ഈന്തപ്പന
വിക്കിപീഡിയ, ഒരു സ്വതന്ത്ര വിജ്ഞാനകോശം.
| പന എന്ന വാക്കാല് വിവക്ഷിക്കാവുന്ന ഒന്നിലധികം കാര്യങ്ങളുണ്ട്. അവയെക്കുറിച്ചറിയാന് പന (നാനാര്ത്ഥങ്ങള്) എന്ന താള് കാണുക. |  |
 |
||||||||||||||
|---|---|---|---|---|---|---|---|---|---|---|---|---|---|---|
 ഈന്തപ്പനകള്, മെര്സൌഗ, മൊറോക്കോ
|
||||||||||||||
|
|
||||||||||||||
|
സുരക്ഷിതം
|
||||||||||||||
| ശാസ്ത്രീയ വര്ഗീകരണം | ||||||||||||||
|
||||||||||||||
|
|
||||||||||||||
| Phoenix dactylifera L. |
മരുഭൂമിയില് സാധാരണ കണ്ടു വരുന്ന ഒരു ഫലവൃക്ഷമാണ് ഈന്തപ്പന. പ്രകൃതിദത്തമായി മരുപ്പച്ചകളില് കൂട്ടം കൂട്ടമായാണ് ഈന്തപ്പന വളരുന്നത്. Date Palm എന്ന് ഇംഗ്ലീഷിലും നഖ്ല എന്ന് അറബിയിലും അറിയപ്പെടുന്ന ഈന്തപ്പനയുടെ ശാസ്ത്രനാമം Phoenix dactylifera എന്നാണ്. അറബ് രാജ്യങ്ങളിലും, മറ്റ് വടക്കനാഫ്രിക്കന് രാജ്യങ്ങളിലും ഇത് വ്യാപകമായി കൃഷിചെയ്യപ്പെടുന്നുണ്ട്. സ്വാദിഷ്ടവും ഭക്ഷ്യയോഗ്യവുമായ ഫലം തരുന്ന ഒറ്റത്തടി വൃക്ഷമാണിത്. 15 മുതല് 25 മീറ്റര് വരെ വളരുന്ന ഈന്തപ്പനയുടെ ഫലം ഈന്തപ്പഴം അല്ലെങ്കില് ഈത്തപ്പഴം എന്ന പേരില് അറിയപ്പെടുന്നു. ഏക്കറുകണക്കിനു വരുന്ന കൃഷിയിടങ്ങളില് വാണിജ്യാടിസ്ഥാനത്തില് ഈന്തപ്പഴം കൃഷി ചെയ്തുവരുന്നു. അറബ് നാടുകളില് പാതയോരങ്ങളില് കൃഷി ചെയ്യുന്ന ഈന്തപ്പന ധാരാളം ഈന്തപ്പഴം തരുന്നതിനോടൊപ്പം നയന മനോഹരമായ ഒരു കാഴ്ച കൂടിയാണ്. ഈ പനയുടെ യഥാര്ത്ഥ ഉത്ഭവസ്ഥലം അജ്ഞാതമാണെങ്കിലും, ബി.സി. 6000 മുതല്ക്കുതന്നെ ഈ പന ഈജിപ്തിലും ഇറാക്കിലും പ്രധാന വിളകളിലൊന്നായിരുന്നതായി കരുതപ്പെടുന്നു. അന്പതോളം വിവിധ ഇനങ്ങളില് ഈന്തപ്പന ഇന്ന് ലഭ്യമാണ്. അറബ് രാജ്യങ്ങളെ കൂടാതെ അമേരിക്കയിലെ കാലിഫോര്ണിയ, വടക്കന് ആഫ്രിക്കന് രാജ്യങ്ങള്, സ്പെയിന്, പാകിസ്ഥാന്, ഇന്ത്യയുടെ ചില ഭാഗങ്ങളിലും ഈന്തപ്പന കൃഷിചെയ്യുന്നുണ്ട്.
