നീരാൽ
 |
ഈ ലേഖനത്തിനു മിഴിവേകാൻ ചിത്രങ്ങൾ ചേർക്കുന്നത് നന്നായിരിക്കും. താങ്കളുടെ കൈവശം സ്വതന്ത്ര ചിത്രങ്ങൾ ഉണ്ടെങ്കിൽ ദയവായി അത് വിക്കിപീഡിയയിലേക്ക് അപ്ലോഡ് ചെയ്യുകയും ലേഖനത്തിൽ ചേർക്കുകയും ചെയ്യുക. |
| നീരാൽ | |
|---|---|
| ശാസ്ത്രീയ വർഗ്ഗീകരണം | |
| സാമ്രാജ്യം: | Plantae |
| (unranked): | Angiosperms |
| (unranked): | Eudicots |
| (unranked): | Rosids |
| നിര: | Celastrales |
| കുടുംബം: | Celastraceae |
| ജനുസ്സ്: | Cassine |
| വർഗ്ഗം: | C. kedarnathii |
| ശാസ്ത്രീയ നാമം | |
| Cassine kedarnathii Sasidh. & Swarupan. |
|
സെലാസ്ട്രേസീ (Celastraceae) സസ്യകുടുംബത്തിൽപ്പെടുന്ന വൻവൃക്ഷമാണ് നീരാൽ. (ശാസ്ത്രീയനാമം: Cassine kedarnathii). [1] ധാരാളം ജലം സംഭരിച്ചു വയ്ക്കുന്നതിനാൽ ഈ വൃക്ഷത്തെ തണ്ണിമരം അഥവാ നീരാൽ എന്നും വിളിക്കുന്നു. കേരളത്തിൽ അത്യപൂർവമായ ഈ വൃക്ഷം സൈലന്റ്വാലി വനാന്തരങ്ങളിൽ വിരളമായി കാണപ്പെടുന്നുണ്ട്. 80-100 വർഷം വരെ ആയുസ്സുള്ള ഈ വൃക്ഷത്തിന്റെ പ്രജനനം അത്യപൂർവമായെ നടക്കാറുള്ളൂ.
1993-ൽ സൈലന്റ്വാലി വനാന്തരങ്ങളിൽ നീരാൽ വൃക്ഷത്തെ കണ്ടെത്തി നാമകരണം ചെയ്തത് കേരള ഫോറസ്റ്റ് റിസർച്ച് ഇൻസ്റ്റിറ്റ്യൂട്ടിലെ ഗവേഷകനായ ഡോ. ശശിധരനാണ്. ഇവിടെ ധാരാളം നീരുറവകളുള്ള സ്ഥലത്താണ് ഈ വൃക്ഷം സമൃദ്ധമായി വളരുന്നത്. വരൾച്ച അനുഭവപ്പെടുന്നപ്രദേശങ്ങളിൽ ഇതു വളരുന്നില്ല.
30 മീറ്ററോളം ഉയരത്തിൽ വളരുന്ന നീരാലിന്റെ കാതലിന് ഈടും ഉറപ്പും കുറവാണ്. വംശനാശഭീഷണി നേരിടുന്ന ഈ വൃക്ഷത്തിൽ പുഷ്പങ്ങളും കായ്കളും ഉണ്ടാകാറുണ്ടെങ്കിലും തൈകൾ മുളയ്ക്കാത്തതിനാലാണ് വംശനാശഭീഷണി നേരിടുന്നത്. അത്യപൂർവമായ ഈ വൃക്ഷത്തെപ്പറ്റിയുള്ള പഠനങ്ങൾ പുരോഗമിച്ചു വരുന്നു.
അവലംബം [തിരുത്തുക]
- ↑ http://mal.sarva.gov.in/index.php?title=%E0%B4%A8%E0%B5%80%E0%B4%B0%E0%B4%BE%E0%B4%B2%E0%B5%8D%E2%80%8D
പുറത്തേക്കുള്ള കണ്ണികൾ [തിരുത്തുക]
 |
സസ്യങ്ങളുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |
 |
കടപ്പാട്: കേരള സർക്കാർ ഗ്നൂ സ്വതന്ത്ര പ്രസിദ്ധീകരണാനുമതി പ്രകാരം ഓൺലൈനിൽ പ്രസിദ്ധീകരിച്ച മലയാളം സർവ്വവിജ്ഞാനകോശത്തിലെ നീരാൽ എന്ന ലേഖനത്തിന്റെ ഉള്ളടക്കം ഈ ലേഖനത്തിൽ ഉപയോഗിക്കുന്നുണ്ട്. വിക്കിപീഡിയയിലേക്കു് പകർത്തിയതിനു് ശേഷം പ്രസ്തുത ഉള്ളടക്കത്തിനു് സാരമായ മാറ്റങ്ങൾ വന്നിട്ടുണ്ടാകാം. |
