടി – കന്മദം
- 1999 – മികച്ച നടി – കണ്ണെഴുതി പൊട്ടുംതൊട്ട്, പത്രം
- ഫിലിംഫെയർ പുരസ്കാരം
- 1996 – മികച്ച നടി (മലയാളം) – ഈ പുഴയും കടന്ന്
- 1998 – മികച്ച നടി (മലയാളം) – കന്മദം
- 1999 – മികച്ച നടി (മലയാളം) – പത്രം
- സ്ക്രീൻ-വീഡിയോകോൺ പുരസ്കാരം
- 1996 – മികച്ച നടി – ഈ പുഴയും കടന്ന്
- 1997 – മികച്ച നടി – ആറാം തമ്പുരാൻ, കൃഷ്ണഗുഡിയിൽ ഒരു പ്രണയകാലത്ത്
- ഫിലിം ഫാൻസ് പുരസ്കാരം
- 1996 – മികച്ച നടി – തൂവൽ കൊട്ടാരം
- 2023-ജെ.സി ഡാനിയേൽ ഫൗണ്ടേഷന്റെ മികച്ച നടിക്കുള്ള പുരസ്കാരം-(ആയിഷ’, ‘വെള്ളിപ്പട്ടണം)[6]
അവലംബം
[തിരുത്തുക]- ↑ [https://m3db.com/manju-warrier / m3db] മഞ്ജു വാര്യർ
- ↑ "സാക്ഷ്യം ഐ.എം.ഡി.ബി. താൾ". Retrieved 2010 മേയ് 6.
{{cite web}}: Check date values in:|accessdate=(help) - ↑ "വീണ്ടും ചിലങ്കൾ കിലുങ്ങുന്നു". Archived from the original on 2013-03-18. Retrieved 2013-04-19.
- ↑ ചെമ്പഴുക്ക ചെമ്പഴുക്ക ഗാനം youtube
- ↑ കിം കിം കിം ഗാനം youtube
- ↑ "ജെ സി ഡാനിയേൽ ഫൗണ്ടേഷൻ പുരസ്കാരം; മികച്ച നടൻ കുഞ്ചാക്കോ ബോബൻ, നടി മഞ്ജു വാര്യർ". 2023-10-16. Retrieved 2023-10-18.
പുറത്തേക്കുള്ള കണ്ണികൾ
[തിരുത്തുക]
- Pages using infobox person with unknown empty parameters
- 1978-ൽ ജനിച്ചവർ
- സെപ്റ്റംബർ 10-ന് ജനിച്ചവർ
- മലയാളചലച്ചിത്രനടിമാർ
- കലാതിലകം പട്ടം ലഭിച്ച മലയാളചലച്ചിത്ര നടിമാർ
- മികച്ച നടിക്കുള്ള കേരളസംസ്ഥാന ചലച്ചിത്രപുരസ്കാരം ലഭിച്ചവർ
- കേരള സംഗീതനാടക അക്കാദമിയുടെ കലാശ്രീ പുരസ്കാരം നേടിയവർ
- വാരിയർ
- വിവാഹമോചിതരായ ചലച്ചിത്രദമ്പതികൾ
- തൃശ്ശൂരിൽ നിന്നുള്ള ചലച്ചിത്രപ്രവർത്തകർ