ഉള്ളടക്കം |
[തിരുത്തുക] പ്രത്യേകതകള്
ഒറ്റത്തടി വൃക്ഷമാണ് ഈന്തപ്പന. പനജാതിയില്പ്പെട്ട എല്ലാ വൃക്ഷങ്ങളെപ്പോലെ മുകളറ്റത്താണ് "ഓലകള്" കാണപ്പെടുന്നത്. തെങ്ങോല പോലെ ഒരു തണ്ടില്നിന്നും ഇരുവശത്തേക്കുമാണ് ഇലകള് കാണപ്പെടുന്നത് (pinnate). ഓലകള്ക്ക് മൂന്നു മീറ്ററോളം നീളമുണ്ടെങ്കിലും, ഇലകള്ക്ക് ഒരടിയോളമേ നീളമുള്ളൂ. മാര്ച്ച് മാസത്തോടെ ഈന്തപ്പനകള് പൂക്കുന്നു. ജൂലൈ മാസത്തോടെ കായകള് പഴുക്കാന് തുടങ്ങും. ഒരു മരത്തില്നിന്ന് ഈ സീസണില് നൂറുകിലോയോളം ഈന്തപ്പഴങ്ങള് ലഭിക്കും.
നാലു വ്യത്യസ്ത പാകത്തിലുള്ള പഴങ്ങള് വിപണിയില് സീസണില് ലഭ്യമാണ്. കിമ്രി (പഴുക്കാത്തവ) ഖലാല് (പകുതി പഴുപ്പ്, കടിച്ചു മുറിച്ച് തിന്നാം) റുത്താബ് (പഴുത്ത്, വെണ്ണപോലെ മൃദുലമായ പഴം) തമര് (ഉണക്കിയ ഈന്തപ്പഴം). ഇതില് റുത്താബ് ആണ് ഏറ്റവും മാധുര്യമുള്ളത്. വെണ്ണപോലെ നനുത്ത റുത്താബ് ഈന്തപ്പഴങ്ങള് ശരിക്കും മാധുര്യമേറിയ ഒരു പഴംതന്നെയാണ്
സാധാരണയായി കാണപ്പെടുന്ന ഈന്തപ്പനകള് അഞ്ചു മുതല് എട്ടുമീറ്ററോളം ഉയരമുള്ളതാണെങ്കിലും, അവയ്ക്ക് പതിനഞ്ചുമുതല് ഇരുപത്തഞ്ചുമീറ്റര് വരെ ഉയരം വയ്ക്കാറുണ്ട്.
| Dried dates, deglet noor (edible parts) 100 g (3.5 oz)-ല് അടങ്ങിയ പോഷകമൂല്യം |
||||||||||||||
|---|---|---|---|---|---|---|---|---|---|---|---|---|---|---|
| ഊര്ജ്ജം 280 kcal 1180 kJ | ||||||||||||||
|
||||||||||||||
| Percentages are relative to US recommendations for adults. Source: USDA Nutrient database |
||||||||||||||
[തിരുത്തുക] ഈന്തപ്പഴങ്ങള്
ഈന്തപ്പഴങ്ങള് കുലകളായാണ് കാണപ്പെടുന്നത്. ഒരു കുലയ്ക്ക് അഞ്ചുമുതല് പത്തു കിലോ വരെ ഭാരം വരാം. പനയുടെ ഇനമനുസരിച്ച് മഞ്ഞ, ഓറഞ്ച്, കടും ചുവപ്പ് തുടങ്ങിയ വര്ണ്ണങ്ങളിലാണ് ഈന്തപ്പഴങ്ങള് കാണപ്പെടുന്നത്. പൂക്കുലകളുടെ തണ്ടുകള് ഇലകള്കിടയില്നിന്നുമാണ് പുറപ്പെടുന്നത്, പഴങ്ങള് പാകമാവുന്നതോടെ അവ നീണ്ട് പുറത്തേക്കെത്തുന്നു. ഭാരമേറിയ പഴക്കുലകളും വഹിച്ചുനില്ക്കുന്ന ഈന്തപ്പനകള് മനോഹരമായ ഒരു കാഴ്ചയാണ്.
പഴങ്ങള് പാകമാകുന്നതോടെ മാര്ക്കറ്റില് ഇവയ്ക്കായി പ്രത്യേകം സ്റ്റാളുകള് തുറക്കും. പലവലിപ്പത്തിലും, നിറത്തിലും, രുചിയിലുമുള്ള പഴങ്ങള് കുറഞ്ഞവിലയില് ധാരാളമായി സീസണില് ലഭിക്കും. പഴങ്ങളില് ജലാംശം കുറവാണ്. അതിനാല് ഈന്തപ്പഴങ്ങള് ഉണങ്ങിയാലും, പഴുത്തപഴത്തോളം തന്നെ വലിപ്പം ഉണ്ടായിരിക്കും.
[തിരുത്തുക] ഉപോല്പ്പന്നങ്ങള്
ഈന്തപ്പനയോലയില്നിന്നും, ചകിരിയില് നിന്നും ഉണ്ടാക്കുന്ന പായ, കുട്ടകള്, തൊപ്പികള് തുടങ്ങിയ കരകൗശലവസ്തുക്കള് എന്നിവയും ഗള്ഫ് നാടുകളില് ലഭ്യമാണ്. പണ്ടുകാലങ്ങളില് ഇവയുടെ ഉപയോഗം വ്യാപകമായിരുന്നു. പനയുടെ തടി പണ്ട് വീടുകളുടെ നിര്മ്മാണത്തിനും, വഞ്ചികളുടെ നിര്മ്മാണത്തിനും, ഇന്ധനമായും, ഉപയോഗിച്ചിരുന്നു. ഈന്തപ്പനക്കുരുവില്നിന്നും എടുക്കുന്ന എണ്ണ; സോപ്പ്, കോസ്മെറ്റിക്സ് നിര്മ്മാണ മേഖലയില് ഉപയോഗിക്കുന്നുണ്ട്. ഈന്തപ്പഴ കുരുവും, കായയും നല്ലൊരു കാലിത്തീറ്റകൂടിയാണ്.
[തിരുത്തുക] പ്രജനനം
ആണ്-പെണ് പൂവുകള് വെവ്വേറെ പനകളിലാണ് ഉണ്ടാകുന്നത് - അതിനാല് ആണ്പനയും പെണ്പനയും ഉണ്ട്. കൃഷിത്തോട്ടങ്ങളിലും മറ്റും പെണ്പനകളാണ് കൂടുതലായും നട്ടുവളര്ത്തുന്നത്. ഈന്തപ്പന പൂക്കുന്ന സീസണില് കൃത്രിമ പരാഗണം വഴിയാണ് പൂക്കളില് വാണിജ്യാടിസ്ഥാനത്തില് പ്രജനനം നടത്തുക. ഒരു പനയുടെ ചുവട്ടില്നിന്നും, മറ്റുപല കാണ്ഡങ്ങളും മുളച്ചുവരും. ഈ കാണ്ഡങ്ങള് വേര്പിരിച്ചു നട്ടാണ് പുതിയ പനകള് കൃഷിചെയ്യുന്നത്.
വിത്തുകള് കിളിര്പ്പിച്ചും പനംതൈകള് വളര്ത്താമെങ്കിലും, ഇങ്ങനെയുണ്ടാകുന്ന പനകളുടെ പഴങ്ങള്ക്ക് ഗുണവും വലിപ്പവും കുറവായിരിക്കും. മാത്രവുമല്ല, ആണ്-പെണ് പനകള് തിരിച്ചറിയുക പ്രായോഗികവുമല്ല. പ്രകൃത്യാ കാണപ്പെടുന്ന പനകള് കായ്ക്കുന്നതിന് ഏഴുമുതല് എട്ടുവരെ വര്ഷങ്ങള് എടുക്കുമെങ്കിലും, ടിഷ്യു കള്ച്ചര് വഴി ഉല്പ്പാദിപ്പിക്കപ്പെടുന്ന പനകള് വളരെ ചെറിയപ്രായത്തില്ത്തന്നെ കായ്ച്ചു തുടങ്ങുന്നു.
[തിരുത്തുക] അലങ്കാരത്തിന്
ഗള്ഫ് നാടുകളിലെ റോഡുകളുടെ ഓരങ്ങള്, പാര്ക്കുകള് എന്നിവ മോടിപിടിപ്പിക്കുന്നതിനും, കെട്ടിടങ്ങളുടെ ലാന്റ്സ്കേപ്പിംഗ് തുടങ്ങിയവയ്ക്കും ഈന്തപ്പനകള് ധാരാളമായി ഉപയോഗിക്കുന്നു. വലിയ പനകള് ഫാമുകളില്നിന്നും അങ്ങനെതന്നെ പിഴുതുകൊണ്ടുവന്ന് പുതിയ സ്ഥലത്തേക്ക് നടുകയാണ് ചെയ്യുന്നത്. വളരെ വേഗത്തില് പുതിയ സ്ഥലത്ത് അവ വേരുപിടിക്കുകയും ചെയ്യും.
[തിരുത്തുക] ആഹാരത്തിന്
ഗള്ഫ് രാജ്യങ്ങളില് പൊതുവേ, അറബ്വംശജരുടെ സല്ക്കാരങ്ങളിലും, ദൈനംദിന ഭക്ഷണങ്ങളിലും ഈന്തപഴങ്ങള്ക്ക് സമുന്നതമായ ഒരു സ്ഥാനമാണുള്ളത്. റംസാന് മാസത്തോടനുബന്ധിച്ചുള്ള "നോമ്പുതുറക്കല്" ഈന്തപ്പഴവും വെള്ളവും (അല്ലെങ്കില് എന്തെങ്കിലും പഴച്ചാറ്) കഴിച്ചുകൊണ്ടാണ് മുസ്ലിങ്ങള് നിര്വ്വഹിക്കുക. ഈന്തപ്പഴ സംസ്കരണം വളരെ വികസിച്ച ഒരു വ്യവസായമാണിന്ന്. ഉണങ്ങിയ ഈന്തപ്പഴങ്ങള് കൂടാതെ, ഇവയിലെ വിത്ത് മാറ്റി അവിടെ ബദാം വച്ച് സ്റ്റഫ് ചെയ്തവ, ഈത്തപ്പഴ സിറപ്പ് അഥവാ ഈന്തപ്പഴത്തേന്, ഈന്തപ്പഴ പേസ്റ്റ്, ഈന്തപ്പഴ പഞ്ചസാര, ഈന്തപ്പഴ വിനീഗര്, ഈന്തപ്പഴ ജ്യൂസ്, ഈന്തപ്പഴ ചോക്ലേറ്റ്, ഈന്തപ്പഴ ബിസ്കറ്റ് തുടങ്ങി പലവിധത്തിലുള്ള ഈന്തപ്പഴ ഉല്പ്പന്നങ്ങള് മാര്ക്കറ്റില് ഉണ്ട്.
ഒരു മരത്തിന്റെ വേരുമുതല് തലവരെ എല്ലാഭാഗങ്ങളും ഒരുവിധത്തിലല്ലെങ്കില് മറ്റൊരുവിധത്തില് ഉപയോഗപ്രദമാവുമ്പോഴാണ് ആ മരത്തെ കല്പ്പവൃക്ഷം എന്നു വിളിക്കുന്നത്. "അറബിനാട്ടിലെ കല്പ്പവൃക്ഷം" എന്ന പേരിന് ഈന്തപ്പന എന്തുകൊണ്ടും അര്ഹമാണ്.
[തിരുത്തുക] ആധാരസൂചിക
[തിരുത്തുക] ചിത്രശാല
 |
 |
 |
[തിരുത്തുക] കുറിപ്പുകള്
ഈ ലേഖനവുമായി ബന്ധപ്പെട്ട കൂടുതല് പ്രമാണങ്ങള് ലഭ്യമാണ്
